အမတ်များ ပြည်သူ့ဆန္ဒကျောခိုင်းသောအခါ

ပို့စ်တင်ချိန် - 2/20/2014 07:10:00 PM


ရေးသားသူ- ရန်မျိုးနိုင်

ဆယ်စုနှစ်များစွာ စစ်တပ်၏အုပ်ချုပ်မှုအောက်မှ ဒီမိုကရေစီအသွင်ကူးပြောင်းရန်အတွက် ၂၀၁၀ အထွေထွေရွေးကောက်ပွဲကို အုပ်ချုပ်သူတပ်မတော်အစိုးရကပင် ဦးစီးကျင်းပပေးခဲ့သည်။

ထိုရွေးကောက်ပွဲကို အမျိုးသားဒီမိုကရေစီအဖွဲ့ချုပ်အပါအ၀င် ဒီမိုကရေစီအင်အားစုများက သပိတ်မှောက်ခဲ့ကြသော်လည်း ၂၀၁၀ ရွေးကောက်ပွဲသည် ဒီမိုကရေစီလမ်းကြောင်းကို လျှောက်လှမ်းနိုင်ရေးအတွက် အခွင့်အရေးဖြစ်နေသောကြောင့် ၀င်ရောက်ယှဉ်ပြိုင်မည်ဖြစ်ပြီး တပ်မတော်မှဆွဲထားသည့် ဖွဲ့စည်းပုံအခြေခံဥပဒေကို ပြင်ဆင်ဆောင်ရွက်မည်ဟု ကြွေးကြော်မဲဆွယ်ကာ ဒီမိုကရေစီအင်အားစုပါတီအချို့ လွှတ်တော်ထဲရောက်ရှိလာကြသည်။

ရွေးကောက်ပွဲအပြီး သုံးနှစ်ကျော်လာသည့်အချိန်တွင် အခြေခံဥပဒေကို ပြင်ဆင်မည်ဟု မဲဆွယ်ခဲ့သော ပါတီအချို့မှ လွှတ်တော်ကိုယ်စားလှယ်အချို့သည် မဲဆန္ဒရှင်ပြည်သူများ၏ဆန္ဒကို ကျောခိုင်းလာသည်ကို တွေ့ရှိလာရသည်ဟု မဲဆန္ဒရှင်ပြည်သူများက ဝေဖန်မှုများထွက်ပေါ်လာသည်။

“ကျွန်တော် ၂၀၁၀ တုန်းက အဲဒီပါတီကိုပဲ မဲပေးခဲ့တာ။ သူတို့ကို အားကိုးလို့ပေါ့။ ဒါပေမဲ့ အခုတော့ ပါတီက လွှတ်တော်ကိုယ်စားလှယ်က ကိုယ်တွေပြင်ချင်တဲ့အချက်ကို မပြင်သင့်ဘူးလို့ ပြောလာတယ်ဗျ။ မဲဆန္ဒရှင်တွေဆန္ဒကို လျစ်လျူရှုတာလား မေးစရာရှိလာတယ်”ဟု ရန်ကုန်တိုင်းဒေသကြီး ရွှေပြည်သာမြို့နယ်တွင်နေထိုင်သော အသက်(၂၇)နှစ်အရွယ် ကိုမင်းသူရိန်ကပြောသည်။

ပြီးခဲ့သည့်ရက်ပိုင်းအတွင်းက ရန်ကုန်မြို့နှင့် မန္တလေးမြို့များတွင် ဖွဲ့စည်းပုံအခြေခံဥပဒေ၌ပါဝင်သည့် နိုင်ငံတော်သမ္မတ အရည်အချင်းသတ်မှတ်ချက်ကို ပြင်ဆင်ပါက အမျိုးဘာသာ၊ သာသနာအတွက် စိုးရိမ်စရာရှိလာသည့်အတွက် ပြင်ဆင်ခြင်းမပြုရန် ထောက်ခံသည့်ဟောပြောပွဲများကို ပြုလုပ်ခဲ့ကြသည်။

