လျှို့ဝှက်မှုများဖြင့် ပြည့်နှက်နေသော ခြင်တို့၏ အံ့ဖွယ်

ပို့စ်တင်ချိန် - 6/24/2014 06:02:00 PM


ကမ္ဘာပေါ်တွင် ခြင်မျိုးစိတ်ပေါင်း ၃၅၀၀ နီးပါးရှိသည်။ ခြင်တစ်ကောင်သည် တစ်နာရီလျှင် ၁ မိုင်နှုန်းဖြင့် ၁ နာရီမှ ၄ နာရီထိ မနားတမ်း ပျံသန်းနိုင်သကဲ့သို့ ညဘက်တွင် ၆ မိုင်ထိ ခရီးဆန့်နိုင်သည်။ ခြင်များကို သွေးကိုသာမှီဝဲ စားသုံးသည့် အင်းဆက်မျိုးဟု လူအများက ထင်မှတ်ထားကြသော် လည်း ခြင်အားလုံးမှာ သွေးစုပ်ကြသည် မဟုတ်ချေ။ ခြင်မ (Female mosquitoes)ကသာ သွေးစုပ်ကြပြီး ရောဂါများကိုလည်း သယ်ဆောင် ကူးစက်စေကြသည်။ ခြင်မတို့သည် ၄င်းတို့ သွေးစုပ်မည့် သတ္တဝါ၏ ခန္ဓာကိုယ်မှ ကာဗွန်ဒိုင်အောက်ဆိုဒ် (CO2) and 1-Octen-3-ol ခေါ် ဓါတ်ပစ္စည်းများကို ခပ်လှမ်းလှမ်း တစ်နေရာမှ ဦးစွာထောက်လှမ်းကြသည်။

တိရိစ္ဆာန်များနှင့် လူတို့တွင် သွေးလည်ပတ်ခြင်းက ကိုယ်အပူချိန် ကို ဖြာထွက်စေလေ့ရှိရာ ထိုအပူကို ခြင်တို့က ထောက်လှမ်းနိုင်ကြသဖြင့် ပစ်မှတ်များဆီသို့ ပျံသန်းနိုင်ကြခြင်း ဖြစ်သည်။

ခြင်တို့သည် ၄င်းတို့၏ သားကောင်(prey)အပေါ် နားချင်သည့် အခါတွင် သွေးအများဆုံးရနိုင်မည့် အရည်ပြား၏ ပါးလွှာသောနေရာ ကိုသာ ရွေးချယ်နားလေ့ရှိသည်။ သွေးစုပ်ယူနေစဉ်အတွင်း သားကောင်မှ သတိထားတုံ့ပြန်မှုမရှိနိုင်ရန် သွေးစုပ်ယူရမည့် ခန္ဓာကိုယ်အစိတ်အပိုင်း တစ်ရပ်ကို ၄င်းကိုယ်မှ မေ့ဆေးတစ်မျိုး(local anesthetic) ဖျန်းပေးလိုက်သည်။

အရေပြား အက်ကွဲကြောင်းမှ တဆင့် သွေးများစီးဆင်းလာသောအခါ သားကောင်၏အင်ဇိုင်းကြောင့် သွေးများသည် လျှင်မြန်စွာ ခဲသွားလေ့ရှိသည်။ ဤတွင် ခြင်သည် မှန်းဆရခက်သော ယန္တရား (elusive mechanism) ကို အသုံးပြုလိုက်သည်။ ခြင်ခန္ဓာကိုယ်မှ စစ်ထုတ်လိုက်သည့် တံတွေးတွင် ပါရှိသော ပရိုတိန်း အရောအနှောက စုပ်ယူသောသွေးကို ခဲမသွားအောင်လုပ်ပေးနိုင် သည်။ ခြင်၏တံတွေးတွင် ပရိုတိန်း အမျိုးအစားပေါင်း နှစ်ဆယ်ခန့် ပါဝင်သည်။

ဤနည်းဖြင့် ခြင်များသည် သွေးခဲမှုလည်းမရှိ၊ သားကောင်၏အနှောက်အယှက် ကင်းစွာဖြင့် သွေးစုပ်ယူ နိုင်ကြလေသည်။ ခြင်တို့တွင် အင်တင်နာသဖွယ်ရှိသော ဦးမှင်များ(antennae) ပါရှိသောကြောင့် ဦးနှောက်သို့ အာရုံနှင့်ပတ်သက်သည့် အချက်အလက်များ ပေးပို့နိုင်သဖြင့် အာရုံခံနိုင်စွမ်းလည်း ကောင်းခြင်းဖြစ်သည်။

ခြင်တို့သည် ဗိုင်းရပ်စ်များနှင့် ဘက်တီးရီးယားများကို ပျံ့ပွားစေနိုင်သော ရောဂါ အမျိုးမျိုးကို သယ်ဆောင်တတ်ကြသည်။ ခြင်ကြောင့် ဖြစ်ရသော ပင်မရောဂါများ မှာ ဗိုင်းရပ်စ်ဝင်ရောဂါများ ဖြစ်သည်။ ငန်းဝါ အဖျားရောဂါ၊ တုတ်ကွေးရောဂါ များနှင့် ငှက်ဖျားရောဂါတို့ ဖြစ်ပါသည်။ သို့သော် ယင်းတို့ ကိုယ်တိုင်မူ ထိုရောဂါ မဖြစ်ပွားကြချေ။ ခြင်တို့ကြောင့် အာဖရိက၊ တောင်အမေရိက၊ အမေရိက အလယ်ပိုင်း၊ မက္ကဆီကိုနှင့် အာရှဒေသအများအပြားတွင် နှစ်စဉ် လူသန်းပေါင်း ၇၀၀ ကျော်မှာ ရောဂါကူးစက် ခံနေရသည်ဟု ခန့်မှန်းထားသည်။ ဤရောဂါများကြောင့် နှစ်စဉ် လူနှစ်သန်းနီးပါး သေဆုံးကြရသည်။

မှတ်ချက်။ ၂၀၁၄ခုနှစ်၊ မေ-ဇွန် လ ထုတ် အလင်းဥယျာဉ် မဂ္ဂဇင်း စာအုပ်မှ ကောက်နှုတ်ဖော်ပြပါသည်။


MOI Webportal Myanmar