ဝန်ကြီးဦးအုန်းမြင့်ကို ကန့်ကွက်ဆန္ဒပြ သမ္မတ ခေါ်ယူဆုံးမမည်
ပို့စ်တင်ချိန်
-
2/04/2014 02:14:00 PM
ပြည်ထောင်စုဝန်ကြီး ဦးအုန်းမြင့်၏ နယ်လှည့် ပါးရိုက်ခဲ့ သည်ဟူသော စကားကို မနှစ်သက်၍ ဒီမိုကရေအင်အားစုက ဦးဆောင်ကာ ၂၀၁၄ ခုနှစ် ဖေဖော်ဝါရီလ ၃ရက်က ရန်ကုန်မြို့ ဆူးလေ မြို့တော်ခန်းမအနီး တရားလွှတ်တော် ရုံးရှေ့တွင် ဆန္ဒထုတ်ဖော်နေကြစဉ်။ (ဓါတ်ပုံ- ဘိုဘို၊ မဇ္ဈိမ)
မွေးမြူရေး ရေလုပ်ငန်းနှင့် ကျေးလက်ဒေသ ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးအုန်းမြင့်နှင့် မကွေးတိုင်း သစ်ရာကောက်ကျေးရွာ၊ ရွာသူရွာသားနှင့်တွေ့ဆုံစဉ် ဦးအုန်းမြင့်ပြောဆိုခဲ့သည့် စကားများ နှင့်ပတ်သက်၍ သမ္မတဦးသိန်းစိန်က ခေါ်ယူတွေ့ဆုံ မေးမြန်းမည်ဟု သမ္မတပြောရေးဆိုခွင့်ရှိသူ ဦးရဲထွဋ်က ပြောသည်။
“၀န်ကြီးတစ်ဦးပြောတဲ့စကားက အခု သမ္မတဖော်ဆောင်နေတဲ့ လူထုဗဟိုပြု သိမ်သိမ်မွေ့မွေ့ ဆက်ဆံ မှုနည်းနဲ့ မကိုက်ဘူး။ ဒါပေမဲ့ သူ့အနေနဲ့ ဒီလိုအသုံးအနှုန်းကို ဘယ်လိုစိတ်လိုက်မာန်ပါ သုံးနှုန်းထားတာ လဲဆိုတာကို ဆွေးနွေးဆုံးမဖို့တွေ့မှာ”ဟု ဦးရဲထွဋ်က ပြောသည်။
ဦးအုန်းမြင့်သည် မကွေးတိုင်း၊ သစ်ရာကောက်ကျေးရွာမှ ရွာသားများနှင့်တွေ့ဆုံစဉ် “ဘယ်ကောင်မှ ဂရု မစိုက်ဘူး။ ကြိုက်တဲ့ကောင်ပြော၊ ရေးချင်တဲ့ကောင်ရေး ကျွန်တော်ကလည်း ပုဆိုးလှန်ပြလိုက်မယ်။ဒီလို မျိုးနေခဲ့တဲ့ကောင်လေ၊ သေမှာတောင် မကြောက်တဲ့ကောင်၊ ကျွန်တော်က ဘာကိုကြောက်ရမလဲ”ဟု ပြောဆိုခဲ့သည်။
ဝန်ကြီးဦးအုန်းမြင့်ပြောဆိုခဲ့သည့်အပေါ်တွင် သမ္မတရုံးကလည်း မည်သည့်အကြောင်းအရာကြောင့် နိုင်ငံ ရေးသမားများနှင့် နိုင်ငံရေးပါတီများအပေါ် ယခုလို ပြောဆိုခဲ့သည်ကို ဆွေးနွေးနေသည်ဟု သမ္မတရုံးအ ကြီးတန်းအရာရှိတစ်ဦးက မဇ္ဈိမကို ပြောသည်။
