အရင်က အပြော ရွှေမန်း၊ အခုကျတော့ အပြော ဒေါ်စု

ပို့စ်တင်ချိန် - 11/20/2013 10:54:00 AM


19,11, 2013

ခေါင်းစဉ်ဖတ်လိုက်တော့ဒေါ်စုကိုချစ်ကြည်ညိုလေးစားတွေကမကြေမနပ်ဖြစ်သွားမလားပဲ။ ရှင်းပြပါရစေ။
ရွှေမန်းအပြောနဲ့ ဒေါ်စုအပြောကမတူပါဘူး။ရွှေမန်းကပါးစပ်ပြော။
ဒေါ်စုကရင်ထဲကလာတဲ့ စကား။ ရွှေမန်းကတပွဲတိုး၊ပြီးပြီးရောပြောတယ်။
ဒေါ်စုကပြည်သူတွေကိုရင့်ကျက်အောင်၊ အသိဥာဏ်ပွင့် အောင်၊ဆင်ချင် စဉ်းစားတတ်အောင် လမ်းညွှန်ပေးတယ်။
နိုင်ငံနဲ့လူမျိုးအတွက်စေတနာပါတယ်။
ဒီတော့အပြောခြင်းတူပေမဲ့တန်ဖိုးချင်းက မိုးနဲ့မြေလိုကွာတယ်ဗျာ။ဒါကြောင့်လည်းရွှေမန်းပြောသမျှလူတွေကဟာသလုပ်ပစ်တယ်။

ဒေါ်စုပြောသမျှအလေးအနက်ထားတယ်။ လက်ခုပ်လက်ဝါး ဆူညံအောင်တီးပြီး အားပေးကြတာ ခင်ဗျားတို့အမြင်ပဲ မဟုတ်လား။
ဒေါ်စုမှာဘာလုပ်ပိုင်ခွင့်မှမရှိဘူး။ဘာအာဏာမှမရှိဘူး။
ဒီတော့ဘာမှ လုပ်မပေးနိုင်ရှာဘူး။ သူ လုပ်နိုင်တာကအပြောပဲလေဗျာ။
စစ်အာဏာရှင်အုပ်စုကပြောသလို ဒေါ်စုမှာခေါင်းပဲရှိတယ်။ ကိုယ်မရှိ ဘူးတဲ့။ဟုတ်တော့ဟုတ်သား။
ဒေါ်စုအကျဉ်းကျနေတုံးကဘယ်သူတွေဘာလုပ်ကြလဲ။
ဒေါ်စုလွတ် အောင်ဆုတောင်း၊လွတ်မဲ့ရက်မျှော်၊လွတ်လာတော့လက်ခုပ်လက်ဝါးတီး။ ဒါပဲလေဗျာ။
အပြောပဲရှိတဲ့သူကိုအန္တရာယ်မရှိဘူး။ ပြောချင်ရာပြောပစေ။ လွှတ်ထားလိုက်ဆိုပြီးလွှတ်ခဲ့ကြတာပေါ့ဗျာ။
ဒေါ်စုကလည်းရတဲ့အခွင့်အရေးကိုအလွတ်မခံပဲကမ္ဘာကုန်ကျယ်သရွေ့ လျှောက်ပြောတယ်လေ။
ဒီတော့ဒေါ်စုရဲ့စိတ် စေတနာ၊အရည်အချင်းတွေကိုနိုင်ငံတကာပါ သိလာကြပြီးတလေးတစားဖြစ်လာတာပေါ့။

ဒေါ်စုလိုကိုယ့်နိုင်ငံကိုယ့်လူမျိုးအတွက်ဘယ်သူတွေ ပြောခဲ့ဘူးလဲ။
ရှိတာပေါ့ဗျာ။ သူ့အဖေလေ။


ကျနော်တို့ရဲ့နိုင်ငံ့ခေါင်းဆောင်ကြီး ဗိုလ်ချုပ်အောင်ဆန်း။ ပြည်သူတွေအပေါ်စေတနာရှိလွန်းလို့၊ တိုင်း ပြည်ကိုကမ္ဘာမှာရင်ဘောင်တန်း စေချင်လွန်းလို့ ပြည်သူတွေရဲ့ရင်ထဲစွဲသွားအောင် ပက်ပက်စက်စက်၊ ရိုင်းရိုင်းစိုင်းစိုင်း ထပ်တလဲလဲပြောခဲ့တာခင်ဗျားတို့ သတိရကြမှာပါ။
ဗိုလ်ချုပ်ပြောတာမှန်လိုက်တာဗျာလို့ခင်ဗျားတို့၊ကျနော်တို့ပြောခဲ့ကြတယ်မဟုတ်လား။
ဒါပေမဲ့ဗိုလ်ချုပ်ပြောစကားနားထောင်ကြရဲ့လား။ဗိုလ် ချုပ်ပြောသလိုလုပ်ခဲ့ကြရဲ့လား။
ဗိုလ်ချုပ်ပြောတဲ့သောက်ကျင့်တွေဖျောက်ပြီးကြပြီလား။ဗိုလ်ချုပ်ကျဆုံးတာနှစ် ၆၀ ကြာခဲ့ပါပြီဗျာ။
ကျနော်တို့ဗိုလ်ချုပ်စကားကိုနားထောင်ရုံပဲနားထောင်ခဲ့ကြတယ်လေ။
ဘာမှ မလိုက်နာမလုပ်ခဲ့ကြလို့တိုင်းပြည်ကခုလြိုဖစ်နေတာပဲပေါ့။

