ဓါးမဦးချမြေများသိမ်း၍ မမှန်/မကန် မြေကွက်များ ပြန်လည်အပေးခံထားရသည်ဟု ဒေသခံများဆို
ပို့စ်တင်ချိန်
-
1/25/2014 06:21:00 PM
လားရှိုး၊ ဇန်န၀ါရီ ၂၅။
ရှမ်းပြည်နယ်မြောက်ပိုင်း၊ လားရှိုးမြို့နယ် အထွေထွေ အုပ်ချုပ်ရေးဌာနမှ အာဏာပိုင်များက ဓါးမဦးချ လုပ်ကိုင်ခဲ့သော လားရှိုးဒေသခံ တောင်သူများ၏ လယ်ယာ စိုက်ပျိုးမြေများကို ဖျက်သိမ်းယူခဲ့ပြီး ယခုအခါမြေနေရာ အစားထိုး ပြန်လည်ချထားပေးရာ၌ ၎င်းအုပ်ချုပ်ရေး အာဏာပိုင်များက ယခင်မြို့နယ် အုပ်ချုပ်ရေးမှုး၏ ပေးထားသည့် ကတိအမိန့်အား ချေဖျက်ပြီး မမှန်/မကန်မြေကွက် ချထားသည်ဟု ယမန်နေ့နှစ်ရက်၌ တောင်သူများ စုဝေးပြောဆိုသည့် နေရာမှ သိရသည်။
ဖြစ်စဉ်မှာ၂၀၁၀ခုနှစ်၌ လားရှိုးမြို့၊ ရပ်ကွက်(၁)၊ နယ်မြေ(၉)တွင်ရှိသော နားမခေါ်အရပ်ဖြစ်သည့် မောရ၀တီ(၁) ခေါ်မောက်ခေါင်ဝတီ (၁)စိုက်ပျိုး မြေနေရာတွင် တောင်သူ(၃၂)ဦး၏ စိုက်ပျိုးလယ်မြေများကို လားရှိုးမြို့နယ် အထွေအထွေအုပ်ချုပ်ရေးရုံးမှ အာဏာပိုင်များက သိမ်းယူခဲ့ပြီး ၎င်းနားမခေါ်အရပ် ယခုကားကြီးဝင်းနေရာတွင် မြေပြန်လည် အစားထိုးပေးခဲ့ကာ ၂၀၁၁ခုနှစ်အရောက် လားရှိုးမြို့နယ် အထွေထွေအုပ်ချုပ်ရေးရုံးမှ ဒုတိယဦးစီးမှူး ဦးတင်ထွန်းဇော်မှ တောင်သူများကိုခေါ်ယူညှိနှိုင်းကာ တစ်ဦးလျှင်(၆၀)ပတ်လည်မြေကွက် ပိုင်ဆိုင်ခွင့် မြေပေးမိန့် ပြေစာထုတ်ပေးခဲ့ကြောင်း၊ ယင်းနှစ်ဇူလိုင်လတွင် ၎င်းဌာနမှ စိုက်ပျိုးမြေနေရာချထားရေးဥက္ကဋ္ဌ ဦးထိန်လင်းက တောင်သူပိုင်ဆိုင်သည့် မြေဧကအပေါ်မူတည်၍ တစ်ဦးလျှင်(၆၀)ပတ်လည် မြေကွက်တစ်ကွက်အပြင်၊ နှစ်ကွက်၊ သုံးကွက်နှင့်ဆယ်ကွက်အလိုက် မြေပေးမိန့်ပြေစာများ ထုတ်ပေးခဲ့သောကြောင့် သိမ်းဆည်းခံ တောင်သူများ ကျေနပ်သဘောတူညီမှုရခဲ့သည်။
အုပ်ချုပ်ရေးအဖွဲ့မှ စုစုပေါင်းအစားထိုးမြေကွက်(၂၈၂)ကွက်ကို တောင်သူနှင့် ၀န်ထမ်းများရောနှော ချပေးသော်လည်း တကယ်တမ်း တောင်သူများ၏ရမည့် မြေကွက်မှာအကွက်၄၀ကျော်ရှိပြီး ၀န်ထမ်းများ၏ရရှိသည့် အကွက်များက ပိုများနေကြောင်း၊ ၂၀၁၂ခုနှစ်၊ဧပြီလတွင် အထက်မြေနေရာ ချထားနိုင်ရေးအတွက် လားရှိုးမြို့နယ် အထွေထွေ အုပ်ချုပ်ရေးမှူး ဦးမောင်မောင်လွင်က တောင်သူများကို ခေါ်တွေ့ပြီး တစ်ဦးလျှင်(၆၀)ပတ်လည် တစ်ကွက်သာရမည်ဟု ပြောဆိုကာ ယူလည်းရ/မယူလည်း မတတ်နိုင်ဘူးဟု ၎င်းကပြောခဲ့ကြောင်း၊ ယင်းတွေ့ဆုံစဉ် အဆိုပါအုပ်ချုပ်ရေးမှုးနှင့် တောင်သူတစ်ချို့ စကားများခဲ့ကြောင်း သိရသည်။
ယင်းကြောင့် တောင်သူများကနဂိုမူလ လုပ်ကိုင်ခဲ့သောမြေနေရာ၌ ကိုယ့်မြေ၊ကိုယ့်ခြံခတ်ပြီးဆန္ဒပြတောင်းဆိုခဲ့ကြောင်း၊ ယင်းသို့ဖြစ်ပေါ်လာခြင်းမှာလည်း ဒုတိယသမ္မတဒေါက်တာစိုင်းမောက်ခမ်းကိုယ်တိုင် ကွင်းဆင်းစစ်ဆေပြီးမှ ထွက်ပေါ်လာသည့် ပြဿနာများဟု တောင်သူများကသုံးသပ်ထားသည်။
