ပျောက်အောင်ကုမှာလား ကုန်အောင်ရိတ်မှာလား

ပို့စ်တင်ချိန် - 12/27/2013 10:52:00 AM


“ဤကြော်ငြာစာအုပ်ဖြင့် ဆေးကုခန်းသို့လာပါက စမ်းသပ်မှုအပိုင်း အခမဲ့၊ ကုသမှုအပိုင်း ၅၀ ရာခိုင်နှုန်း”ဟု ရေးသားထားသော ဆေးခန်းကြော်ငြာစာအုပ် ကိုင်ဆောင်ထားသည့် လူနာလေးငါးယောက် ရန်ကုန်တိုင်း လသာမြို့နယ် စဥ့်အိုးတန်းလမ်းရှိ ခေတ်မီဆေးကုခန်းအတွင်း၌ ဆေးကုသရန် အလှည့်စောင့်နေကြသည်။

နောက်ဆုံးပေါ် စက်ကိရိယာများ၊ ထူးချွန်သောပညာရှင်များ၊ ကျွမ်းကျင်သောဆရာဝန်များဖြင့် အော်တာနေးတစ်ဆေးပညာကို အသုံးပြု၍ နာတာရှည်ဖြစ်ပွားခံစားနေရသည့် ရောဂါများနှင့် ရောဂါအကြီးအသေးအားလုံးကို တစ်ကြိမ်တည်းဖြင့် ပျောက်ကင်းအောင် ကုသပေးနိုင်မည်ဆိုသောကြောင့် ယခုကဲ့သို့ ရောက်ရှိနေခြင်းဖြစ်သည်။

“ဆေးထိုးတာ တစ်သိန်း၊ သောက်ဆေးက လေးသိန်း။ နောက်ထပ် ခြောက်ရက်ဆက်တိုက် ဆေးထိုးရမယ်။ ဆယ်သိန်းကျော်လောက်တော့ ကုန်မယ်ပြောတယ်”ဟု ခေတ်မီဆေးခန်းတွင် ကုသမှုခံယူခဲ့သူ မမိုးမိုးကပြောသည်။

မမိုးမိုးသည် ခေါင်းအလွန်ကိုက်သောဝေဒနာကို ၁၀ နှစ်ကျော် ခံစားနေရသောကြောင့် ပျောက်ကင်းအောင် ကုသနိုင်သည်ဆိုသော အဆိုပါဆေးခန်းကြော်ငြာကြောင့် ယုံကြည်အားကိုးစွာဖြင့် ရောက်ရှိလာခြင်းဖြစ်သည်။ လွန်ခဲ့သော တစ်လကျော်က အဆိုပါဆေးခန်းသို့ လာရောက်ဆွေးနွေးခဲ့ရာတွင် ကုသရန်ငွေကြေးမလုံလောက်သောကြောင့် ထပ်မံစုဆောင်း၍ ဒုတိယအကြိမ်မြောက် လာရောက်ခဲ့ခြင်းဟုဆိုသည်။

တိုင်းဒေသကြီးအစိုးရအဖွဲ့က စစ်ဆေးအရေးယူမည်ဟု ပြောကြားထားသော အဆိုပါကြော်ငြာအားကောင်းကောင်းနှင့် ရောဂါအမြစ်ပြတ်ကုသသည်ဆိုသော ဆေးခန်းများမှာ ဗဟုသုတနည်းပါး၍ ရောဂါဝေဒနာ အမြန်ဆုံးပျောက်ကင်းလိုသော လူနာများကို လိမ်လည်မှုများပြုလုပ်ကာ ငွေရှာကောင်းနေဆဲပင်ဖြစ်သည်။

နောက်ဆုံးပေါ် ခေတ်မီစက်သစ်များကို အသုံးပြု၍ အထူးကုဆရာဝန်ကြီးများက ကုသပေးနေသည်ဟု ကြော်ငြာထားသော်လည်း လက်တွေ့၌ တခြားစီဖြစ်နေသည်ဟုဆိုသည်။ နားကြပ်မကိုင်။ သွေးပေါင်ချိန်လည်းမတိုင်းဘဲ မြန်မာစကားပြန်နှင့် ဆေးကုသသော တရုတ်ဆေးဆရာတစ်ဦးက ဘယ်ဘက်လက်ကောက်ဝတ်တွင် သွေးခုန်နှုန်းစမ်းသပ်၍ ကျောက်ကပ်အားနည်းနေသည်။ ထို့ကြောင့် ခေါင်းကိုက်ရခြင်းဖြစ်သည်ဟု ပြောဆိုကာ ဆေးတစ်လုံးထိုးပေးခဲ့ခြင်းဖြစ်သည်ဟု မမိုးမိုးက ၎င်း၏အတွေ့အကြုံကို ပြန်ပြောပြသည်။

