ရေဒါနှင့် လေဆာပေါင်းစပ်ထားသော LIDAR နည်းပညာ

ပို့စ်တင်ချိန် - 3/11/2014 09:51:00 AM

ရေးသားသူ-World Wide

ရှေးကျသော မြို့ဟောင်းများကိုရှာဖွေချင်ပါသလား ၊ တိကျကောင်းမွန်ပြီး ကြည်လင်ပြတ်သားသော နယ်မြေရှုခင်းများ၏ မြေပုံများကိုရယူချင်ပါသား။ ထိုသို့ဆို လျှင် သင့်အနေ ဖြင့် Lidarနည်းပညာ သည် အသုံးပြုရန် အကောင်းဆုံးသော နည်း ပညာတစ်ခုပင်ဖြစ်ပါသည်။

မကြာသေးမီအချိန်က Combodia နိုင်ငံရှိ Angkor Wat ဘုရားကျောင်းကြီး၏ အောက်ခြေတွင် Mahendraparvata ဟုခေါ်သည့်ပျောက်ဆုံးနေသော မြို့ကြီးအား Lidar နည်းပညာ ကိုအသုံးပြု၍ ရှာဖွေတွေ့ရှိခဲ့ကြပါသည်။ ထို့အပြင် Lidar နှင့် Laser တို့သည် အမည်နာမ ချင်းဆင်တူသော်လည်း ၄င်းတို့ကို အသုံးချနိုင်သော နည်းလမ်းများကွာခြားလှပေသည်။
Lidar ဆိုသည်မှာ အဝေးမှထိန်းချုပ်နိုင်သောအာရုံခံစနစ်ဖြစ်ပြီး အရာဝတ္တုပေါ်သို့ လေဆာ ရောင်ခြည်ကို ထိုးလိုက်ခြင်းဖြင့်ရရှိလာသော ပြန်လင်းတန်းများ ကိုတွက်ချက်၍ အကွာအဝေး များ၊ ပုံရိပ်များအစရှိသည်ဖြင့် မိမိလိုချင်သော အချက်များရရှိရန် တိုင်းတာသော နည်းပညာ ဖြစ်ပါသည်။ Lidar နည်းပညာအား ယနေ့ခေတ်တွင် ကြည်လင်ပြတ်သားမှု ကောင်းမွန်သောမြေပုံများရရှိရန် အသုံးပြုပြီး အခြားနယ်ပယ်များဖြစ်သည့် ဂျီသြမေတြီပညာရပ်များ၊ ရှေးဟောင်းသုတေသဆိုင်ရာ လုပ်ငန်းများ၊ ဘူမိဗေဒနယ်ပယ်များ၊ မြေငလျင်တိုင်းတာခြင်းပညာရပ်များ၊ သစ်တော လုပ်ငန်းများ၊ အဝေးထိန်းစနစ်များ၊ ကမ္ဘာ့လေထုသိပ္ပံပညာရပ်များ တွင်လည်း အသုံးပြုကြပါသည်။

Lidarသမိုင်းကြောင်း

Lidar နည်းပညာအားလေဆာနည်းပညာကိုအခြေခံ၍ ၁၉၆၀ ခုနှစ်အစောပိုင်း တွင် ထုတ်လုပ်ခဲ့ပါသည်။ လေဆာရောင်ခြည် ထိုးလိုက်ခြင်းဖြင့်ရေဒါမှ လက်ခံရရှိသော ပုံရိပ်နှင့် ရေဒီယိုလှိုင်းပြန်လာသော အချိန်ကိုတိုင်းတာပြီး အကွာအဝေးအား တွက်ချက် ခဲ့ကြသည်။ ၄င်းနည်းပညာအား ပထမဆုံးအဖြစ် ကမ္ဘာမြေကြီး၏ လေထုဖိအား ကိုလေ့လာသောပညာရပ်တွင် အသုံးပြုခဲ့ပါသည်။ ထို့နောက် တိကျမှုနှင့် အသုံးဝင်ခြင်း ကြောင့် အခြားသောလုပ်ငန်းများတွင် တွင်ကျယ်စွာအသုံးပြုလာကြပြီး ၁၉၇၁ ခုနှစ် တွင် လွှတ်တင်ခဲ့သည့် အပိုလို ၁၅ တွင် အာကာသယာဉ်မှူးများအနေဖြင့် လ၏ မျက်နှာပြင်မြေပုံအားရရှိရန် Lidar နည်းပညာကို အသုံးပြုခဲ့ကြပါသည်။

