ပြည်သူပြည်သား မိအေး နှစ်ခါနာများ

ပို့စ်တင်ချိန် - 10/30/2013 05:34:00 PM


အောက်တိုဘာ ၂၉ရက်ထုတ် နိုင်ငံပိုင် သတင်းစာများတွင် လျှပ်စစ် ဓာတ်အား ခနှုန်းထားများ ပြင်ဆင်ပြောင်းလဲကောက်ခံ မည့် အကြောင်း ဖော်ပြ ထား သည်ကို တွေ့ရသည်။ ယင်းကို ရန်ကုန်မြို့တော် လျှပ်စစ်ဓာတ်အားပေးရေးအဖွဲ့က ထုတ်ပြန်ထားခြင်းဖြစ်သည်။

ယင်းထုတ်ပြန်ချက်တွင် အချက်နှစ်ချက်ပါဝင်သည်။
ပထမ တစ်ချက်မှာ လျှပ်စစ် စွမ်းအားဝန်ကြီးဌာန ရန်ကုန်မြို့တော် လျှပ်စစ်ဓာတ် အားပေးရေးအဖွဲ့သည် ဓာတ်အားထုတ်လုပ်မှု ကုန်ကျ စရိတ်နှင့် ဓာတ်အားဝယ်ယူမှု ကုန်ကျစရိတ်များ တတ်နိုင် သမျှ ကာမိစေရန် အတွက် ၂၀၁၃ ခုနှစ် နိုဝင်ဘာလ ဓာတ်အားသုံးစွဲမှုအပေါ်မှ စတင်၍ အများပြည်သူသုံး (အိမ်သုံး)အတွက် တစ်ယူနစ်မှ ၁၀၀ ယူနစ်အထိ ၃၅ကျပ်၊ ၁ဝဝယူနစ်အထက် ၅ဝကျပ်၊ အများပြည်သူ (စက်မှု၊ စီး ပွားရေး၊ တစ်လုံး တစ်ခဲ တည်း၊ ယာယီ)အတွက် တစ်ယူနစ် မှ ၅ဝဝဝယူနစ်အထိ ၁၀၀ ကျပ်၊ ၅၀၀၁ယူနစ်နှင့်အထက် ၁၅ဝကျပ်၊ အစိုးရဌာနရုံးသုံးအတွက် ၅ဝကျပ်၊ စက်မှုသုံးအ တွက် ၁ဝဝကျပ် ပြင်ဆင်သတ်မှတ်လိုက်ခြင်းဖြစ်သည်။

ယင်းတို့ကို နိုဝင်ဘာလအတွင်း ဓာတ်အားသုံးစွဲမှု ပမာဏအပေါ် ယခုဖော်ပြထားသည့် နှုန်းထားသစ်များ ဖြင့် တွက်ချက်ပြီး ဒီဇင်ဘာလတွင် စတင်၍ ငွေတောင်းခံလွှာများ ပြုစုကောက်ခံသွားမည်ဟု ဖော်ပြထားသည် ကို တွေ့ရသည်။ လက်ရှိနှုန်းထားများမှာ အများပြည်သူ သုံး(အိမ်သုံး) တစ်ယူနစ်လျှင် ၃၅ကျပ်၊ စက်မှုလုပ်ငန်းများ အတွက် တစ်ယူနစ်လျှင် ၇၅ကျပ်နှင့် အစိုးရစက်မှုသုံး များအတွက် ၃၅ကျပ်ဖြစ်သည်။

ထိုသို့လျှပ်စစ်ဓာတ်အားခများ တိုးမြှင့်ကောက်ခံ လိုက်သည့် အတွက် နောက် ဆက်တွဲ မည်သို့သောအကျိုး ဆက်များ ထွက်ပေါ်လာ နိုင်သလဲ၊ စိတ်ဝင်စားစရာ ကောင်းပါသည်။ အိမ်သုံးသမားတွေကတော့ အပိုထပ် ကုန်လိမ့်မည်။ ရှိသည့် ရသည့်ဝင်ငွေထဲမှ ဖဲ့ထုတ်ပေး ရလိမ့်မည်။