ဝန်ကြီးတစ်ဦးက ပြောဆိုသုံးနှုန်းခဲ့သည့် အသုံးအနှုန်းများနှင့်ပတ်သက်၍ အမျိုးသားဒီမိုကရေစီပါတီသစ် ဥက္ကဋ္ဌ ပြည်သူ့လွှတ်တော်ကိုယ်စားလှယ် ဦးသိန်းညွန့်က “ဒီကိစ္စနဲ့ပက်သတ်ပြီးတော့ ၀န်ကြီးပြောတဲ့စကား တွေက လက်ရှိနိုင်ငံသွားနေတဲ့ လမ်းကြောင်းမှာဆိုရင် ခေတ်နဲ့မကိုက်ညီတဲ့အပြင် တာဝန်မဲ့ပြောဆိုခြင်း သာဖြစ်တယ်”ဟု ပြောသည်။
ဝန်ကြီးဦးအုန်းမြင့်ကို နိုင်ငံတော်သမ္မတက မည်သည့်အချိန်တွင် ခေါ်ယူတွေ့ဆုံမည်ကို အတိအကျ မသိ ရှိရသေးသော်လည်း ခေါ်ယူတွေ့ဆုံရန် စီစဉ်နေသည်ဟုလည်း ပြန်ကြားရေးဒုတိယ၀န်ကြီး ဦးရဲထွဋ်က ပြောသည်။
ဆန္ဒပြမှုများဖြစ်ပေါ်
ဝန်ကြီးဦးအုန်းမြင့်၏ ပြောစကားများနှင့်ပတ်သက်၍ ဒီမိုကရေစီအင်အားစုဆိုသူများက လူအင်အား ၂၅ ဦးခန့်ဖြင့် ဖေဖော်ဝါရီ ၃ ရက်တွင် ရန်ကုန်မြို့တရားလွှတ်တော်ရုံးရှေ့ မဟာဗန္ဓုလပန်းခြံအနီး ဆန္ဒထုတ် ဖော်ခဲ့ကြသည်။
နိုင်ငံရေးအင်အားစုများနှင့် ပြည်သူကို အာဏာအားကိုးဖြင့် ခြိမ်းခြောက်နေသော အစိုးရခေါင်းဆောင် များ အလိုမရှိ၊ သမ္မတကြီး၏ ဒီမိုကရေစီအသွင်ကူးပြောင်းရေးတွင် အနှောင့်အယှက်ဖြစ်အောင် ပြည်သူ ကို စော်ကားပြောဆိုနေသော ၀န်ကြီးများကို အရေးယူပေး၊ ဒီမိုကရေစီဖော်ဆောင်ရေးကို နှောင့်ယှက် နေသော အစိုးရ၀န်ကြီးများ ချက်ချင်းနုတ်ထွက် စသည့် စာတန်းများ ကိုင်ဆောင်ပြီး ဆန္ဒဖော်ထုတ်ကြ ခြင်း ဖြစ်သည်။
ဒီမိုကရေစီအင်အားစုမှ ဦးဘမြင့်က “နယ်တကာလှည့်ပြီး ပါးရိုက်ခဲ့တာလို့ပြောခဲ့တဲ့အတွက် ဆန္ဒပြတဲ့ ရည်ရွယ်ချက်က ပါးရိုက်ခံဖို့ ရည်ရွယ်ချက်ပါ။ ဒါကြောင့် ပါးရိုက်ခံရအောင် စောင့်နေတာပါ”ဟု ဆိုသည်။
“ဒီလိုအပြောမျိုး အဆိုမျိုးတွေဟာ အများကြီး အဆင့်အတန်းနိမ့်တယ်လို့ ပြောချင်ပါတယ်။ ၀န်ကြီးအနေ နဲ့ ဒါမျိုးတွေကို နောက်နောင် မပြောစေချင်ဘူး။ ၀န်ကြီးရဲ့ခေါင်းထဲကို ငါလည်းပြည်သူပဲလို့ ထည့်ပေးပါ” ဟုလည်း ပြောဆိုခဲ့သည်။
Mizzima Burmese