“ရွေးကောက်ပွဲအကြိုကာလက သူတို့ရဲ့ဆောင်ရွက်ပေးမယ်ဆိုတဲ့ ပြောကြားချက်တွေနဲ့ အခုနောက်ပိုင်း လုပ်ဆောင်ချက်တွေမှာ အယူအဆလွဲတာလေးတွေ တွေ့လာရတယ်။ အဓိကက ပြည်သူတွေလိုလားတဲ့ ဒီမိုကရေစီအတွက် ဆောင်ရွက်ပေးမယ်ပြောခဲ့ပေမယ့် အခုနောက်ပိုင်း သူတို့ရဲ့လုပ်ဆောင်ချက်အချို့က အာဏာရှင်စနစ်ကလာတဲ့သူတွေကို အထောက်အကူပေးနေသလို ဖြစ်နေတယ်။ သူတို့ပေးထားတဲ့ကတိတွေအတိုင်းမလုပ်ဘဲ သွေဖယ်သွားမယ်ဆိုရင် နောက်ရွေးကောက်ပွဲမှာ အရင်တုန်းကလို
ပြည်သူလူထုရဲ့ထောက်ခံမှုရလဒ်ကို မျှော်လင့်လို့မရတော့ဘူး”ဟု ရနံ့သစ်မဂ္ဂဇင်းတာဝန်ခံ အယ်ဒီတာကိုပြည်သွေးနိုင်က သုံးသပ်ပြောကြားသည်။

ဖေဖော်ဝါရီ ၂ ရက်က ရန်ကုန်မြို့တွင် ကျင်းပခဲ့သည့် ဖွဲ့စည်းပုံအခြေခံဥပဒေတွင် နိုင်ငံတော်သမ္မတအရည်အချင်း သတ်မှတ်ချက်တစ်ခုဖြစ်နေသည့် ပုဒ်မ ၅၉ (စ)ကို ပြင်ဆင်ခြင်းမပြုရန် ထောက်ခံဟောပြောပွဲကို အမျိုးသားဒီမိုကရေစီအင်အားစုပါတီမှ အမျိုးသားလွှတ်တော်ကိုယ်စားလှယ်ဖြစ်သူ ဒေါ်ခင်ဝိုင်းကြည်နှင့် မတူကွဲပြားနှင့် ငြိမ်းချမ်းရေးပါတီဥက္ကဋ္ဌ ဦးနေမျိုးဝေတို့ကလည်း တက်ရောက်ဟောပြောခြင်းများ ပြုလုပ်ခဲ့သည်။

ယင်းဟောပြောပွဲတွင် သမ္မတနေရာအတွက် ဒေါ်အောင်ဆန်းစုကြည်နှင့် သူရဦးရွှေမန်းတို့ကို ယှဉ်ပြိုင်ရွေးချယ်ရပါက သူရဦးရွှေမန်းကို ရွေးချယ်မည်ဖြစ်ကြောင်း၊ တပ်မတော်သည် အစကတည်းကပင် တိုင်းပြည်အတွက် အသက်စွန့်ထားပြီးဖြစ်သည်ဟု ဒေါ်ခင်ဝိုင်းကြည်ကထည့်သွင်းပြောကြားခဲ့သည်။

အမျိုးသားဒီမိုကရေစီအဖွဲ့ချုပ် အပြတ်အသတ်အနိုင်ရရှိခဲ့သော ၁၉၉၀ ရွေးကောက်ပွဲနှင့် ၂၀၁၂ ကြားဖြတ်ရွေးကောက်ပွဲများ၏ ရလဒ်များကို ကြည့်ရှုလေ့လာပါက ပြည်သူလူထုအနေဖြင့် တိုင်းပြည်၏ခေါင်းဆောင်နေရာအတွက် မည်သူ့ကိုအလိုရှိနေကြောင်း သိရှိနိုင်သည့်အတွက် ပြည်သူတို့၏ဆန္ဒသဘောထားများကို မပစ်ပယ်ထားသင့်ဟု နိုင်ငံရေးလေ့လာသူများကဆိုသည်။

