ဒီမိုကရေစီစံနှုန်းညီဥပဒေများ ပြဋ္ဌာန်းနိုင်ရေး မပြည့်စုံမှုများစွာ ကြုံတွေ့နေရဟုဆို

ပို့စ်တင်ချိန် - 12/16/2013 01:05:00 PM

တနင်္လာနေ့၊ ဒီဇင်ဘာ ၁၆ ရက်၊ ၂၀၁၃ ခုနှစ်

မြန်မာ့ဒီမိုကရေစီ ပြုပြင်ပြောင်းလဲရေးတွင် လိုအပ်သည့် ဥပဒေများကို လွှတ်တော်ဘက်မှ ထိရောက်စွာ ပြဋ္ဌာန်းနိုင်ရေးတွင် အခက်အခဲရှိနေသည်ဟူသည့် နိုင်ငံတကာပဋိပက္ခလေ့လာရေးအဖွဲ့ ICG ၏ အစီရင် ခံစာနှင့်ပတ်သက်၍ ထိုသို့ဖြစ်ရခြင်းမှာ လက်တွေ့လုပ်ငန်းများ ဆောင်ရွက်ရာတွင် မပြည့်စုံမှုများစွာဖြင့် ကြုံတွေ့နေရခြင်းကြောင့် ဖြစ်သည်ဟု လွှတ်တော်ကိုယ်စားလှယ်အချို့က ဒီဇင်ဘာ ၁၅ ရက်တွင် မဇ္ဈိမ ကို သုံးသပ် ပြောဆိုသည်။

မလှိုင်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးအေးမောက်က “လွှတ်တော်ပေါ်တာ နှစ် ၅၀ ကျော်မှ ပေါ်လာတာ၊ သက်တမ်းအရဆိုရင် အရမ်းနုသေးတာပေါ့။ လွှတ်တော်မှာ ဥပဒေပြုဖို့ဆိုတာ ဥပ ဒေပြုနိုင်တဲ့ အထောက်အကူပြုတွေ အားလုံး ရှိရမယ်”ဟု ပြောသည်။

မြန်မာလွှတ်တော်အနေဖြင့် ဒီမိုကရေစီစံချိန်စံညွှန်းနှင့်ညီသော ဥပဒေများပြုနိုင်ရန် နိုင်ငံတကာက လွှတ်တော်အသီးသီးမှာကဲ့သို့ ဥပဒေပြုနိုင်သည့် facility များ လိုနေသေးသည်ဟု ဦးအေးမောက်က အစီရင်ခံ စာပါ အချက်တစ်ချက်နှင့် ပတ်သက်၍ ထောက်ပြပြောဆိုသည်။

“ပညာရှင်တွေလိုတယ်။ နိုင်ငံတကာမှာဆိုရင် ဥပမာ ကော်မတီတွေအနေနဲ့ ဥပဒေပညာရှင်တွေကို ခေါင်းစဉ်လေး ပေးလိုက်တာနဲ့ ပညာရှင်တွေက ရှာပေးတာ၊ အကြောင်းအရာတွေ စုပေးတာတွေအပေါ် လွှတ်တော်ကိုယ်စားလှယ်တွေက ဥပဒေကြမ်းပြန်ရေးရတာ။ ဒီက လွှတ်တော်ကိုယ်စားလှယ်တွေမှာက အဲဒီအဆင့်မရှိတော့ ကိုယ့်ဟာကိုယ်ရေး၊ ကိုယ့်ဟာကိုယ်လုပ်ရတာတွေ ရှိတယ်။ Facility က ဘာမှမရှိ တဲ့သဘောဖြစ်နေတယ်”ဟု ဆိုသည်။

ပြုပြင်ပြောင်းလဲရေးကာလ မြန်မာ့လွှတ်တော်နှစ်ရပ်အပေါ် အပေါ်ယံ လေ့လာသုံးသပ်ပြီး ဥပဒေများ ပြ ဋ္ဌာန်းရန် မဟုတ်ဆိုသော ခေါင်းစဉ်ပေးထားသည့် နိုင်ငံတကာ ပဋိပက္ခလေ့လာရေးအဖွဲ့ ICG ကနောက် ဆုံးထုတ်ပြန်လိုက်သည့် အစီရင်ခံစာမှာ နှစ်ပေါင်း ၅၀ အတွင်း ပထမဆုံး သီးခြားလွတ်လပ်သော အဖွဲ့ အစည်းတစ်ခုအဖြစ် ထွက်ပေါ်လာခဲ့သည့် ၂၀၁၁ ခုနှစ်တွင် ဖွဲ့စည်းလိုက်သော မြန်မာ့လွှတ်တော်နှင့် ပတ်သက်၍ လေ့လာသုံးသပ်ထားခြင်း ဖြစ်သည်။ အဆိုပါ အစီရင်ခံစာတွင် မြန်မာနိုင်ငံ၏ အခြေတည်စ လွှတ်တော်မှာ အများမျှော်လင့်ထားသည်ထက် ပိုမိုအသက်ဝင်ပြီး သြဇာသက်ရောက်မှုရှိသည်ဟု သက် သေပြနေသော်လည်း တိုင်းပြည်၏ ဒီမိုကရေစီပြုပြင်ပြောင်းလဲမှုများ အပြည့်အ၀ဖြစ်ထွန်းလာရန် လိုအပ် သောဥပဒေများ ထိထိရောက်ရောက် ပြဋ္ဌာန်းနိုင်ရန်မှာမူ အဖွဲ့အစည်း လုပ်ထုံးလုပ်နည်းဆိုင်ရာ လုပ်နိုင် စွမ်းရည် အကန့်အသတ်များ ကြီးကြီးမားမား ရှိနေဆဲဖြစ်သည်ဟု ထောက်ပြထားသည်။