ထိုကဲ့သို့ အဖြစ်အပျက်မျိုးကို မမိုးမိုးတစ်ယောက်သာ ခံစားရခြင်းမဟုတ်ဘဲ အဆိုပါအပျောက်ကုဆေးခန်းများတွင် သွားရောက်ကုသခဲ့သော လူနာအားလုံးနီးပါး ကြုံတွေ့ခဲ့ရသည်။ ကိုယ်တိုင်ကြုံတွေ့ဖူးသူ လူနာ ၁၅ ယောက်ကျော်ကို 7 Day Journal က မေးမြန်းမှုများပြုလုပ်ခဲ့ရာ တရုတ်ဆေးဆရာကုသကြောင်း၊ သေချာမစမ်းသပ်ဘဲ ရောဂါကုသမှုပေးကြောင်း၊ အနည်းဆုံး ကျပ်ဆယ်သိန်းခန့် ကုန်ကျကြောင်းဆိုသော အဖြေများသာရရှိခဲ့သည်။

အမျိုးသားရောဂါများ၊ အမျိုးသမီးရောဂါများ၊ ကင်ဆာရောဂါအမျိုးမျိုးကို ပျောက်ကင်းအောင် ကုသပေးနိုင်သည်။ ဆီးချို၊ သွေးချိုရောဂါကို အချိန်တိုအတွင်း ပျောက်ကင်းအောင်ကုသပေးနိုင်သည်။ လေးဘက်နာရောဂါ၊ ဂေါက်(ခေါ်) အဆစ်အမြစ်ရောင်ရောဂါတို့ကို ကုထုံးတစ်ကြိမ်၊ နှစ်ကြိမ်အတွင်း အမြစ်ပြတ်စေရမည်။ နာတာရှည်ပန်းနာရင်ကျပ်ရောဂါ ပြန်လည်ဖြစ်ပွားခြင်းမရှိစေရ။ လိပ်ခေါင်းရောဂါကို မနာမကျင် သွေးတစ်စက်မှမထွက်ဘဲ ၁၅ မိနစ်အတွင်း ထပ်မံမဖြစ်ပွားစေသည်အထိ ကုသပေးသည်။ အအေးမိတုပ်ကွေးမှအစ ၉၆ ပါးရောဂါပေါင်းစုံကို ကျော်လွန်ကာ အမျိုးမျိုးအသွယ်သွယ်သော ရောဂါများကို ခေတ်မီစက်သစ်ကြီးများ၊ နောက်ဆုံးပေါ်ဆေးပညာများ၊ ကျွမ်းကျင်သောပညာရှင်များက အမြစ်ပြတ်ပျောက်ကင်းစေရန် တာဝန်ယူကုသပေးနေသည်ဟု ကြော်ငြာကာ ဆေးခန်းတစ်ကြိမ်ပြလျှင် အနည်းဆုံးငွေကျပ်ငါးသိန်းမှ ဆယ်သိန်းကျော်အထိယူနေကြသော အပျောက်ကုဆေးခန်းများမှာ ရန်ကုန်မြို့တွင် အနည်းဆုံး ခုနစ်ခု၊ ရှစ်ခု ရှိနေပါသည်။

“ရန်ကုန်တိုင်းဒေသကြီးအတွင်း တရုတ်ဆေးခန်းများနှင့် တရုတ်ဆေးဆရာဝန်များအား ခွင့်ပြုချက်လုံးဝမရှိက ဆေးကုသခွင့်မပေးပါ။ ယနေ့အထိ ခွင့်ပြုထားသော တရုတ်ဆေးခန်းနှင့် တရုတ်ဆရာဝန်များမရှိသေးပါ”ဟု ရန်ကုန်တိုင်းဒေသကြီးအစိုးရအဖွဲ့ ကျန်းမာရေးနှင့် လူမှုရေးဝန်ကြီး ဒေါက်တာမြင့်သိန်းက ဒီဇင်ဘာ ၁၂ ရက်တွင် ပြောကြားသည်။