Lidar တွင် ခရမ်းလွန်ရောင်ခြည် ၊ မြင်နိုင်သောအလင်းတန်းနှင့် အနီအောက်ရောင်ခြည် တို့အားအသုံးပြု၍ ဝေးကွာသောနေရာမှ အရာဝတ္တုများ၊ ကျောက်တုံး၊ မိုးစက် ၊ ဓာတုဒြပ်ပေါင်းများ၊ လေသန့်ဘူးများ၊ တိမ်များကိုသာမက မော်လီကျူး တစ်ခုခြင်းစီ တို့ကိုလည်းတိုင်းတာနိုင်ပါသည်။
ယေဘုယျအားဖြင့် Lidar တွင်စနစ်အမျိုးအစားနှစ်မျိုးရှိပြီး Incoherent နှင့် Coherent တို့ဖြစ်သည်။ Coherent စနစ်အား Optical Heterodyne တိုင်းတာခြင်းတွင်အသုံးပြုပါသည်။ Incoherent နှင့် Coherent Lidar တွင် Pulse Models နှစ်ခုပါဝင်ပြီး ၄င်းတို့မှာ Micropulselidar System နှင့် High Energy Systems တို့ဖြစ်ပါသည်။ High Energy Systems အား လေထုလေ့လာရေး ပညာရပ်များဖြစ်သော တိမ်များ၏ သိပ်သည်းဆအကြောင်း၊ အမြင့်နှင့် လေထုအလွှာ တိုင်းတာခြင်း၊ အပူချိန်၊ ဖိအား၊ လေ နှင့် ဂတ်စ် (အိုဇုန်း၊ မီသိမ်း၊ နိုက်ထရစ်အောက်ဆိုဒ်) ရှာဖွေရေးလုပ်ငန်းများတွင် အသုံးပြုပါသည်။
အရာဝတ္တုများပေါ်သို့ အလင်းတန်းကျရောက်ခြင်းမှ ဖြစ်ပေါ်လာသည့် ကွဲပြားခြားနားသော ပြန်လင်းတန်းများအပေါ် မူတည်၍ Lidar ၏ အလုပ်လုပ် ဆောင်ပုံများလည်းကွဲပြားပါသည်။ ပြန်လင်းတန်းအမျိုးအစားများပေါ် မူတည်၍ RaylightLadar၊ Mie Lidar၊ Raman Lidar နှင့် Na/Fe/KluorescenceLidar အစရှိသည်ဖြင့် အမျိုးအစားများစွာရှိပါသည်။

Lidar စနစ်တွင်ပါဝင်သောအဓိကအစိတ်အပိုင်းများ

Laser

သိပ္ပံလုပ်ငန်းများမဟုတ်သောအခြားလုပ်ငန်းကိစ္စရပ်များတွင် ၆၀၀-၁၀၀၀ နာနိုမီတာလေဆာအသုံးပြုပါသည်။ ၄င်းလေဆာပစ္စည်းအနေဖြင့် ဈေးမကြီးသည့်အပြင် မျက်လုံးဖြင့်လွယ်ကူစွာ ကြည့်ရှုနိုင်ပါသည်။ စစ်ဘက်ဆိုင်ရာလုပ်ငန်းများတွင်မှု ၁၅၅၀ နာနိုမီတာလေဆာအားအသုံးပြုပြီးလေကြောင်းမှ မြေပုံပြုလုပ်သည့် lidarများတွင် ၁၀၆၄ နာနိုမီတာလေဆာအားအသုံးပြုသည်။

Scanner and Optics

ပုံများအားလျင်မြန်စွာရိုက်ယူနိုင်ရန်မှာကင်မရာ၏ မြန်နှုန်းပေါ်တွင်မူတည်ပါသည်။ lidarတွင် azimuth နှင့် elevation အား scan ပြုလုပ်သည့်စနစ်များပါဝင်ပါသည်။

Photodetector and Reveiver Electronics

Lidarတွင် အဓိကကျသော Photodetector နည်းပညာ နှစ်မျိုးအား အသုံးပြုထား ပါသည်။ ၄င်းတို့မှာ Solid Stat Photodetectors နှင့် Photomultipliers တို့ဖြစ်ပါသည်။

