စီအာအိုင်၏ စိတ်ကြိုက်သတင်း ၁၀ ပုဒ် ရွေးချယ်မှုတွင် မြန်မာသတင်း တစ်ပုဒ်ပါဝင်

ပို့စ်တင်ချိန် - 1/02/2014 10:15:00 PM


၂၀၁၃ ခုနှစ်အတွင်း စီအာအိုင် (China Radio International) မှ ထုတ်လွှင့်ခဲ့သော အရှေ့တောင်အာရှ ဒေသဆိုင်ရာ သတင်းများထဲမှ စိတ်ကြိုက်သတင်း ၁၀ ပုဒ် ရွေးချယ်ရာတွင် မြန်မာသတင်း တစ်ပုဒ် ပါဝင်ကြောင်း သတင်းရရှိသည်။ စိတ်ကြိုက်သတင်း ၁၀ ပုဒ် ရွေးချယ်မှုကို စီအာအိုင်နှင့် အရှေ့တောင်အာရှ နိုင်ငံများမှ မီဒီယာများ ပူးပေါင်း၍ အကဲဖြတ် ရွေးချယ်ခဲ့ခြင်းဖြစ်ပြီး ရွေးချယ်ခံရသော မြန်မာသတင်း တစ်ပုဒ်မှာ ‘မြန်မာ့လွှတ်တော် ဖွဲ့စည်းပုံအခြေခံဥပဒေ အကဲဖြတ်ကော်မတီ ဖွဲ့စည်းရန်ဆုံးဖြတ်’ ဆိုသည့် သတင်း ဖြစ်သည်။ ယင်းသတင်း ၁၀ ပုဒ် ရွေးချယ်ရန်အတွက် ဦးစွာ စီအာအိုင်မှနေ၍ ၂၀၁၃ ခုနှစ်အတွင်း စီအာအိုင်မှ ထုတ်လွှင့်ခဲ့သော အရှေ့တောင်အာရှ ဒေသဆိုင်ရာ သတင်းများထဲမှ ၁၇ ပုဒ်ကို ပဏာမ ရွေးချယ်ခဲ့ကြောင်း၊ ယင်းသတင်း ၁၇ ပုဒ်ကို အရှေ့တောင်အာရှ နိုင်ငံများမှ မီဒီယာနှင့် မီဒီယာဆိုင်ရာ အဖွဲ့အစည်းတို့က ၎င်းတို့စိတ်ကြိုက် ၁၀ ပုဒ်စီ ရွေးချယ်ပေးခဲ့ကြကြောင်း၊ ယင်းသို့ ရွေးချယ်ပေးသည့်အထဲမှ မဲအများဆုံး ရရှိသည့် သတင်း ၁၀ ပုဒ်ကို စိတ်ကြိုက်သတင်း ၁၀ ပုဒ်အဖြစ် စီအာအိုင်မှ အပြီးသတ် ရွေးချယ်လိုက်ခြင်း ဖြစ်ကြောင်း စီအာအိုင်မှ သိရသည်။ ထိုသို့ ရွေးချယ်ရာတွင် စီအာအိုင်နှင့်အတူ အရှေ့တောင်အာရှ နိုင်ငံများမှ တစ်နိုင်ငံလျှင် မီဒီယာ (သို့) မီဒီယာဆိုင်ရာ အဖွဲ့တစ်ခုစီပါဝင်ပြီး မြန်မာနိုင်ငံမှ မြန်မာနိုင်ငံ သတင်းစာဆရာများ အသင်းက ရွေးချယ်ပေးခဲ့ခြင်း ဖြစ်သည်။ တရုတ်နှင့် အာဆီယံနိုင်ငံများအကြား ကူးလူးဖလှယ်မှုနှင့် ပူးပေါင်း ဆောင်ရွက်မှုကို မြှင့်တင်ရန်အတွက် ယင်းသို့ သတင်းရွေးချယ်ပွဲကို ၂၀၀၉ ခုနှစ်မှစကာ နှစ်စဉ် ကျင်းပခဲ့ကြောင်း ၂၀၁၄ ခုနှစ် ဇန်နဝါရီ ၂ ရက်နေ့ထုတ် The Voice သတင်းစာတွင် ဖော်ပြထားပါသည်။ "
khit lu nge