ချောင်းဦးမြို့မီး နေအိမ် ၅၇ လုံး ဆုံးရှုံး
ပို့စ်တင်ချိန်
-
6/01/2014 08:28:00 PM
မုံရွာခရိုင် ချောင်းဦးမြို့၊ မြောက်ရပ်ကွက်၊ ရွာမရပ်တွင် မေလ ၃၁ ရက် မွန်းလွဲ ၂ နာရီခန့် က ထမင်းချက်ပြုတ်ရာမှ နေအိမ် ၅၇ လုံးမီးလောင်ဆုံးရှုံးခဲ့ကြောင်း သတင်းရရှိသည်။
‘‘မီးစလောင်တဲ့ အချိန်က နေ့လယ် ၂ နာရီကျော်မှာပါ။ လေပြင်းတိုက်နေတုန်းမီးလောင်တာဆိုတော့ မီးကူးစက်လောင်ကျွမ်းမှုက ပိုမြန်တယ်’’ဟု ချောင်းဦးမြို့ မြောက်ရပ်ကွက် မီးလောင်ဆုံးရှုံးခံရသော နေအိမ်ပိုင်ရှင်တစ်ဦးက ပြောသည်။
‘‘မီးလောင်လောင်ချင်း ပစ္စည်းတွေ သယ်ကြ၊ပြုကြနဲ့ ကိုယ်ပစ္စည်းပြန်ရတဲ့သူရတယ်။ တချို့က ၀ိုင်းကူတာလိုလိုနဲ့ လု ယူတဲ့သူတွေလည်းရှိတယ်’’ ဟု မီးဘေးဒုက္ခကြုံတွေ့ခဲ့ရသူတစ်ဦး ကဆိုသည်။
ချောင်းဦးမြို့ မြောက်ရပ် ကွက်ရှိ နေအိမ်တစ်အိမ် မီးဖိုဆောင်တွင် ထမင်းချက်ရာမှ မီးစတင်လောင်ကျွမ်းခဲ့ရာ မီးသတ် တပ်ဖွဲ့ဝင်များနှင့် ဒေသခံပြည်သူများ ၀ိုင်းဝန်းငြှိမ်းသတ်မှုကြောင့် နေ့လယ် ၃ နာရီ ၄၅ မိနစ်အချိန်တွင် မီးညွန့်ကျိုးခဲ့ပြီး ညနေ ၅ နာရီအချိန်တွင် မီးလုံးဝငြိမ်းသွားသည်။
မီးလောင်ရာသို့ မုံရွာမြို့နယ် ဗဟိုမီးသတ်တပ်ဖွဲ့မှ မီးသတ် ယာဉ် ၂ စီး၊ အရန်မီးသတ်တပ် ဖွဲ့မှ မီးသတ်ယာဉ် ၃ စီး၊ မြင်းမူ မြို့မှ မီးသတ်ယာဉ် ၂ စီး၊ ချောင်း ဦးမြို့မှ မီးသတ်ယာဉ် ၄ စီး၊ မုံ ရွေး၊ ကြေးမုံ၊ ခင်မွန်ကျေးရွာများ မှ မီးသတ်ယာဉ်များနှင့် စည်ပင် သာယာရေး အဖွဲ့ပိုင် ရေသယ် ယာဉ်တစ်စီး၊ ပုဂ္ဂလိက ရေသယ် ယာဉ်တစ်စီးတို့ ၀ိုင်းဝန်းငြှိမ်းသတ် ခဲ့သည်။ မီးလောင်မှုကြောင့် နေ အိမ် ၅၇ လုံး၊ အိမ်ထောင်စု ၄၅ စု၊ ကျား ၇၂ ဦး၊ မ ၈၈ ဦး မီး ဘေးဒုက္ခကြုံတွေ့ခဲ့ရသည်။
အဆိုပါမီးဘေးဒုက္ခကြုံ တွေ့ရသူများကို ချောင်းဦးမြို့ မြောက်ရပ်ကွက်ရွာမရပ်ရှိ မဟာ အောင်မြေသာစံဘုန်းတော်ကြီး ကျောင်းတိုက်အတွင်း မီးဘေး ကယ်ဆယ်ရေးစခန်း ဖွင့်လှစ် ဆောင်ရွက်လျက်ရှိသည်။
7Day Daily