အဆိုပါ ထောက်ပြထားချက်နှင့် ပတ်သက်၍ တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီ မှ အတွင်းရေးမှူး ဦးဝင်းမြင့်က “အရေးပေါ်စီမံခန့်ခွဲမှုဥပဒေ၊ မတရားအသင်း အက်ဥပဒေ၊ နိုင်ငံတော်ကို ဘေးအန္တရာယ်မှ ကာကွယ်စောင့်ရှောက်ခြင်းဥပဒေပုဒ်မ ၁၀(က) ၁၀(ခ) က လူတစ်ယောက်ကို၂၄ နာရီ ထက် ပိုချုပ်ခွင့်ပေးထားတယ်။ အဲဒီဥပဒေတွေကို အခုထိ မပယ်ဖျက်နိုင်သေးဘူး။ အာဏာရှင်ခေတ်က ပြဋ္ဌာန်းထားတဲ့ ဥပဒေတွေကို ပြင်ဆင်ပြောင်းလဲဖို့လိုတယ်”ဟု ပြောသည်။

လွှတ်တော်အနေဖြင့် တောင်သူလယ်သမားအခွင့်အရေး ကာကွယ်သည့်ဥပဒေ၊ တိုင်းရင်းသားလူနည်းစု အခွင့်အရေးဥပဒေ စသည်ဖြင့် ဥပဒေများ ဆောင်ရွက်လာသည်မှာ ယခင် ဥပဒေပေါင်း ၄၃၀ ကျော်ရှိရာ မှ ယခုဆိုလျှင် ၃၈၀ ကျော်ဝန်းကျင်သာ ကျန်တော့သည်။ သို့သော် ဒီမိုကရေစီစံချိန်စံညွှန်းနှင့်ညီသော ဥပဒေများ ပေါ်ထွက်လာရန်မှာမူ နိုင်ငံတကာ ဥပဒေကျွမ်းကျင်သူများ ငှားပေးသည်မျိုးကဲ့သို့ နိုင်ငံတော် အစိုးရဘက်မှ အထောက်အကူပြုပေးရန်လည်း လိုနေသည်ဟု လွှတ်တော်ကိုယ်စားလှယ်အချို့က ဆို ကြသည်။

“အုပ်ချုပ်ရေးဘက်က ဘယ်လို ဥပဒေတွေ လိုတယ်ဆိုတာ အကုန်သိတယ်။ ပိုထိရောက်အောင် လုပ်လို့ ရတယ်။ ဥပမာ နိုင်ငံခြားရင်းနှီးမြှုပ်နှံမှုဥပဒေကိစ္စမှာဆို လက်တွေ့ရင်ဆိုင်နေရတာက အုပ်ချုပ်ရေးအဖွဲ့ တွေ ဘယ်ဟာတွေက အားနည်းချက်ရှိလဲဆိုတာ သိတယ်။ နှစ်ဖက်ညှိနှိုင်းမှုမှာ အားနည်းတဲ့အပိုင်းတွေ ရှိတယ်။ လွှတ်တော်က လက်ရှိအခြေအနေအရ လုပ်သင့်လုပ်ထိုက်တာတွေကို လုပ်နေတယ်။ တကယ် လိုတဲ့ အဓိကအချက်အလက်တွေကို အုပ်ချုပ်ရေးပိုင်းက စိစစ်ရွေးချယ်ပေးမယ်ဆိုရင် ပိုမြန်ဆန်လာလိမ့် မယ်လို့ မြင်တယ်”ဟု ဦးအေးမောက်က ဆိုသည်။

ထို့ပြင် လွှတ်တော်တွင်ရှိသည့် ကိုယ်စားလှယ်များကလည်း ဒီမိုကရေစီ စံချိန်စံနှုန်းနှင့်ညီသည့် ဥပဒေ များကို ပြဋ္ဌာန်းတတ်အောင် ဦးတည်ဖို့လိုကြောင်း ထောက်ပြ ပြောဆိုကြသည်။

ဒီမိုကရေစီစံချိန်စံနှုန်းနှင့်ညီသည့် ဥပဒေများ ပေါ်ထွက်လာရန်မှာ လွှတ်တော်ကိုယ်စားလှယ်အချို့၏ အခြေခံစိတ်ဓာတ်များကိုလည်း မပြောင်းလဲသေးသည်က အခက်အခဲတစ်ခုဖြစ်နေသည်ဟု ဥပဒေပြုရေး ဘက်မှ လွှတ်တော်ကိုယ်စားလှယ်များက သုံးသပ်ကြသည်။

စုမြတ်ဝေ
Mizzima Burmese