မန္တလေးမြို့တွင်း ညအချိန် စည်းကမ်းမဲ့ ယာဉ်မောင်းနှင်မှု တစ်ညအတွင်း ဆိုင်ကယ် အစီးရေ ၂၀၀ ကျော် အရေးယူ

ပို့စ်တင်ချိန် - 3/25/2014 07:12:00 PM


မန္တလေး၊ မတ် ၂၄

မန္တလေးခရိုင်အတွင်း ညပိုင်းအချိန် ယာဉ်မတော်တဆ ဖြစ်ပွားမှု များပြားလာသောကြောင့် ယာဉ်မတော်တဆမှု လျော့ကျစေရန် မန္တလေးတိုင်းဒေသကြီး ယာဉ်ထိန်း ရဲတပ်ဖွဲ့မှူး ရုံးက မတ်လ ၂၃ ရက်နေ့ ညမှ စတင်ကာ ရှောင်တခင် စစ်ဆေးခဲ့ရာ တစ်ညအတွင်း ဆိုင်ကယ်စီးရေ ၂၀၆ စီးနှင့် ကားနှစ်စီးတို့ကို စစ်ဆေး အရေးယူခဲ့ကြောင်း မန္တလေးတိုင်းဒေသကြီး ယာဉ်ထိန်း ရဲတပ်ဖွဲ့မှူးရုံး တာဝန်ရှိသူ တစ်ဦးက ပြောကြားသည်။

“ဆိုင်ကယ်၊ ကား အကုန်လုံးကို စစ်ဆေးတာပါ။ ဆိုင်ကယ်ကတော့ အဓိက ဦးထုပ်နဲ့ ဆိုင်ကယ်လိုင်စင်၊ လူလိုင်စင် စစ်တယ်။ ကားကတော့ လိုင်စင်မဲ့ ကားလား၊ ယာဉ်မောင်းလိုင်စင် ဒါတွေကို စစ်ဆေးတယ်။ တစ်ညအတွင်းမှာ ဆိုင်ကယ် ၂၀၆ စီးနဲ့ ကားနှစ်စီး စစ်ဆေး အရေးယူနိုင်ခဲ့တယ်” ဟု ၎င်းက ထပ်မံဆိုသည်။

ဆိုင်ကယ် မောင်းနှင်သူ အများစုမှာ ဦးထုပ် မဆောင်းခြင်းကြောင့် အပြစ်ပေး အရေးယူခံရခြင်း များပြီး လိုင်စင်မဲ့ ဆိုင်ကယ်လေးစီး ဖမ်းဆီးရမိခဲ့ကာ ရုံးတွင် ထိန်းသိမ်းထားပြီး ယာဉ်မောင်းလိုင်စင် မပါဘဲ မောင်းနှင်သော ကားနှစ်စီးကိုလည်း အရေးယူခဲ့ကြောင်း ၎င်းက ထပ်လောင်း ပြောကြားသည်။

“လိုင်စင်မဲ့ ဆိုင်ကယ် လေးစီးကို ဌာနက သိမ်းသွားမှာ မဟုတ်ပါဘူး။ ဆိုင်ကယ် ပိုင်ရှင်တွေကိုတော့ လိုင်စင်မဲ့ ဆိုင်ကယ် မဟုတ်ကြောင်း အထောက်အထား လာပြခိုင်းပြီး ရုံးမှာ လာရွေးခိုင်းထားတယ်။ တကယ်လို့ အထောက်အထား မပြနိုင်ရင်လည်း ဆိုင်ကယ်ကို မသိမ်းဘူး။ သူတို့ကို ဒဏ်ငွေ ရိုက်ပြီးတော့ ဆိုင်ကယ်လိုင်စင် သွားရောက် ပြုလုပ်ခိုင်းမှာ ဖြစ်ပါတယ်” ဟု ၎င်းကဆိုသည်။

ဖမ်းဆီးရမိသည့် ဆိုင်ကယ်များကို ဒဏ်ငွေ ကျပ်တစ်သောင်းမှ ကျပ်သုံးသိန်းအထိ ဒဏ်ရိုက်နိုင်သော်လည်း ကျပ်တစ်သောင်း ကျပ်သာ ဒဏ်ငွေရိုက်ခဲ့ကြောင်း ယာဉ်ထိန်း ရဲတပ်ဖွဲ့မှူး ရုံးထံမှ သိရသည်။

တစ်ခါမှ ဒီလို အဖွဲ့လိုက်ကြီး ညပိုင်း ဖမ်းတာ မကြုံဖူးဘူးလေ။ အခုတော့ ဘာမှ သတင်းမထုတ်ပြန်ဘဲ ရှောင်တခင် အနေနဲ့ စစ်ဆေးတာ။ ကျွန်တော်တို့လည်း အရင်တိုင်းပဲ ညဆို ဆိုင်ကယ်ဦးထုပ် မဆောင်းဖြစ်ဘူး။ နောက်နေ့ ညတွေ ဆိုရင်တော့ ဘယ်အချိန်ပဲဖြစ်ဖြစ် ဆိုင်ကယ်ဦးထုပ် ဆောင်းမှ ဖြစ်တော့မယ်” ဟု ယင်းနေ့ညပိုင်းက ဆိုင်ကယ်ဦးထုပ် မဆောင်းသဖြင့် အရေးယူခံရသော အသက်၂၀ ကျော် အရွယ်ရှိ ဦးအောင်လင်းက ဆိုသည်။

မန္တလေးခရိုင် ခုနစ်မြို့နယ်အတွင်း ၂၀၁၄ ခုနှစ် ဇန်နဝါရီလ ၁ ရက်နေ့မှ ဖေဖော်ဝါရီလ ၂၈ ရက်နေ့ အထိ ယာဉ်မတော်တဆ ဖြစ်ပွားမှု ၆၁ မှု ဖြစ်ပွားခဲ့ပြီး သေဆုံးသူ ၂၈ ဦး၊ ဒဏ်ရာရသူ ၉၅ ဦး ရှိကာ ယာဉ်မတော်တဆ ဖြစ်ပွားသည့် အချိန်နှင့် အမှုများမှာ နံနက် ၆ နာရီမှ မွန်းတည့် ၁၂ နာရီအထိ ဖြစ်ပွားမှု ၁၅ မှု၊ မွန်းတည့် ၁၂ နာရီမှ ညနေ ၆ နာရီအထိ ဖြစ်ပွားမှု ၁၃ မှု၊ ညနေ ၆ နာရီမှ ညသန်းခေါင် ၁၂ နာရီအထိ ဖြစ်ပွားမှု ၂၄ မှု၊ ညသန်းခေါင် ၁၂ နာရီမှ နံနက် ၆ နာရီအထိ ဖြစ်ပွားမှု ကိုးမှု ရှိကြောင်း အဆိုပါ ယာဉ်ထိန်း ရဲတပ်ဖွဲ့မှူးရုံး မှတ်တမ်းများအရ သိရသည်။

The Voice Weekly