ဟော၊အခုသူ့သမီးကသူ့အဖေလိုပဲပြောလာပြန်ပြီ။ကျနော်တို့ကိုလမ်းညွှန်ပြနေပြန်ပြီ။
ခင်ဗျားတို့ဘာလုပ်ကြမလဲ။ အဖေပြောခဲ့တာကိုနှစ်၆၀ ကျော်တဲ့အထိနားမထောင်၊ မလိုက်နာတဲ့လူတွေ သမီး ပြောတာလိုက်နာမယ်လို့ မထင်လေးရယ်မှ မထင်ပေါင်ဗျာ။

မကြာခင်လေးကနိုင်ငံခြားမှာဒေါ်စုပြောခဲ့တာလေးပြန်ပြောပါ့မယ်။
အခြေအနေကောင်းလာရင်ပြန်လာကြပါမယ်လို့တယောက်ကပြောတော့။ အခြေအနေကောင်း လာအောင်ပြန်လာလုပ်ကြပါလားလို့ဒေါ်စုကဖြေတယ်။
နောက်တယောက်ကအမေစုသမ္မတ ဖြစ်ရင်ပြန်လာမယ်ပြောတော့ အမေစုကိုပြန်လာပြီးသမ္မတဖြစ်အောင် ၀ိုင်းလုပ်ပေးကြပါလားတဲ့။
ကဲ၊ခင်ဗျားတို့ချစ်တဲ့အမေစုသမ္မတဖြစ်အောင်၊ သူုပြောသလိုအခြေအနေတွေ ပြန်ကောင်းလာအောင် လုပ်ဖို့ဘယ်နှစ် ယောက် ပြည်တော်ပြန်သွားကြပြီလဲ။

သူ့အဖေဗိုလ်ချုပ်ပြောခဲ့တုံးကကျနော်တို့ကိုဘယ်သူမှ Brain wash မလုပ်သေးဘူး။
ဗိုလ်ချုပ် ကျဆုံးပြီးနှစ် ၆၀အတွင်းမှာစစ်အာဏာရှင်တွေကနည်းအမျိုးမျိုးနဲ့ ပြည်သူတွေကို နှိပ်စက်ခဲ့တယ်။
နို့ပြီး Brain wash တွေလုပ်ခဲ့တယ်။အဖေနဲ့သားရန်တိုက်ပေးတယ်။
ကိုယ်အခွင့်အရေးရဖို့ဆိုရင်အဖေ၊အမေ ကိုတောင်ချမ်းသာမပေးတဲ့ တကိုယ်ကောင်း စိတ်ဓါတ်တွေ မွေးအောင်လုပ်ခဲ့တယ်။
ဒီလိုစိတ်ဓါတ်တွေ ပျက်စီးအောင်ဖျက်ဆီးခံခဲ့ကြရတော့ အဖေပြောမရတဲ့ လူတွေကိုသမီးကပြောလို့ရပါ့မလားဗျာ။

ဒေါ်စုကတော့ သူရသမျှအခွင့်အရေးကိုလက်မလွှတ်ပဲ ကမ္ဘာကုန်ကျယ်သရွေ့ဆက်ပြောနေမှာ ပါပဲ။
ပြည်သူတွေကလည်း သူ့အဖေတုံးကလိုကောင်းတယ်ဟေ့၊ မှန်တယ်ဟေ့လို့ သြဘာပေးနေကြအုံးမှာပဲ။
ဒီအတိုင်းသာဆိုရင်တော့ ဒီမိုး၊ဒီလေ၊ဒီလူတွေနဲ့ဒီအစိုးရ။ ကောင်းပါတယ်ဗျာ။

ဆရာပါရဂူရဲ့စာအုပ်တအုပ်မှာ “ မည်သည့်နိုင်ငံမဆို ပြည်သူနှင့်ထိုက်တန်သောအစိုးရသာရ လေ့ရှိသည်။” တဲ့။ ပြည်သူတွေအသိပညာ တိုးတက်လာမှ၊ စည်းရုံးညီညွတ်ကြမှ၊ ပြည်သူ့အကျိုးပြုမယ့် အရည်အချင်း ပြည့်မီတဲ့ အစိုးရတွေ ပေါ်ပေါက် လာနိုင်မယ်ပေါ့။

အစိုးရကောင်းမပေါ်ပေါက်သေးသမျှဘယ်သူ့မှ အပြစ်မတင်ကြပါနဲ့ တော့ဗျာ။
အချုပ်တန်းဆရာဖေရေးခဲ့သလို ကိုယ့်အမျိုးသာ ကလော်ဆဲကြပေတော့။



ပီပီ
ဟစ်တိုင်