အဆိုပါ အပျောက်ကုဆေးခန်းများတွင် ကုသနေသော တရုတ်ဆေးဆရာများမှာ ခွင့်ပြုချက်လိုင်စင်မရှိသော၊ ယုံကြည်အားကိုးဖွယ်မရှိသောသူများသာ ဖြစ်သည်ဟု ဆိုလိုခြင်းဖြစ်၏။

တရုတ်ဆေးဆရာများ ကုသသော အဆိုပါဆေးခန်းအချို့ကို မေးမြန်းရာတွင်လည်း မြန်မာနိုင်ငံဆေးကောင်စီက ခွင့်ပြုထားသော မြန်မာဆရာဝန်များ ကုသမှုပေးပြီး ခေတ်မီစက်ကိရိယာများဖြင့် နောက်ဆုံးပေါ်နည်းပညာကို အသုံးပြုထားကြောင်း၊ သက်ဆိုင်ရာ အာဏာပိုင်အဖွဲ့အစည်းများကလည်း ဆေးခန်းသို့ လာရောက်စစ်ဆေးမှုများ ပြုလုပ်ကြသည်ဟု ပြန်လည်ဖြေကြားကြသည်။

သို့သော် ဗိုလ်တထောင်မြို့နယ်၊ ဗိုလ်မြတ်ထွန်းလမ်း၊ အလယ်ဘလောက်ရှိ နယူးဟောင်ကောင်အထူးကုဆေးခန်း၊ လမ်းမတော်မြို့နယ်၊ (၁)လမ်း ပုဂံအိမ်ရာရှိ အရှေ့တိုင်းဆေးခန်း၊ လသာမြို့နယ် စဥ့်အိုးတန်းအောက်လမ်းတွင် ဖွင့်လှစ်ထားသော ခေတ်မီဆေးကုခန်း၊ စမ်းချောင်းမြို့နယ်၊ ဗားကရာလမ်းရှိ ပိုလိုဆေးခန်းနှင့် မြန်မာနိုင်ငံရေကြောင်းသိပ္ပံကျောင်းရှေ့ရှိ ရွှေပိတောက်ဆေးခန်းတို့တွင် ခွင့်ပြုချက်လိုင်စင်မရှိသော တရုတ်ဆရာဝန်များက ကုသမှုများပေးနေပြီး လူနာများများရရှိရေးအတွက်လည်း သတင်းစာ၊ ဂျာနယ်များတွင် ကြော်ငြာများထည့်သွင်းခြင်း၊ လူစည်ကားရာလမ်းဆုံတွင် လက်ကမ်းစာအုပ်ဝေငှခြင်း၊ အိမ်တိုင်ရာရောက် ကြော်ငြာစာအုပ်၊ စာရွက်ဝေခြင်းများ ပြုလုပ်နေကြသည်ကို တွေ့ရသည်။

လိုင်စင်မဲ့ဆေးကုသမှုများနှင့် အပျောက်ကုဆေးခန်းများကို စစ်ဆေးရန် ရန်ကုန်တိုင်းဒေသကြီးအစိုးရအဖွဲ့က ယခုနှစ်ဇွန်လလယ်က ပုဂ္ဂလိကဆေးခန်းငါးခုသို့ သွားရောက်စစ်ဆေးခဲ့သည် ဆိုသော်လည်း အဆိုပါဆေးခန်းများမှာ ယနေ့ထိရှိနေဆဲဖြစ်သည်။

“ဂျာမနီကလာတဲ့စက်တွေနဲ့ကုတယ်။ ဆရာဝန်ကြီးတွေလည်းရှိတယ်ဆိုတော့ သွားပြမိတာ။ တစ်လအတွင်း ၁၅ သိန်းလောက် ကုန်သွားတယ်။ ဘာမှမထူးဘူး”ဟု အဆစ်အမြစ်ရောင်ရောဂါကို ၁၀ နှစ်ကျော် ခံစားနေရသူတစ်ဦးက နယူးဟောင်ကောင်ဆေးခန်းသို့ သွားရောက်ကုသခဲ့စဉ် အတွေ့အကြုံကိုပြောပြသည်။