လက်ရှိအချိန်တွင် အမျိုးဘာသာသာသနာအတွက် ဖွဲ့စည်းပုံအခြေခံဥပဒေတွင်ပါဝင်သည့် အချက်အချို့ကို မပြင်သင့်ကြောင်း ပြောကြားနေမှုသည် ပါတီ၏ရပ်တည်ချက်နှင့် မသက်ဆိုင်ဘဲ ၎င်းလွှတ်တော်ကိုယ်စားလှယ်၏ တစ်သီးပုဂ္ဂလအမြင်သာဖြစ်သည်ဟု အမျိုးသားဒီမိုကရေစီအင်အားစုပါတီမှ အတွင်းရေးမှူး(၁) ဦးကြည်သန်းကဆိုသည်။

“၂၀၁၀ တုန်းက ပြည်ထောင်စုကြံ့ခိုင်ရေးပါတီကို မဲမပေးချင်တော့ ကျန်တဲ့အတိုက်အခံပါတီတစ်ခုကို ပေးလိုက်တယ်။ ဒါပေမဲ့ ထင်သလိုမဖြစ်လာဘူး။ အဲဒီအချိန်တုန်းက မဲသာပေးရတယ် လန့်ရတဲ့အနေအထားရှိတယ်။ ရွေးကောက်ပွဲမှာ ပြောသမျှကတော့ နိုင်ငံတကာမှာလည်း ရာနှုန်းပြည့်မလုပ်ပေးနိုင်ဘူးဆိုတာ သိပါတယ်။
ဒါပေမဲ့ ဒီမှာက ရာခိုင်နှုန်းအနည်းငယ်တောင် မလုပ်ပေးနိုင်ဘူး”ဟု မြောက်ဥက္ကလာပမြို့နယ်မှ မဲဆန္ဒရှင်ပြည်သူတစ်ဦးကပြောသည်။

နိုင်ငံတော်သမ္မအရည်အချင်းကဲ့သို့ ဒီမိုကရေစီမကျသည့်အချက်များကို ဖွဲ့စည်းပုံအခြေခံဥပဒေတွင်ပြင်ဆင်ရန် အမျိုးသားဒီမိုကရေစီအဖွဲ့ချုပ်က ကြိုးပမ်းနေချိန်တွင် ယခုကဲ့သို့ အမျိုးသားရေးကိုအခြေခံကာ မပြင်ဆင်သင့်ကြောင်း ဟောပြောနေမှုများသည် နိုင်ငံရေးပဋိပက္ခများကို ဖြစ်ပေါ်စေနိုင်သည်ဟု နိုင်ငံရေးလေ့လာသုံးသပ်သူတစ်ဦးဖြစ်သူ ဒေါက်တာရန်မျိုးသိမ်းကသုံးသပ်သည်။

ရွေးကောက်ပွဲတဖြည်းဖြည်းနီးကပ်လာသည့်အတွက် နိုင်ငံရေးသမားများသည် ရွေးကောက်ပွဲမတိုင်မီကာလက ပြည်သူတို့ကို ကတိခံထားသည့်အချက်များအား အကောင်အထည်ဖော်ရေးထက် ရွေးကောက်ပွဲတွင် ထပ်မံရွေးချယ်ခံရရေးကိုသာ ဦးစားပေးလုပ်ဆောင်မည့် အခြေအနေများကို ဆက်တိုက်မြင်တွေ့လာရသည်ဟု နိုင်ငံရေးလေ့လာသူများကဆိုသည်။

“ပြီးခဲ့တဲ့တစ်ခေါက်က အတွေ့အကြုံရပြီးပြီလေ။ ဒီတစ်ခေါက်တော့ အပြောသမားတွေ၊ ကိုယ်ကျိုးကြည့်မယ့်သူနဲ့ ကျွန်တော်တို့ကို ပြောတော့တစ်မျိုး လုပ်တော့တစ်မျိုး သူတွေကိုတော့ မဲမပေးတော့ဘူး”ဟု ၂၀၁၅ ရွေးကောက်ပွဲတွင် ၎င်းတို့၏လိုလားချက်များကို တကယ်အမှန်တကယ် အကောင်အထည်ဖော်ပေးမည့် ကိုယ်စားလှယ်အား ထပ်မံရွေးချယ်ရတော့မည့် ကိုမင်းသူရိန်ကပြောသည်။

ဓာတ်ပုံ- ဂျေမောင်မောင် (အမရပူရ)
7Day News Journal