တောင်ဥက္ကလာနှင့် မြောက်ဥက္ကလာမြို့နယ်များအတွက် အွန်လိုင်းမှ လုပ်ငန်းလိုင်စင်ကို စတင်လျှောက်ထားနိုင်

ပို့စ်တင်ချိန် - 1/09/2014 04:47:00 PM


အတွဲ (၁၅)၊ အမှတ် (၂)
Mon, 01/06/2014 - 17:25
တောင်ဥက္ကလာနှင့် မြောက်ဥက္ကလာမြို့နယ်များအတွက် အွန်လိုင်းမှ လုပ်ငန်းလိုင်စင်ကို စတင်လျှောက်ထားနိုင်ပြီဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီမှ သိရသည်။

အွန်လိုင်းမှ လုပ်ငန်းလိုင်စင် လျှောက်ထားခြင်းကို မြို့နယ်အသီးသီးအတွက် တိုးချဲ့နေခြင်းဖြစ်ရာ အထက်ပါ မြို့နယ်များကိုလည်း တိုးချဲ့လိုက်ခြင်း ဖြစ်သည်။ ယခုအခါ ကျောက်တံတား၊ အလုံ၊ လမ်းမတော်၊ သင်္ဃန်းကျွန်း၊ မရမ်းကုန်း၊ လှိုင်၊ ကမာရွတ်၊ တာမွေ၊ ပုဇွန်တောင်၊ စမ်းချောင်း၊ တောင်ဥက္ကလာ၊ မြောက်ဥက္ကလာမြို့နယ်များတွင် ဆောင်ရွက်နိုင်မည်ဖြစ်ကြောင်း သိရသည်။ ၂၀၁၃ ခုနှစ်၊ နိုဝင်ဘာလ တစ်ရက်နေ့မှ စတင်၍ တာမွေမြို့နယ်နှင့် တောင်ပိုင်းခရိုင်ရုံး၊ မရမ်းကုန်းမြို့နယ်နှင့် မြောက်ပိုင်းခရိုင်ရုံးရှိ လုပ်ငန်းလိုင်စင်ဆိုင်ရာ လျှောက်ထားချက်များကို ဆောင်ရွက်နိုင်ခဲ့ရာမှ ယခုအခါ အခြားမြို့အချို့တွင်ပါ ထပ်တိုး ဆောင်ရွက်လိုက်ခြင်းဖြစ်ကြောင်း သိရသည်။

လက်ရှိ ဆောင်ရွက်နိုင်သော မြို့နယ်များအတွင်းရှိ လုပ်ငန်းများအတွက် လုပ်ငန်းလိုင်စင်ဆိုင်ရာ ကိစ္စများကို ဝက်ဘ်ဆိုက်လိပ်စာ www.ycdc.com.mm/business-license သို့ ဆက်သွယ်လျှောက်ထားနိုင်မည် ဖြစ်သည်။ အွန်လိုင်းမှတစ်ဆင့် လျှောက်ထားနိုင်မည်ဖြစ်သော လိုင်စင်အသစ် လျှောက်လွှာများမှာ လုပ်ငန်းလိုင်စင်၊ အစားအသောက်လိုင်စင်၊ တည်းခိုခန်းလိုင်စင်၊ ဘော်ဒါဆောင်လိုင်စင်၊ ယာဉ်ဖြင့်လှည့်လည် ရောင်းချခွင့်လိုင်စင်၊ ကိုယ်ပိုင်ဈေးလိုင်စင်၊ ယာယီဇာတ်ရုံပါမစ်တို့ဖြစ်ကြောင်း သိရသည်။ လုပ်ငန်းလိုင်စင်လျှောက်ရန်အတွက် လုပ်ငန်းတည်နေရာ၊ မြို့နယ်၊ ခရိုင်၊ ရပ်ကွက်အမည်၊ အဆောက်အဦအမှတ်၊ အခန်းအမှတ်၊ မြေတိုင်းရပ်ကွက်အမှတ်၊ မြေကွက်အမှတ် စသည်တို့ကို သတ်မှတ်နေရာတွင် ဖြည့်စွက်လျှောက်ထားရမည်ဖြစ်ကြောင်း သိရသည်။

လုပ်ငန်းအမျိုးအစား၊ လုပ်ကိုင်မည့် လုပ်ငန်းအမည် စသည့် လုပ်ငန်းအချက်အလက်များ၊ အခြားအ ချက်အလက်များကိုလည်း လုပ်ငန်းအချက်အလက်များ နေရာတွင် ဖြည့်စွက်ရမည်ဖြစ်သည်။ လုပ်ငန်းရှင်နှင့် ပတ်သက်သည့် အချက်အလက်များကိုလည်း ဖြည့်စွက်ရမည်ဖြစ်ကြောင်း သိရသည်။ သတ်မှတ်အချက်အလက်များကို ဖြည့်စွက်ကာ လျှောက်ထားမည့်နေရာတွင် ကလစ်လုပ်ကာ လျှောက်ထားနိုင်မည် ဖြစ်ကြောင်း၊ လိုအပ်သည့် စာရွက်စာတမ်းများကို တွဲပို့ရန်အတွက်လည်း သတ်မှတ်နေရာများ ပေးထားကြောင်း ဝက်ဘ်ဆိုက်မှ သိရသည်။


ထွန်းထွန်း
Internet Journal