အမျိုးအမည်မသိ၊ အထောက်အထားတစ်စုံတစ်ရာမှ မပါသော သောက်ဆေးများနှင့် ဆေးကုသခွင့်လိုင်စင်မရှိသော လူမျိုးခြားဆေးဆရာများက ကုသမှုပေးနေသည်မှာ သွားရောက်ကုသနေသော လူနာများအတွက် စိုးရိမ်စရာအခြေအနေတစ်ခုဖြစ်၏။

ပုဂ္ဂလိကကျန်းမာရေးလုပ်ငန်းဆိုင်ရာ ဥပဒေတွင်မူ ဆေးခန်းကို မှတ်ပုံတင်ခြင်းမရှိဘဲ ဖွင့်လှစ်ပါက ထောက်ဒဏ်ခြောက်လမှ သုံးနှစ်အထိ ချမှတ်ရမည့်အပြင် ငွေဒဏ်လည်း ချမှတ်နိုင်သည်ဟု ဖော်ပြထားသည်။ လိုင်စင်မဲ့ နိုင်ငံခြားသားဆရာဝန် ဆေးကုသမှုများကို စစ်ဆေးတွေ့ရှိပါက ထောင်ဒဏ်ငါးနှစ်အထိ ချမှတ်နိုင်သည်ဟု မြန်မာနိုင်ငံဆေးကောင်စီက သတိပေးချက်ထုတ်ပြန်ထားသည်။

သို့သော် အဆိုပါဆေးကုခန်းများသည် မြန်မာနိုင်ငံဆေးတက္ကသိုလ်များမှ ဘွဲ့ရထားသော ဆရာဝန်တစ်ဦး၏ ဆမ(ဆရာဝန်မှတ်ပုံတင်)ကို အသုံးပြု၍ လိုင်စင်လျှောက်ထားပြီး ဆေးကုသမှု၌ လိုင်စင်မဲ့ နိုင်ငံခြားသားဆေးပညာရှင်များက ကုသမှုပေးနေခြင်းဖြစ်ကြောင်း စုံစမ်းသိရသည်။

ဆေးခန်းရှေ့တွင် မြန်မာနိုင်ငံဆေးကောင်စီ၏ အသိအမှတ်ပြု မြန်မာဆရာဝန်များ၏ ဆိုင်းဘုတ်များ ချိတ်ဆွဲထားပြီး ဆေးခန်းအတွင်းသို့ဝင်လျှင် အနောက်တိုင်းဆေးများကို မှန်ဗီရိုကြီးများအတွင်း၌ ထည့်သွင်းပြသထားမည်ကို တွေ့မြင်ရမည်ဖြစ်သည်။ သို့သော် ကုသမှုပြုလုပ်ရာတွင် တရုတ်ဆေးဆရာများဖြစ်ပြီး အနောက်တိုင်းဆေးဝါးများကို အသုံးပြုသည်မဟုတ်ပါ။

“အောက်ထပ်မှာ ဆရာတို့ကို ပြင်ပလူနာကြည့်ဖို့ဆိုပြီးထားတယ်။ လူနာလာပြီဆိုတာနဲ့ အပေါ်ထပ်ကိုဆွဲတင်၊ ပြီးတော့ အဲဒီ အိစံကွား (တရုတ်ဆေးဆရာ)တွေနဲ့ ကုခိုင်းတာ။ ဘယ်လောက်တော်လဲ မတော်လဲပြောမယ်ဆိုရင် သွေးပေါင်ချိန် ၁၈၀ လောက်တက်နေရင် အိစံကွားတွေ ဘာမှမလုပ်တတ်တော့ဘူး။ အဲဒီကျမှ အောက်ထပ်က မြန်မာဆရာဝန်ဆီလာပြီး သွေးပေါင်ချပေးပါဦးပြောတယ်”ဟု အပျောက်ကုဆေးခန်းတစ်ခုတွင် နှစ်လကျော်အလုပ်လုပ်ခဲ့ဖူးသူ ဒေါက်တာမောင်မောင်အောင်က လွန်ခဲ့သောခြောက်လခန့်က အတွေ့အကြုံကိုပြောသည်။

ခေတ်မီစက်သစ်ကြီးများဟုဆိုရာတွင်လည်း အသည်းကြီး၍ အာထရာဆောင်းရိုက်ခိုင်းရာတွင် normal (ဘာမျှမရှိ)ဟု အဖြေပေးကြောင်း ဆေးခန်းတွင် တရုတ်ဆေးဆရာလေးဦး အပေါ်ထပ်၌ရှိကြောင်း၊ အောက်ထပ်ရှိ အနောက်တိုင်းဆေးများနှင့် မြန်မာဆရာဝန်များမှာ ဟန်ပြသက်သက်သာဖြစ်ကြောင်း ပြောဆိုသည်။

