နေပြည်တော်တွင် မောင်းနေသောကားမှ ရုတ်တရက်မီးထလောင်
ပို့စ်တင်ချိန်
-
3/08/2014 09:03:00 PM
နေပြည်တော်၊ မတ်လ ၈
၂၀၁၄ ရက်နေ့ မတ်လ ၇ ရက်နေ့ နေ့လည် ၂ နာရီ ၁၅ မိနစ်အချိန် ပဲခူးတိုင်းဒေသကြီး၊ ရေတာရှည်မြို့နယ်၊ ရန်ကုန်-မန္တလေးအမြန်လမ်း၊ မိုင်တိုင်အမှတ်(၁၈၂/၇)အနီးတွင် ယာဉ်တစ်စီး မီးလောင်မှုဖြစ်ပွားကြောင်းသတင်းအရ သာဂရအမြန်လမ်းရဲစခန်းမှတပ်ဖွဲ့ဝင်များနှင့် အမြန်လမ်းမီးသတ် တပ်ဖွဲ့ဝင်များ သွားရောက်စစ်ဆေးခဲ့သည်။ စစ်ဆေးချက်အရ ရန်ကုန်မှပြင်ဦးလွင်သို့ မန္တလေးတိုင်း ဒေသကြီး၊ ပြင်ဦးလွင်မြို့၊ (၁၈)ရပ်ကွက်နေ ၀င်းလှိုင်(၃၄)နှစ်မောင်းနှင်လာသော ၂ဂ/xxxx 4WD Tiger အနက်ရောင်ယာဉ်မှာ အင်ဂျင်စက်ဖုံးမှမီးခိုးထွက်နေသဖြင့် လမ်းဘေးသို့ချရပ်ပြီး အင်ဂျင်စက်ဖုံးအား ဖွင့်ကြည့်ရာမှ အင်ဂျင်ဝိုင်ပိုက်ပေါက်၍အိပ်ဇောပိုက်ပေါ်သို့ကျကာ မီးလောင်မှုဖြစ်ပွားခဲ့ခြင်းဖြစ်ကြောင်း သိရှိရသည်။ ယာဉ်မီးလောင်မှုကြောင့် လူထိခိုက်ဒဏ်ရာရရှိမှုမရှိဘဲ ယာဉ်တစ်စီးလုံးမီးလောင်၍ တန်ဘိုး ငွေကျပ်သိန်း(၁၂၀)ခန့်ပျက်စီးဆုံးရှုံးခဲ့ကြောင်းနှင့် ၀င်းလှိုင်အား သာဂရအမြန်လမ်းရဲစခန်း (ပ)၂/၂၀၁၄၊ ပြစ်မှုပုဒ်မ ၂၈၅ ဖြင့် အမှုဖွင့်အရေးယူထားကြောင်း သတင်းရရှိသည်။
ရဲဇာနည်
