အယ်လ်ခိုင်ဒါတို့ဖမ်းထားသူက အိုဘားမားကို အကူအညီတောင်း

ပို့စ်တင်ချိန် - 12/27/2013 05:52:00 PM


(၂ နှစ်ကျော်ကြာ ထိန်းသိမ်းခံနေရတဲ့ Warren Weinstein က အသက် ၇၂ နှစ် ရှိပါပြီ)
အယ်လ်ခိုင်ဒါက ခရစ်စမတ်နေ့မှာ ထုတ်ပြန်လိုက်တဲ့ ၁၃ မိနစ်ကြာ ရုပ်သံမှာ သူက အဲဒီလို မေတ္တာရပ်ခံလိုက်တာပါ။

  ပါကစ္စတန်မှာ အယ်လ်ခိုင်ဒါအကြမ်းဖက်အဖွဲ့က ထိန်းသိမ်းထားတဲ့ အမေရိကန်နိုင်ငံသား Warren Weinstein က သူ့လွတ်မြောက်ရေးအတွက် အကူအညီပေးဖို့ သမ္မတကြီးအိုဘားမားကို တောင်းဆိုလိုက်ပါတယ်။

အမေရိကန်ထောက်လှမ်းရေး FBI ရဲ့ ထုတ်ပြန်ချက်မှာတော့ ဒီရုပ်သံထဲကလူဟာ အမေရိကန်နိုင်ငံသား Warren Weinstein ဟုတ်မဟုတ် စစ်ဆေးနေဆဲဖြစ်တယ် လို့ ဆိုထားပါတယ်။
ဒီကိစ္စကိုစုံစမ်းအတည်ပြုချက်ယူနေဆဲကာလမှာ မိသားစုဝင်တွေကို ဆက်သွယ်ဆောင်ရွက်သွားမယ်လို့ ဆိုပါတယ်။
သူ့ရဲ့လုံခြုံရေး ကျန်းမာရေးတို့အတွက်လည်း အစိုးရက ပူပန်စိုးရိမ်နေဆဲပါပဲလို့ ထုတ်ပြန်ချက်မှာ ရေးပါတယ်။

အမေရိကန်အစိုးရပိုင်းအရာရှိတွေကတော့ အစိုးရအနေနဲ့ အယ်လ်ခိုင်ဒါတို့နဲ့ အပေးအယူလုပ်ညှိနှိုင်းဖို့အစီအစဉ်မရှိကြောင်း ပြောလေ့ရှိသူတွေပါ။

ဒါဟာ သူ့ကို ရုပ်သံမှာ မြင်ရတာ ဒုတိယအကြိမ်ပါ။ ပထမအကြိမ်က ပြီးခဲ့တဲ့နှစ် မေလမှာ ဖြစ်ပါတယ်။ ရုပ်သံမှာ သူ့ကို တွေ့ရတဲ့အတွက် သူ အသက်ရှင်နေတုန်းပဲ လို့ ယူဆနေကြပါတယ်။

ပထမအကြိမ်ထွက်ပေါ်လာတဲ့ ရုပ်သံမှာတော့ ဂွာတာနာမိုအကျဉ်းစခန်းမှာထိန်းသိမ်းထားသူအားလုံးကို လွှတ်ပေးမှ သူ့ကို ပြန်လွှတ်ပေးမှာဖြစ်တယ်လို့ ဆိုထားပါတယ်။ ပြီးတော့ အာဖဂန်နစ္စတန်၊ ပါကစ္စတန်၊ ယီမင်တို့ကို အမေရိကန်က ဒုံးကျည်တွေနဲ့တိုက်ခိုက်တာတွေ ရပ်ဆိုင်းဖို့လည်း တောင်းဆိုခဲ့ပါတယ်။
 Warren Weinstein အဖမ်းခံရတာ ၂၀၁၁ သြဂုတ်လ ၂၀ ရက်နေ့မှာပါ။
ပါကစ္စတန်မှာရှိတဲ့ သူ့နေအိမ်မှာ သေနတ်သမားတွေကို လာဖမ်းသွားတာဖြစ်ကြောင်း သိရပါတယ်။

ရုပ်သံထဲမှာတော့ သူက တနေ့တနေ့ သူ ဘာဆက်ဖြစ်မယ်ဆိုတာ မသိရဘူး၊ စိုးရိမ်သောကရောက်နေရတယ်၊ မိသားစုဘာဖြစ်နေတယ်ဆိုတာလည်း မသိရဘူးလို့ သူက ပြောထားပါတယ်။
သူ့ကိုဖမ်းထားသူတွေက သူနဲ့ သူ့မိသားစုကို တွေ့ခွင့်ပြုမယ်၊ သို့သော်လည်း အိုဘားမားတို့ဘက်ကလည်း အမေရိကန်ကထိန်းသိမ်းထားတဲ့အယ်လ်ခိုင်းဒါးတွေကို အဲဒီလို ခွင့်ပြုကြောင်း အရင်ဆုံး သဘောတူမှဖြစ်မယ်လို့ ဆိုပါတယ်။

Warren Weinstein ရဲ့ ဇနီးဖြစ်သူက မေရီလန်းပြည်နယ်မှာ နေထိုင်တယ်လို့ ဆိုပါတယ်။
ဧရာဝတီ သတင်း