တရုတ်နှင့် ထိုင်းသို့ ရာခိုင်နှုန်း ၉၀ တင်ပို့ရမည့် သံလွင်ရေအားလျှပ်စစ် စီမံကိန်း ခြောက်ခုကို ဖျက်သိမ်းပေးရန် အာဆီယံပြည်သူ့ဖိုရမ်တွင် ဆွေးနွေး

ပို့စ်တင်ချိန် - 3/23/2014 10:58:00 PM


ဇင်ဘိုလွင်၊ သက်ထား၊အေးမြတ်မွန်
မတ် ၂၂ ရက်က ရန်ကုန်မြို့တွင် ပြုလုပ်ခဲ့သော အာဆီယံပြည်သူ့ဖိုရမ်တွင် အရပ်ဘက်အဖွဲ့အစည်းများဆွေးနွေးစဉ်

တရုတ်နှင့် ထိုင်းသို့ ထွက်ရှိသည့် လျှပ်စစ်ဓာတ်အားများမှ ရာခိုင်နှုန်း ၉၀ အထိ တင်ပို့ရမည့် သံလွင်ရေအားလျှပ်စစ် စီမံကိန်း ခြောက်ခုကို ဖျက်သိမ်းပေးရန်အတွက် ရန်ကုန်မြို့၌ မတ် ၂၁ ရက်မှ ၂၃ အထိ သုံးရက်ကြာ ပြုလုပ်နေသည့် အာဆီယံပြည်သူ့ဖိုရမ် ဒုတိယနေ့တွင် ထည့်သွင်းဆွေးနွေးမှုများ ပြုလုပ်ခဲ့သည်။

အဆိုပါ ဆွေးနွေးပွဲတွင် သံလွင်မြစ်နှင့် ဆက်စပ်နေသည့် မဲခေါင်မြစ် ဖြတ်သန်းရာ အာဆီယံနိုင်ငံများမှ ဗီယက်နမ်၊ ထိုင်း၊ ကမ္ဘောဒီးယားနိုင်ငံများကလည်း အဆိုပါမြစ်ပေါ်တွင် ရေကာတာ တည်ဆောက်မှုများကြောင့် ဖြစ်ပေါ်လာသည့် ဆိုးကျိုးများကို ၀င်ရောက် ဆွေးနွေးခဲ့သည်။

သံလွင်မြစ်ပေါ်တွင် အာဆီယံ၌ အကြီးဆုံးဖြစ်လာမည့် လျှပ်စစ်ဓာတ်အား မဂ္ဂါဝပ် ၇၀၀၀ အထိ ထုတ်လုပ်သွားမည့် တာဆန်း (ခ) မိုင်းတုံ ရေအားလျှပ်စစ် စီမံကိန်းအပါအ၀င် စီမံကိန်း ခြောက်ခု တည်ဆောက်သွားရန်ရှိပြီး အဆိုပါစီမံကိန်းများမှာ ကွမ်းလုံ ရေကာတာ၊ နောင်ဖရေကာတာ၊ မန်တောင် ရေကာတာ၊ ရွာသစ်ရေကာတာနှင့် ဟက်ကြီး ရေကာတာတို့ဖြစ်ပြီး အဆိုပါစီမံကိန်းများမှ စုစုပေါင်းလျှပ်စစ်ဓာတ်အား ၁၅၄၆၀ မဂ္ဂါဝပ် အထိ ထုတ်လုပ်ရန် ရည်ရွယ်ထားခြင်း ဖြစ်ကြောင်း သိရသည်။

အဆိုပါစီမံကိန်းများမှာ ပွင့်လင်းမြင်သာမှုရှိစွာ လုပ်ဆောင်ခဲ့ခြင်းမဟုတ်ဘဲ မြစ်အထက်ပိုင်းတွင် ရေမြုပ်မှုများ ဖြစ်လာနိုင်ကာ ဒေသခံများ ပြောင်းရွှေ့သွားရနိုင်ကြောင်း၊ လယ်ယာမြေသိမ်းဆည်းခံရမှုများလည်း ရှိနေကြောင်း၊ သံလွင်မြစ်ကို မှီတင်းနေထိုင်ကြသည့် ဒေသခံများ၏ စီးပွားရေးများလည်း ပျက်စီးနိုင်ကြောင်း၊ ဇီဝမျိုးကွဲများနှင့် ရှားပါးမျိုးစိတ်များ ပျောက်ဆုံးသွားနိုင်ကြောင်း၊ စီမံကိန်းများကြောင့် စစ်တပ်အင်အား တိုးချဲ့ချထားမှုများ ရှိလာသည့်အတွက် ငြိမ်းချမ်းရေးထိပါးမည်ကို စိုးရိမ်ကြောင်းစသည့် အချက်များကြောင့် ကန့်ကွက်ခြင်းဖြစ်ကြောင်း ဆွေးနွေးရာတွင် ပါဝင်ခဲ့သည့် ကရင်မြစ်ကြောင်းစောင့်ကြည့်ရေးအဖွဲ့မှ ဦးစောသာဘိုးက ပြောကြားသည်။