Position and navigation systems

Lidarအာရုံခံစနစ်စနစ်အား ရွေ့လျားသွားလာနိုင်သော ယာဉ်အမျိုးမျိုးတွင် တပ်ဆင် အသုံးပြုနိုင်ပါသည်။ (ဥပမာလေယာဉ်များ၊သို့မဟုတ် ဂြိုဟ်တု)
3D ပုံရိပ်များအား Scanning နှင့် Non-scanning Systems စသည့် နည်းလမ်း နှစ်မျိုးအားအသုံးပြု၍ ရယူနိုင်ပြီး 3D Laser Radar တွင် Non-scanning Systems ကိုအသုံးပြုထားပါသည်။

Lidarနည်းပညာအားကဏ္ဍာအသီးသီးတွင်အသုံးပြုပုံများ

လယ်ယာစိုက်ပျိုးရေးကဏ္ဍ

Lidar နည်းပညာကိုလယ်သမားများအားမည်သည့်နေရာ၌ ဓာတ်မြေသြဇာအသုံးပြုရန် သင့်လျော်ကြောင်းကိုဆုံးဖြတ်ပေးနိုင်သကဲ့သို့ Lidar နည်းပညာဖြင့် လယ်ကွင်းများ၏ မြေမျက်နှာသွင်ပြင်မြေပုံကိုဖန်တီးပေးနိုင်ပါသည်။ ထို့ကြောင့် Lidar နည်းပညာဖြင့် ဓာတ်မြေသြဇာအားမည်သည့်နေရာတွင် ကျဲချရမည်ကို သိရှိစေနိုင်ပြီး ထိုသို့သိရှိခြင်း ကြောင့် သီးနှံအထွက်နှုန်းကောင်းမွန်သဖြင့် လယ်သမားများအတွက် အလွန်အကျိုး ရှိသောနည်းပညာတစ်ခုဖြစ်ပေသည်။

ရှေးဟောင်းသုတေသနလုပ်ငန်းများ

ရှေးဟောင်းသုတေသနသမားများအတွက် သုတေသနပြုလုပ်မည့် ရှေးဟောင်းနေရာ များ ရှာဖွေရာတွင် ကြည်လင်ပြတ်သားမှု ကောင်းမွန်သောပုံများ ရရှိစေပါသည်။

မောင်းသူမဲ့ယာဉ်များ

အတားအဆီးများအား ကြိုတင်ထောက်လှမ်းနိုင်ရန်နှင့် ရှောင်ရှားနိုင်ရန် အတွက် မောင်းသူမဲ့ယာဉ်များတွင် Lidarအားအသုံးပြုပါသည်။

မိုးလေ၀သနှင့်လေထုအလွှာကဏ္ဍ

လေထုပေါင်းစပ်ပါဝင်မှု၊တည်ဆောက်ပုံ၊တိမ်များနှင့် လေဖိအားစသည့်များ ကိုလေ့လာရာတွင် Lidarစနစ်အားအသုံးပြုခဲ့ကြပါသည်။ အဆိုပါအချက်အလက်များ ကိုလေ့လာရာတွင် အောက်ပါ Lidar နှစ်မျိုးအားအသုံးပြုကြပါသည်။

Differential Absorption Lidar (DIAL) နှင့် Doppler Lidar တို့ဖြစ်ပြီး DIAL အနေဖြင့် လေထုထဲတွင်ပါဝင်သော ဓာတ်ငွေ့များဖြစ်သည့် အိုဇုန်း၊ ကာဗွန်ဒိုင်အောက်ဆိုဒ်၊ ရေငွေ့တို့၏ ထုထည်များကိုတိုင်းတာပါသည်။ အဆိုပါ DIAL အနေဖြင့် On-line wavelength နှင့် Off-line Wavelength ဟူ၍ လိုင်းနှစ်မျိုးကို ထုတ်လွှတ်ပြီးတိုင်းတာပါသည်။
Doppler Lidar အားအပူချိန်နှင့် လေတိုက်နှုန်းတို့ကိုတိုင်းတာရာတွင် အသုံးပြုပါသည်။ ထို့အပြင် Doppler Lidar စနစ်အား ပြန်လည်ပြည့်ဖြိုးမြဲစွမ်းအင်များ ထုတ်လုပ်နိုင်သည့် နေရာများတွင်လည်းအသုံးပြုနိုင်ပါသည်။