ထိုအတွက် သူတို့တွင် စောဒကတက်စရာ မရှိ။ မပေးချင်ရင် လိုသလောက် သုံး။ မလိုသည့်မီးပိတ်။ စီးပွားရေးလုပ်ငန်းသမားတွေက သူတို့နှစ်ဆ တက်ပေး ရမည့်အတွက် သူတို့ကုန်ပစ္စည်းများအပေါ် ထပ်ဆောင်း ဈေးတင် လိုက်လို့ရမည်။ ထိုသို့တင်လျှင် အများပြည်သူ ပဲ တိုက်ရိုက်ထိမည်။ တစ်ရာတန်က တစ်ရာ့နှစ်ဆယ်ဖြစ် ချင်ဖြစ်မည်။
တစ်ရာ့ငါးဆယ်ဖြစ်ချင်ဖြစ်မည်။

ရုတ်တရက်ကြည့်လျှင် အိမ်သုံးသမားတွေက ယခင်တစ်ယူနစ် ၃၅ကျပ်မှ ၅ဝတိုးပေးလိုက်လျှင် ၁၅ကျပ်ပဲ တက်သည်ဟု ဆိုနိုင်သော်လည်း စီးပွားရေး လုပ်ငန်းသမားများက သူ တို့ထပ်ဆောင်းကုန်ကျမည့် မီတာခအတွက် သူတို့ကုန် ပစ္စည်းအပေါ် ထပ်ဆောင်းတင်လိုက်ပါက ထိုအဖိုးအခ သည် အများပြည်သူဝယ်ယူသုံးစွဲသူပဲ ထပ်ဆောင်းပေးရ မည့်သဘော သက်ဝင်သွားသည်။ နောက်ဆုံးတော့ အများ ပြည်သူပဲ တိုက်ရိုက်ထိသည်။

ထူးတော့ ထူးဆန်းသည်။ ကမ္ဘာ့ဘဏ်တို့ ၊ အိုင်အမ်အက်ဖ်တို့က တစ်နိုင်ငံလုံးမီးလင်း ရေး ဘယ်လိုဘယ်လောက်ကူညီမည်တို့ကြားနေရသည့် အထဲ ယခုလိုတိုးကောက်ခြင်းကဆန်းသည်။ ဘန်ကောက် တစ်မြို့လုံးနှင့် တရုတ်တို့တွင် မြန်မာ့ဓာတ်ငွေ့ဖြင့် မီး လင်းနေပြီး ကိုယ့်နိုင်ငံကျတော့ ဓာတ်အားခတိုးကောက် ခြင်းမှာလည်း သဘာဝလွန်ဖြစ်ရပ် ဖြစ်နေသည်။

ယင်းသည် ခေတ်သစ်၊ စနစ်တွင် ဘာတွေ ဘယ်လိုပြောင်းပြောင်း၊ ဘယ်လိုလုပ်လုပ် ပြည်သူဟူသော ဘူတာပဲလာလာဆိုက်နေလိမ့်မည်။ ယင်းသည် မြန်မာ ပြည်၏ ထူးခြားချက်တွေထဲက ထူးခြားချက်တစ်ခုဖြစ် သည်။ဘာပဲတက်လိုက်တက်လိုက်ကားသမားကလည်း ဈေးလိုက်တက်ချင်သည်။ ယုတ်စွအဆုံး ဆိုက်ကားသမား ကလည်း ဈေးလိုက်တက်ချင်သည်။ အခြားလုပ်ငန်းသမားများကတော့ဆိုဖွယ်ရာမရှိ။ဓာတ်အားထုတ်လုပ်မှုကုန်ကျစရိတ်နှင့်ဓာတ်အားဝယ်ယူမှုကုန်ကျစရိတ်များ ကြောင့်တက်ရပါသည် ဆိုသော်လည်းဘာတွေဘယ် လောက်ဝယ်ရ၍အဘယ်သို့သောထုတ်လုပ်မှုကုန်ကျ စရိတ်ဟူသည်ကို ရှင်းရှင်းလင်းလင်းတော့ ဖော်ပြထား ခြင်းမရှိပေ။ ရန်ကုန်မြို့တော် လျှပ်စစ်ဓာတ်အားပေး ရေးအဖွဲ့က ထိုအချက်များ ကို သေချာ ကျနစွာ ဖော်ပြ ပေးသင့်ပေ သည်။

ပြည်သူ့ခေတ်တွင် ပြည်သူကို ချပြ ပေးဖို့တော့လိုသည်။ နားလည်အောင် ရှင်းပြရမည့်တာ ဝန် ထိုအဖွဲ့တွင် ရှိသည်။ ထိုသို့မဟုတ်လျှင် ပြည်သူ တွေပဲ မိအေးနှစ်ခါနာတွေ ဖြစ်နေရချိမ့်မည်။

အယ်ဒီတာ

အောက်တိုဘာ ၂၉၊ ၂၀၁၃
yangonmedia