အဆိုပါအပျောက်ကုဆေးခန်းများကို စောင့်ကြည့်စစ်ဆေးနေသော်လည်း လစ်လျှင်လစ်သလိုလုပ်နေကြကြောင်း၊ သက်သေမရှိသောကြောင့် ပြုလုပ်၍မရကြောင်း၊ တွေ့ကြုံခဲ့လျှင် သက်ဆိုင်ရာသို့ တိုင်ကြားနိုင်ကြောင်း ရန်ကုန်တိုင်းဒေသကြီးအစိုးရအဖွဲ့ ကျန်းမာရေးနှင့် လူမှုရေးဝန်ကြီး ဒေါက်တာမြင့်သိန်းကပြောသည်။

“ဒီကိစ္စက လူတော်တော်များများ နစ်နာနေတဲ့ကိစ္စပါ။ ပြည်ထောင်စုဝန်ကြီးဌာနအနေနဲ့ သက်ဆိုင်ရာကို ညှိနှိုင်းအကြောင်းကြားစာပို့ပြီးသားပါ။ အခုလိုရှိနေသေးတာကတော့ စစ်ဆေးအရေးယူမှုမှာ အားနည်းချက်တွေရှိနေတာကို ဖော်ပြတာပဲ”ဟု ကျန်းမာရေးဝန်ကြီးဌာနမှ ညွှန်ကြားရေးမှူးတစ်ဦးက မှတ်ချက်ပြုသည်။

မြန်မာနိုင်ငံတွင် ပြည်သူလူထု၏ အခြေခံကျန်းမာရေးကို ထိထိရောက်ရောက် ကာကွယ်ပေးနိုင်သော ဥပဒေများလိုအပ်နေပြီး ယခုကဲ့သို့ လိုင်စင်မဲ့ဆေးကုသသူနှင့် ဆေးခန်းဆိုင်ရာပြဿနာများမှာ မလိုလားအပ်သောကိစ္စရပ်များဖြစ်သည်ဟု ပြည်သူ့လွှတ်တော်ကျန်းမာရေးမြှင့်တင်မှုကော်မတီမှ အတွင်းရေးမှူး ဒေါက်တာနေလင်းကပြောသည်။

“ဒါတွေကို အာဏာပိုင်တွေက စံနမူနာအနေနဲ့ အရေးယူမှုတွေပြုလုပ်ဖို့လိုတယ်။ ဒါမှနောက်မလုပ်ရဲမှာ။ အခုဟာက အရေးယူမှုတွေ အားနည်းနေတယ်”ဟု ဒေါက်တာနေလင်းကပြောကြားသည်။

မြန်မာနိုင်ငံဆေးကောင်စီလက်မှတ်ရ အထူးကုဆရာဝန်ကြီးတစ်ဦးထိုင်သော ဆေးခန်းတွင် တစ်ကြိမ်သွားပြလျှင် ငွေကျပ်နှစ်သောင်းခန့်ကုန်ပါသည်။ အပျောက်ကုဆေးခန်းများတွင် လိုင်စင်မဲ့ဆေးကုသသူ၏ ကုသမှုက တစ်ကြိမ်လျှင် ငွေကျပ်တစ်သိန်းမှ ငါးသိန်းကျော်အထိ ကုန်ကျမည်ဖြစ်သည်။ ယုံကြည်စိတ်ချရမှုနှင့် ကုန်ကျငွေက နှိုင်းယှဉ်ကြည့်လျှင် ဆီနှင့်ရေ၊ မိုးနှင့်မြေကဲ့သို့ပင်။

“လိမ်စား၊ လုပ်စားနေကြတာ။ ဘာနဲ့တူသလဲဆိုတော့ ခြင်းထဲဝင်လာတဲ့ကြက်ကို ကုန်အောင်အမွေးနုတ်မယ်ဆိုတဲ့အတိုင်းပဲ”ဟု မသိနားမလည်သော လူနာများအပေါ် လိမ်လည်ပြုမူနေကြခြင်းကို ဒေါက်တာမောင်မောင်အောင်ကဝေဖန်လိုက်သည်။

ရေးသားသူ- ရဲနောင်
7 Day News Journal