ယင်းအပြင်မောရ၀တီမှ မောက်ခေါင်ဝတီဖြစ်ပေါ်လာခြင်းမှာလည်း အဆိုပါသမ္မရောက်လာမှ အမည်ပြောင်းခြင်းဖြစ်သည်ဟု တောင်သူများက ပြောသည်။ ၂၀၁၃ခုနှစ် ၊စက်တင်ဘာ ဆုံးဖြတ်ချက်အရ တောင်သူအတွက် အစားထိုးမြေနေရာဖေါ်ရေးကို အကောင်အထည်ဖေါ်ရန် ယခုနှစ်ဇန်န၀ါရီ၂၂ရက်နေ့တွင် စတင်မြေကွက်ရိုက်ပေးရာမှ တောင်သူများနှင့် အာဏာပိုင်များအဆင်မပြေမှုများ ယနေ့တိုင်ဖြစ်နေဆဲဟု တောင်သူများထံမှ သိရသည်။
“ကျွန်မတို့က မောရ၀တီ(၁)မှာ ဓါးမဦးချလုပ်ကိုင်ခဲ့တာ နှစ်သုံးဆယ်ရှိပြီ၊ မြေခွန်၊ စိုက်ပျိုးခွန်ဆောင်ပြီးလုပ်ခဲ့တာပါ၊ သူတို့ကပြည်သူတွေကို နည်းအမျိုးမျိုးနဲ့ာကက်ဆူုနဲ့ သိမ်းတယ်၊ စီမံကိန်းနဲ့သိမ်းတယ်၊ တကယ်သိမ်းပြီးရသွားတာက ၀န်ကြီးအမျိုးတွေ၊ သူတို့ဝန်ထမ်းအသိုင်းအ၀ိုင်းတွေပဲ ဖြစ်တယ်၊ တကယ်မရှိလို့ လုပ်စားလာခဲ့တဲ့ တောင်သူနင်းပြားတွေကို လူသူဝေးတဲ့တောင်ထိပ်ပေါ်မှာ အကွက်ချပေးတယ်ဆိုတော့ စဉ်းစားကြည့်တော့၊ ပြောတော့ဆင်းရဲနွမ်းပါးလျှော့ချရေးတဲ့ အခုတော့ဆင်းရဲနွမ်းပါး ဒုက္ခရောက်ရေးဖြစ်နေတယ်၊ ကျွန်မတို့က အရင်အုပ်ချုပ်ရေး ဦးထိန်လင်းချမှတ်ပေးတဲ့ အတိုင်းလိုချင်တယ်၊ အခုချပေးတဲ့ မြေနေရာ၂၈၂ကွက်အနက် တောင်သူရမှာက အကွက်၄၆ကွက်ရှိတယ်၊ ဒါပေမယ့်မရဘူးလေ ကျန်တဲ့သူတို့ ၀န်ထမ်းပိုင်းကလူတွေ ဘယ်လောက်ယူထားလဲဆိုတာ စဉ်စားတာကြည့်တော့၊ တောင်သူကို အကြောင်းပြပြီးသူတို့မြေကွက်ရရေးအတွက် လုပ်စားနေတယ်လို့မြင်ပါတယ်၊ ကျွန်မကတောင်သူကိုယ်စား ပြောခြင်းဖြစ်ပါတယ်”ဟု တောင်သူမစုလေးငယ်က ဆိုသည်။
ယင်းကိစ္စနှင့်ပတ်သက်၍ လားရှိုးမြို့နယ်အုပ်ချုပ်ရေးမှူး ဦးမောင်မောင်လွင်အား မေးရာ“သူတို့ကိုအစားထိုးပေးတာ မဟုတ်ပါဘူး၊ သူတို့စိုက်ထားတဲ့ မြေနေရာအပေါ်ပြန်လည်မြေကွက်ချပေးတာဖြစ်ပါတယ်၊ သူတို့မှာကအရင်ထဲက လယ်ယာလုပ်ကိုင်ခွင့် မှတ်ပုံတင်မရှိဘူး၊ သူတို့သဘောနဲ့စိုက်နေကြတာ၊ ယာယီစာထွက်ထားသည့်အတိုင်း ကျွန်တော်တို့ကေ မြနေရာချပေးတာပါ”ဟု ၎င်းက ပြောသည်။
ယင်းကြောင့် အဆိုပါတောင်သူများမှာ အထက်ပါသိမ်းဆည်းလယ်မြေနှင့် ပတ်သက်၍ လားရှိုးမြို့နယ် အုပ်ချုပ်ရေးရုံးသို့ ၂၀၁၃ခုနှစ်၊ စက်တင်ဘာလတွင်လည်း အသနားခံစားတိုင်ကြားခဲ့သည့်အတိုင်း အဆိုပါရုံးရှိ အုပ်ချုပ်ရေးမှူးများနှင့် အကြိမ်ကြိမ်တွေ့ဆုံတောင်းဆိုခဲ့ကြောင်း၊ တကယ်တမ်းတောင်သူများ၏ နစ်နာမှုအပိုင်းကိုကြည့်ပြီး မြေနေရာရပိုင်ခွင့် ပေးသင့်ကြောင်း ၎င်းတောင်သူများက ဆိုထားသည်။
ထွန်းထွန်း၊စိုးမင်းနိုင်။
The Myanma Age