“ဒီဟာတွေကြောင့် ထိခိုက်မှုတွေ ဖြစ်လာရင် အဲဒီပြဿနာတွေကို ဘယ်သူတွေက ဖြေရှင်းပေးမှာလဲ။ အစိုးရကလား။ ဒီစီမံကိန်းတွေက လုံးဝ ပွင့်လင်းမြင်သာမှု မရှိဘူး။ ဘာမှလည်း မချပြဘူး။ ဒါကြောင့် ရပ်ပေးဖို့ တောင်းဆိုတာ”ဟု ဦးစောသာဘိုးက ပြောကြားသည်။

အဆိုပါ သံလွင်မြစ်ပေါ်ရှိ ရေအားလျှပ်စစ် စီမံကိန်းများကို ရပ်ဆိုင်းပေးရန် မတ် ၁၄ ရက် အပြည်ပြည်ဆိုင်ရာ မြစ်ချောင်းများနေ့တွင်လည်း အစိုးရနှင့် သက်ဆိုင်ရာကုမ္ပဏီများသို့ တောင်းဆိုထားပြီး လက်ရှိအချိန်ထိ တုံ့ပြန်မှုတစ်စုံတစ်ရာ မရသေးကြောင်း၊ ကွမ်းလုံရေအားလျှပ်စစ် စီမံကိန်းနှင့် တာဆန်းရေအားလျှပ်စစ် စီမံကိန်းတို့မှာ လုပ်ငန်းများ စတင်နေပြီဖြစ်ကြောင်းနှင့် အဆောက်အအုံအချို့မှာဒေသခံများ၏ မြေယာများပေါ်တွင် တည်ဆောက်ထားခြင်းဖြစ်ကြောင်းလည်း ၎င်းက ပြောကြားသည်။

ရွာသစ်ရေကာတာ စီမံကိန်းဧရိယာမှာ လူဦးရေတစ်ထောင်ကျော်ခန့်သာ ကျန်တော့သည့် ကယားပြည်နယ်ရှိ ယင်းတလဲလူမျိုးစု နေထိုင်သော မြေပေါ်တွင်ရှိနေပြီး အဆိုပါ စီမံကိန်းကြောင့် ယင်းလူမျိုးစု ပျောက်ကွယ်သွားနိုင်သည်ဟုလည်း ဦးစောသာဘိုး က ပြောကြားသည်။

ထို့ပြင် မဲခေါင်မြစ်တစ်လျှောက်တွင် တည်ဆောက်ပြီးစီးနေပြီဖြစ်သည့် ရေကာတာများလည်း ရှိနေပြီး အဆိုပါရေကာတာ စီမံကိန်းများကြောင့် ဆိုးကျိုးများစွာ ခံစားနေရကြောင်းနှင့် မည်သည့်ရေအားလျှပ်စစ် စီမံကိန်းမှ မလုပ်သင့်ကြောင်း ထိုင်း၊ ကမ္ဘောဒီးယားနှင့် ဗီယက်နမ်နိုင်ငံတို့မှ ပညာရှင်များ ကလည်း ဆွေးနွေးမှုများ ပြုလုပ်ခဲ့သည်။

သံလွင်မြစ်သည် စတုရန်းကီလိုမီတာ ၃၂၄၀၀၀ ရှည်လျားပြီး တရုတ်နိုင်ငံတွင် ၅၃ ရာခိုင်နှုန်း၊ မြန်မာနိုင်ငံတွင် ၄၂ ရာခိုင်နှုန်းနှင့် ထိုင်းနိုင်ငံတွင် ငါးရာခိုင်နှုန်း ရှိနေကာ အဆိုပါမြစ်ပေါ်တွင် မြန်မာနိုင်ငံမှ မှီတင်းနေထိုင်သူ ခုနစ်သန်း ရှိကြောင်း သိရသည်။

ယင်းဖိုရမ်မှ ဆွေးနွေးချက်များကို ဖိုရမ်နောက်ဆုံးနေ့တွင် ကြေညာချက် ထုတ်ပြန်သွားမည်ဖြစ်ပြီး အာဆီယံအစိုးရ အသီးသီးသို့ တင်ပြသွားမည်ဖြစ်ကြောင်း သိရသည်။

Eleven Media Group