ဗုဒ္ဓဘာသာဝင် ကပ္ပိယ တစ်ဦး ဝေယျာဝစ္စ လိုက်ပါဆောင်ရွက်
ပို့စ်တင်ချိန်
-
2/11/2014 03:52:00 PM
ကော့သောင်းမြို့တွင် နံနက်တိုင်း ရဟန်း တပါးဆွမ်းခံကြွစဉ် နိုင်ငံခြားသား တစ်ဦး လိုက်ပါ၍ ကြေးစဉ်ထုကာ ရှေ့ မှ ဝေယျာဝစ္စ ဆောင်ရွက်နေသည်ကို ဖေဖေါ်ဝါရီ ၁၀ ရက် ၊ နံနက်ပိုင်းက တွေ့မြင်ရသည်။
စုံစမ်းသိရှိချက် အရ အဆိုပါ ရဟန်းမှာ ကော့သောင်းမြို့ သီရိမြိုင်ရပ်ကွက်၊ နဂါးရုံကျောင်းတိုက်မှ ဖြစ်ပြီး နိုင်ငံခြားသားမှာ ရုရှားနိုင်ငံသား ဗုဒ္ဓဘာသာအား ကိုးကွယ်သက်ဝင် ယုံကြည်သူတစ်ဦး ဖြစ်ကြောင်း အဆိုပါ ကျောင်းတိုက်သို့ နေ့စဉ် ဝေယျာဝစ္စ ကိစ္စများ လာရောက်ဆောင်ရွက်ပေးလေ့ရှိကြောင်း၊ နေ့စဉ် တရား ဘာဝနာများ ပွားများအားထုတ်လေ့ရှိကြောင်း ၊ ဆရာတော်မှ နံနက်တိုင်း ဆွမ်းခံကြွချိန်တွင် ဆရာတော် ရှေ့မှကြေးစည်ထုကာ မြို့အနှံ့ ဖိနပ်စီးထားခြင်းမရှိပဲ အတူတကွ နေ့တဓူဝ လိုက်ပါ ကူညီဆောင်ရွက်ပေး လေ့ရှိရာ တွေ့မြင်သူ မြို့နေ့ ပြည်သူများမှ ကြည်နူးဖွယ် ထိုမြင်ကွင်းကို ဓါတ်ပုံများ လိုက်လံရိုက်ကူးခြင်း၊ ဆိုရှယ်မီဒီယာ လူမှုကွန်ယက်များသို့ တင်ကာ အမျိုးဘာသာ သာသနာ အတွက် ချီးကျူးထောမနာပြုကြခြင်းများ ဆောင်ရွက်လျှက်ရှိကြောင်း သိရှိရသည်။
Credit To : မြ၀တီ