သတ္တုရှာဖွေခြင်း

Lidarအားသတ္တုတူးဖော်သည့် လုပ်ငန်းများတွင်လည်းအသုံးပြုကြပါသည်။ သတ္တုရိုင်း ထွက်ရှိနိုင်မည့် ပမာဏအားတိုင်းတာတွက်ချက်ရာတွင် အသုံးပြုခြင်းဖြစ်ပါသည်။

အာကာသသိပ္ပံ

မားစ် (Mars) ဂြိုဟ်၏ လေထုထဲတွင်ရှိသော နှင်းများ၏ ပမာဏကိုတိုင်းတာရန်အတွက် နာဆာ၏ Phoenix Lander တွင် Lidar စနစ်ကိုအသုံးပြုခဲ့ကြပါသည်။ လေထု၏ အပေါ်ပိုင်းနှင့်အောက်ပိုင်းအလွှာများတွင် ပါဝင်နေသော ပိုတက်ဆီယမ်၊ ဆိုဒီယမ် ၊ နိုက်ထရိုဂျင်နှင့် အောက်ဆီဂျင် တို့၏ ပမာဏကို Lidar ကိုအသုံးပြု၍ အဝေးမှ တိုင်းတာခြင်းဖြစ်ပါသည်။ ထို့အပြင် အာကာသအတွင်းမှ လေဟာနယ်ဆိုင်ရာ ကိစ္စရပ်များ တွင်လည်း Lidar အားအသုံးပြုပါ သည်။ အာကာသယာဉ်မှ Short Pulses လေဆာအလင်းတန်းအား ထုတ်လွှတ်ပြီး လေဟာနယ်အတွင်း၌ ရှိနေသော အမှုန်အမွှားလေးများ ကိုလေဆာအလင်းတန်းမှ ထိမှန်ရာမှ ပြန်ထွက်လာ သော ပြန်လင်းတန်းများ ကိုဖမ်းယူ၍ တိုင်းတာခြင်းဖြစ်ပါသည်။

စက်ရုပ်ကဏ္ဍ

သုံးဘက်မြင်ပုံရိပ်များ၊ မြေပြင်ရှိအရာဝတ္တုများ၏ တိကျသောအကွာအဝေး ၊ လုံခြုံစိတ်ချနိုင်သော အလျင်နှုန်းဖြင့် ချဉ်းကပ်ဆင်းသက်ခြင်းများ အတွက် Lidar နည်းပညာအား အသုံးပြုနိုင်ပါသည်။

သယ်ယူပို့ဆောင်ရေး

မော်တော်ကားများ၏ Adaptive Cruise Control (ACC) စနစ်တွင် Lidar အားအသုံးပြုပါသည်။ အဆိုပါစနစ်အားမော်တော်ကားများ၏ ရှေ့ပိုင်းနေရာများတွင် တပ်ဆင်ထားရှိပြီးရှေ့တူရူမှ မောင်းနှင်လာသောယာဉ်များ၏ ချဉ်းကပ်လာမှု အကွာအဝေးအား တိုင်းတာပြီး အန္တရာယ်ရှိသော အနေအထားမျိုးဖြစ်ပါက ၄င်းစနစ် အနေဖြင့် မော်တော်ယာဉ်အား အလိုအလျောက်ရပ် တန့်ပေးခြင်းများ ပြုလုပ်နိုင်ပါ သည်။

နိဂုံးချုပ်အနေဖြင့် LIDAR နည်းပညာသည် လှုမှုသိပ္ပံလုပ်ငန်းဆောင်တာ ကိစ္စရပ်များတွင် သင့်တော်သလို အကျိုးရှိစွာအသုံးချနိုင်သော နည်းပညာတစ်ခု ဖြစ်ပြီး နည်းပညာဖွံဖြိုးမှုများ လိုအပ်နေသေးသော် ကျနော်တို့ မြန်မာနိုင်ငံအနေဖြင့်လည်း သိရှိနိုင်ရန်အလို့ငှာ ရေးသားတင်ပြလိုက်ရပါသည်။

ကျမ်းကိုးစာရင်း
www.lidar.com
www.lidarnews.com
en.wikipedia.org/wiki/lidar

TechSpace Journal