တရုတ်နိုင်ငံ၏ ရင်းနှီးမြှုပ်နှံမှုများသည် မြန်မာနိုင်ငံ အတွက်သာမက အာဆီယံနိုင်ငံများ အတွက်ပါ စိန်ခေါ်မှုတစ်ရပ် ဖြစ်နေကြောင်း အာဆီယံပြည်သူ့ဖိုရမ် ဖြစ်မြောက်ရေးကော်မတီ ဒုဥက္ကဋ္ဌ ပြောကြား

ပို့စ်တင်ချိန် - 3/25/2014 12:14:00 PM

မတ် ၂၄ ရက်က ရန်ကုန်မြို့တွင် ပြုလုပ်ခဲ့သော အာဆီယံပြည်သူ့ဖိုရမ် သတင်းစာရှင်းလင်းပွဲကို တွေ့ရစဉ်

တရုတ်နိုင်ငံ၏ ရင်းနှီးမြှုပ်နှံမှုများသည် မြန်မာနိုင်ငံ တစ်နိုင်ငံတည်း အတွက်သာမက အခြားအာဆီယံ နိုင်ငံများအတွက်ပါ စိန်ခေါ်မှုတစ်ရပ် ဖြစ်နေသည်ဟု အာဆီယံ ပြည်သူ့ဖိုရမ် ဖြစ်မြောက်ရေးကော်မတီ ဒုတိယဥက္ကဋ္ဌဖြစ်သည့် ထိုင်းနိုင်ငံသူ Mrs.Pre mrudee Daoroung က မတ် ၂၄ ရက်က ပြုလုပ်သော အာဆီယံပြည်သူ့ဖိုရမ် သတင်းစာရှင်းလင်းပွဲတွင် The Daily Eleven သို့ ပြောကြားသည်။

တရုတ်နိုင်ငံ အနေဖြင့် အာဆီယံနိုင်ငံများတွင် ရင်းနှီးမြှုပ်နှံမှုများ ပြုလုပ်ရာ၌ တစ်နိုင်ငံနှင့် တစ်နိုင်ငံအတွက် စံနှုန်းများ တူညီစွာထားခြင်းမျိုး မရှိကြောင်း၊ ယင်းကဲ့သို့ ရင်းနှီးမြှုပ်နှံမှုများ ပြုလုပ်ရာတွင် ၎င်းတို့ကိုယ်တိုင် ဆွဲထားသည့် စံနှုန်းများအတိုင်းသာ လုပ်ဆောင်ခြင်းဖြစ်ပြီး နိုင်ငံတကာ စံချိန်စံနှုန်းများအောက် များစွာလျော့နည်းကြောင်း၊ ယင်းအတွက်ကြောင့် တရုတ်ရင်းနှီးမြှုပ်နှံမှုသည် အာဆီယံဒေသတွင်းအတွက် ကြီးမားသည့် ပြဿနာတစ်ရပ် ဖြစ်လာကြောင်း Mrs.Pre mrudee Daoroung က ပြောကြားသည်။

တရုတ်ကုမ္ပဏီများ အနေဖြင့် အခြားနိုင်ငံများ၌ ရင်းနှီးမြှုပ်နှံမှုများ ပြုလုပ်ရာတွင် စီမံကိန်းကြီးများအတွက် ငွေကြေးလုံလောက်မှု မရှိကြောင်း၊ ယင်းအတွက် ချေးငွေရယူရာ၌ ပုဂ္ဂလိကဘဏ်များမှ ချေးယူရုံဖြင့် မလုံလောက်သည့်အတွက် တရုတ်အစိုးရထံမှပါ ချေးယူရကြောင်း၊ ယင်းအတွက်ကြောင့် ရင်းနှီးမြှုပ်နှံမှုများ အပေါ်ထားသည့် စံနှုန်းများတွင် တရုတ်အစိုးရ၊ လုပ်ငန်းရှင်၊ ကုမ္ပဏီများမှာ အတူတူပင်ဖြစ်ကြောင်း ၎င်းက ပြောကြားသည်။

