ကလေးယူတဲ့ကိစ္စဟာ သူတစ်ပါးရဲ့ တွန်းအားပေးမှုကြောင့် ယူလိုက်ရတာမျိုး မဖြစ်သင့်

ပို့စ်တင်ချိန် - 7/02/2014 08:18:00 AM



ယောင်္ကျားယူပြီး ကလေးမွေးကိုမွေးရမယ်ဆိုတဲ့ ကိစ္စဟာ တယူသန်ဆန်လွန်းပါတယ်။ နှစ်ဦးစလုံးက ကလေးလိုချင်တာမျိုး မဟုတ်ပဲ အိမ်ကမိဘတွေကြောင့် စီးပွားရေးအဆင်မပြေပဲ ကလေးယူလိုက်ရတယ်ဆိုတာမျိုး၊ ဒါမှမဟုတ် ကိုယ်က ကလေးမယူချင်ပဲ ယောင်္ကျားကအတင်းယူမယ်ဆိုလို့ ယူလိုက်ရတာမျိုးတွေဟာ ခုလို ခေတ်ကြီးထဲမှာ မရှိသင့်တော့ပါဘူး။ ကိုယ်က လိုလိုလားလားမရှိပဲ၊ ဒါမှမဟုတ် ကလေးယူဖို့အတွက်တောင် အချိန်မပေးနိုင်လို့၊ စသဖြင့် အခက်အခဲတွေ ရှိနေတယ်ဆိုရင်တော့ ကလေးမယူပဲ အိမ်ထောင်ရေးကို ပိုအဆင်ပြေအောင် ညှိုနှိုင်းနေထိုင်သင့်ပါတယ်။ ကိုယ့်သဘောမပါပဲ တစ်ဦးတစ်ယောက်ကြောင့် ကလေးယူရတဲ့အဖြစ်မျိုးတော့ အရောက်မခံပါနဲ့။ ဒီတော့ ကလေးမယူတာဟာ အပြစ်တစ်ခုမဟုတ်သလို အောက်မှာဖော်ပြထားတဲ့အချက်တွေအတိုင်းဆိုရင်တော့ ကလေးယူဖို့ကိစ္စကို သေချာစဉ်းစားသင့်ပါပြီ။

၁။ဒါကိုယ့်ခန္ဓာကိုယ်၊ ဒါကိုယ့်ဘ၀ပါ။

ကိုယ့်စိတ်ဆန္ဒပါမှ ကလေးယူပါ။ ကိုယ့်ဘ၀ကို ကိုယ့်စိတ်တိုင်းကျ ဖန်တီးပါ။ ဒီကလေးဟာ ကိုယ်တိုင်ဝမ်းနဲ့လွယ်ပြီး မွေးဖွားရမှာဖြစ်တာမို့ ကိုယ်တကယ်ကို လိုချင်တော့မှ ယူပါ။

၂။သင်ဟာ သိပ်အလုပ်ရှုပ်တဲ့သူလားဆိုတာ စဉ်းစားပါ။

တစ်နေ့တစ်နေ့ မနားရအောင် အလုပ်လုပ်ရတယ်။ နားရတဲ့အချိန်က အိပ်ချိန်လောက်ပဲ ရှိတယ်ဆိုရင် ဒီလိုလူမျိုးဟာ ကလေးယူဖို့ သေသေချာချာကို စဉ်းစားသင့်တဲ့အခြအနေပါ။

၃။သင်ဟာ လက်ရှိဘ၀လေးကို ကျေနပ်ပျော်ရွှင်တယ်။

ခုလက်ရှိဘ၀လေးဟာ သာယာတယ်။ ဘာအပူအပင်မှ မရှိဘူး။ ကိုယ့်ရဲ့ နေ့စဉ်ဘ၀လေးကို ကျေနပ်နေတယ်လို့ ခံစားမိရင် ကလေးယူခါနီး စဉ်းစားပါ။ ကလေးယူလိုက်မယ်ဆိုရင် ဒါတွေဟာ ပြောင်းလဲသွားနိုင်တယ်ဆိုတာကို စဉ်းစားပါ။

၎။ကလေးယူဖို့အတွက် ကိုယ့်အမျိုးသားကလွဲပြီး တခြားသူတွေ ဖိအားပေးခြင်းမျိုး လက်မခံပါနဲ့။

ကိုယ်နဲ့ကိုယ်ခင်ပွန်း နှစ်ယောက်ကြား ညှိထားတာက တစ်မျိုး၊ ဒါပေမယ့် တစ်ခြားအပြင်လူတစ်ယောက်ရဲ့ ဖိအားကြောင့် ကလေးမဖြစ်မနေ ယူလိုက်ရတာမျိုးဆို၇င် ကလေးရလာတဲ့အခါ စိတ်မတည်ငြိမ်တော့တာမျိုး၊ ကိုယ့်ဆုံးဖြတ်ချက်ကြောင့် မဟုတ်ဘဲ တစ်ခြားတစ်ဦးတစ်ယောက်ကြောင့် ဆိုတဲ့ အသိကြောင့်ပါ စိတ်ညစ်စရာတွေ ကြုံလာနိုင်ပါတယ်။

၅။ကလေးမမွေးတာကြောင့် လူရာမ၀င်ဘူးလို့ ထင်စရာ မလိုပါဘူး။

ယောင်္ကျားယူထားပြီး ကလေးမမွေးတာကြောင့် လူတွေက ကိုယ့်ကို ထင်ချင်သလို ထင်ကြပါစေ။ ဒါဟာကိုယ့်ဘ၀မို့ ကိုယ့်စိတ်ထဲရှိတဲ့အတိုင်း နေထိုင်တာ အကောင်းဆုံးပါပဲ။

၆။သင်ဟာ အဆင်သင့်မဖြစ်သေးဘူးဆိုရင် ကလေးမယူသင့်သေးပါဘူး။

ကိုယ့်အသက်က ငယ်လွန်းနေတယ်။ ဒါမှမဟုတ် ကလေးတစ်ယောက်ကို ပြုစုပျိုးထောင်ဖို့ အစစအရာရာ လိုအပ်ချက်တွေ ရှိနေသေးတယ်လို့ ယူဆရင် မျက်လုံးစုံမှိတ်ပြီး ကလေးယူလိုက်တာမျိုးတွေဘာတွေ မလုပ်ပါနဲ့။

၇။ကလေးတစ်ယောက်မွေးတော့မယ်ဆိုရင် ကုန်ကျစရိတ်တွေနဲ့ အနာဂတ်ကိုပါ ထည့်တွက်ပါ။

ကလေးယူချင်တာပဲ သိတယ်။ ကလေးမွေးပြီးတဲ့အခါ ဘယ်လို ပြုစုပျိုးထောင်ရမယ်ဆိုတာလည်း မသိဘူး။ ၀င်ငွေဆိုတာကလည်း လောက်လောက်ငှငှ မရှိသေးဘူးဆိုပါတော့။ ဒီလိုအချိန်မျိုးမှာ ကလေးယူဖို့ မစဉ်းစားသင့်သေးပါဘူး။

Ref:cosmopolitan.com

Trend Myanmar