တောင်ယာတဲတွင် တစ်ယောက်တည်းနေသူအား ဓားဖြင့်အခုတ်ခံရပြီးသေဆုံး

ပို့စ်တင်ချိန် - 6/24/2014 06:01:00 PM


ရေတာရှည် ဇွန် ၂၃

ပဲခူးတိုင်း ဒေသကြီး၊ တောင်ငူခရိုင်၊ ရေတာရှည်မြို့နယ်၊ သစ်တောကြိုးဝိုင်း နယ်မြေတောင်ယာတဲတွင် တစ်ဦးတည်း နေသူသည် ဇွန်လ (၁၇) ရက်၊ နံနက် (၇) နာရီ အချိန်ခန့်က ဓားဒဏ်ရာများဖြင့် သေဆုံး နေကြောင်း သိရှိရသည်။ အဆိုပါ အခင်းဖြစ်နေရာသို့ မြို့နယ်ရဲတပ်ဖွဲ့မှူး ရဲမှူးဥာဏ်ဝင်း၊ ဆွာနယ်မြေ ရဲစခန်းမှ စခန်းမှူး ရဲအုပ်သောင်းစံနှင့် ရဲတပ်ဖွဲ့ဝင်များက သွားရောက် စစ်ဆေးခဲ့ရာ အုတ်ဖိုကျေးရွာ မြောက်ဘက် (၂) မိုင်ခန့် အကွာရှိ တောင်ယာတွင် တဲစောင့်အဖြစ် နေထိုင်သော ကိုချစ်လွင် (၄၀) နှစ်၊ အုတ်ဖို ကျေးရွာနေသူသည် တဲအတွင်း၌ ယာဘက်လည်ပင်း ပြတ်ရှ ဓားဒဏ်ရာ (၃) ချက်ဖြင့် သေဆုံးနေ သည်ကို တွေရှိခဲ့သည်။

အခင်းဖြစ်နေရာတွင် သေဆုံးသူ ကိုချစ်လွင် ကိုင်ဆောင်သည့် ဓား အား သွေးများ ပေကျံလျှက် တွေ့ရှိခဲ့၍ ရဲတပ်ဖွဲ့က သက်သေခံအဖြစ် သိမ်းဆည်းခဲ့ပြီး အမှု စစ်ဆေးချက် များနှင့်အညီ ပြစ်မှုကျူးလွန်သူကို ဖမ်းဆီးရမိ နိုင်ရေးအတွက် ဆက်လက် ဆောင်ရွက်လျှက် ရှိကြောင်း သတင်းရရှိသည်။

MOI Webportal Myanmar