အမည်မသိ အမျိုးသားတစ်ဦးအား နောက်မှ(၁၂)ဘီးကားဖြင့် ဝင်တိုက်မိ၍ သေဆုံး
ပို့စ်တင်ချိန်
-
2/27/2014 12:11:00 PM
တောင်ငူ ဖေဖေါ်ဝါရီ ၂၆
ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့၊ ရန်ကုန်- မန္တလေး ပုံမှန်ကားလမ်း မိုင်တိုင်အမှတ် ၂၁၄/၇ နှင့် ၂၁၅/၀ အကြားတွင် ယာဉ်တိုက်မှုဖြစ်ပွားခဲ့သည်။
ဖြစ်စဉ်မှာ ရန်ကုန်- မန္တလေးပုံမှန် ကားလမ်း မိုင်တိုင်အမှတ် ၂၁၄/၇ နှင့် ၂၁၅/၀ အကြားတွင် တောင်မှမြောက်သို့ လမ်းလျှောက်သွားသူ အသက် (၄၅) နှစ်ခန့်၊ အမည်မသိ အမျိုးသား တစ်ဦးအား ၄င်းလမ်းအတိုင်း မောင်းနှင်လာသော ဇင်မင်းထွန်း (၂၃) နှစ်၊ (ဘ) ဦးဟန်တင်၊ ညောင်ပင်ခြံ ကျေး၇ွာ၊ ခင်ဦးမြို့နေသူ မောင်းနှင်လာသော ၉ခ/ ၃၈၂၇ နီဆန်းဒီဇယ် အဖြူရောင် (၁၂) ဘီးယာဉ်မှ နောက်မှ ဝင်ရောက် တိုက်မိသဖြင့် အမည်မသိ အမျိုးသားတွင် ဦးခေါင်း ကြေမွဒဏ်ရာ၊ ဝဲ/ ယာခြေကျိုး ဒဏ်ရာဖြင့် သေဆုံးခဲ့သည်။
ဇင်မင်းထွန်းအား ရေးယူပေးပါရန် ရဲအုပ်ကျော်ကျော်ဝင်းမှ တရားလိုပြုလုပ် တိုင်တန်းသဖြင့် ရေနီနယ်မြေ ရဲစခန်းမှ ပြစ်မှုပုဒ်မ ၃၀၄-က အရအမှုဖွင့် အရေးယူ ဆောင်ရွက် ထားရှိကြောင်း သတင်းရရှိသည်။
MOI Webportal Myanmar