"မြန်မာနိုင်ငံတစ်ခုတည်းတင် မဟုတ်ဘူး။ အာဆီယံနိုင်ငံ အားလုံးမှာရှိတဲ့ အရပ်ဘက် အဖွဲ့အစည်းတွေက တရုတ်အစိုးရကို ရင်းနှီးမြှုပ်နှံမှုတွေ လုပ်တဲ့အခါမှာ သူတို့လိုက်နာ စောင့်ထိန်းရမယ့် ကျင့်ဝတ်တွေနဲ့ ပတ်သက်ပြီး စံနှုန်းကို အားလုံးအတွက် သတ်မှတ်ပေးဖို့ တောင်းဆိုဖို့ လိုပါလိမ့်မယ်။ သူတို့က ဒီနေရာရောက်ရင် တစ်မျိုးလုပ်ပြီး ဟိုနေရာရောက်ရင် တစ်မျိုးလုပ်တယ်။ လုပ်တာတွေ အကုန်လုံးက နိုင်ငံတကာ စံချိန်စံနှုန်းတွေအောက်ကို အများကြီးရောက်တယ်။ အဲဒီတော့ သူတို့ဟာ သူတို့အဆင်ပြေအောင် လုပ်သွားရင် သူတို့နဲ့သက်ဆိုင်ရာ အစိုးရတွေကြားမှာ လုပ်ထားတဲ့ဟာတွေကို နိုင်ငံတကာအဆင့်နဲ့ ပြောလို့မရတာတွေ ဖြစ်ကုန်မယ်" ဟု Mrs.Pre mrudee Daoroung က ဆိုသည်။

အာဆီယံ ပြည်သူ့ဖိုရမ်ကို မတ် ၂၁ ရက်မှ ၂၃ ရက်အထိ ရန်ကုန်မြို့၌ ပြုလုပ်ခဲ့ပြီး အဆိုပါဖိုရမ် နောက်ဆုံးနေ့တွင် မြစ်ဆုံ၊ သံလွင်၊ လက်ပံတောင်းတောင်ကဲ့သို့ တရုတ်ရင်းနှီးမြှုပ်နှံမှု စီမံကိန်းများကို ရပ်ဆိုင်းပေးရန်အတွက် ဆန္ဒပြမှုများ ပြုလုပ်ခဲ့သည်။ တရုတ်နိုင်ငံ အနေဖြင့် အခြားနိုင်ငံများ၌ ရင်းနှီးမြှုပ်နှံမှုများ ပြုလုပ်ရာတွင် အကြီးဆုံးဖြစ်အောင် လုပ်ချင်သည့် သဘောကြောင့် အဆိုပါနိုင်ငံ၏ သဘာဝသယံဇာတနှင့် မြေများမှာ ပေးဆပ်ရမှု ကြီးမားခြင်းဖြစ်ကြောင်း Mrs.Pre mrudee Daoroung က သုံးသပ်ပြောကြားသည်။

"စီမံကိန်းကြီးကြီးလုပ်လေ၊ မြေနေရာ များများလိုလေပဲ။ အဲဒီတော့ ပြည်သူတွေရဲ့ မြေသိမ်းခံရမှုက ကြီးလေပဲ။ အဲဒီလိုပဲ သူတို့ ရဲ့ စီမံကိန်းကကြီးတော့ စွမ်းအင်တွေ ပိုလိုလာတယ်။ အဲဒီတော့ စွမ်းအင်တွေ ထုတ်လုပ်ဖို့ ပိုလုပ်ရတယ်ဆိုရင် မြစ်ချောင်းတွေမှာလည်း ရေကာတာ ထုတ်လုပ်မှုတွေ ပိုများလေပဲ။ အဲဒီအတွက် ကိုယ့်ရဲ့ပေးဆပ်မှုက ပိုများလေပဲ" ဟု ၎င်းက ဆိုသည်။

မြန်မာနိုင်ငံတွင် ဒေသခံများ၏ ကန့်ကွက်မှုများ ရှိနေသည့်ကြားမှ ဆက်လက်လုပ်ဆောင်နေသော စီမံကိန်းများစွာ ရှိနေပြီး အဓိကစီမံကိန်းကြီးများမှာ တရုတ်နိုင်ငံမှ လာရောက်ရင်းနှီးမြှုပ်နှံသည့် စီမံကိန်းများဖြစ်ကာ အကျိုးအမြတ်ခွဲဝေမှု တစ်ဖက်သတ် ဖြစ်နေခြင်းများအပေါ် ကန့်ကွက်ကြခြင်း ဖြစ်သည်။

Eleven Media Group