ဖေဖော်ဝါရီ ၁၆ ရက် နောက်ဆုံးထား ပြောင်းရွှေ့ခိုင်းထားသည့် ဒဂုံဆိပ်ကမ်းမြို့နယ်ရှိ ကျူးကျော်တစ်သောင်းခန့် လတ်တလောပြောင်းရွှေ့ရန် နေရာအခက်အခဲဖြစ်ပေါ်နေ
ပို့စ်တင်ချိန်
-
2/16/2014 10:40:00 PM
ဖေဖော်ဝါရီ ၁၆ရက် နောက်ဆုံးထား ပြောင်းရွှေ့ပေးရန် မြို့နယ်အုပ်ချုပ်ရေးရုံးက စေခိုင်းထားသည့် ဒဂုံဆိပ်ကမ်းမြို့နယ် ၆၁၊ ၆၇၊ ၉၃ ရပ်ကွက်များတွင် နေထိုင်သော ကျူးကျော်ဦးရေ တစ်သောင်းခန့်မှာ လတ်တလောပြောင်းရွှေ့ရန် နေစရာအခက်အခဲ ဖြစ်ပေါ်နေကြောင်း သိရသည်။
အဆိုပါဖျက်သိမ်းရန် အမိန့်ထုတ်ပြန်ခံထားရသည့် ကျူးကျော်အိမ်ရာတို့တွင် နေထိုင်သူများသည် အနယ်နယ်အရပ်ရပ်မှ ပြောင်းရွှေ့အခြေချလာသူများဖြစ်ပြီး ပြန်လည်ရွှေ့ပြောင်းနေထိုင်ရန် ငွေကြေးအခက်အခဲများရှိနေခြင်းနှင့် ၎င်းတို့သားသမီးများ၏ ကျောင်းပြောင်းရွှေ့ရန် ကိစ္စရပ်များကြောင့် ယင်းနေရာများတွင် ဆက်လက်နေထိုင်လိုသေးကြောင်း သိရသည်။
"ပြောင်းတာတော့ ပြောင်းရမှာပေါ့နော်။ ကိုယ်လည်း နားလည်ပါတယ်။ ကိုယ်ပိုင်တဲ့မြေမှ မဟုတ်ဘဲလေ။ ဒါပေမဲ့ အချိန်အတိုင်းအတာလေးတစ်ခုအထိတော့ ဆက်နေချင်သေးတယ်။ ကလေးကိစ္စတွေလည်း ရှိနေသေးသလို၊ အကြွေးတွေလည်း မကျေသေးတော့ ပြောင်းစရာမရှိသေးဘူး"ဟု ဒဂုံဆိပ်ကမ်း ၆၁ ရပ်ကွက်ရှိ မသူသူက ပြောကြားသည်။ အဆိုပါ ကျူးကျော်နေထိုင်သူများသည် ယင်းမြေနေရာများတွင် နေထိုင်နိုင်ရန် ရပ်ကွက်အုပ်ချုပ်ရေးမှူးများနှင့် မြေပွဲစားများထံမှ ၁၅ ပေ×ပေ ၃၀ ခန့်ရှိသည့် မြေကွက်များကို တစ်ကွက်လျှင် တစ်သိန်းနှုန်းမှ ၃သိန်းဝန်းကျင်အထိပေးကာ ၀ယ်ယူကြရပြီး နေထိုင်မှုသက်တမ်းမှာ သုံးလခန့်သာကြာမြင့်သေးကြောင်း သိရသည်။
"၆၁ တစ်ရပ်ကွက်တည်းတင် ကျူးကျော်ဦးရေ သုံးထောင်ကျော်လောက် ရှိမယ်ထင်တယ်။ ကျွန်မတို့ မိသားစုအပါအ၀င် အကုန်လုံးက မြေကွက်တွေ ၀ယ်နေထားရတာ။ အရင်ကမြောက်ဒဂုံမှာနေတယ်။ ဟိုမှာ အိမ်ငှားခဈေးကြီးတော့ ဒီဘက်ကို ပြောင်းလာတာပါ။ မြေကွက်ရောင်းတဲ့သူတွေကလည်း မပြောင်းရပါဘူးလို့ အာမခံတယ်လေ" ဟု ကျူးကျော်တဲဆောက်လုပ်သည့် အမျိုးသမီးတစ်ဦးက ပြောကြားသည်။
"ဖျက်သိမ်းဖို့အမိန့်ထုတ်ထားတဲ့ ကျူးကျော်တဲက ၃ ရပ်ကွက်လုံးမှာ လေးထောင်ကျော် ငါးထောင်နီးပါးလောက်ရှိမယ်။ ဖျက်သိမ်းဖို့ စာထုတ်ပြီးပြီလေ။ ရှောင်တခင်ပဲ ၀င်ဖျက်သိမ်းသွားမှာပါ။ အတိအကျတော့ ပြောလို့မရဘူး" ဟု ဒဂုံဆိပ်ကမ်းမြို့နယ် အုပ်ချုပ်ရေးမှူး ဦးကျော်နိုင်ထွန်းက ပြောကြားသည်။
(ဖျက်သိမ်းရန် အမိန့်ထုတ်ပြန်ထားသည့် ၆၁ ရပ်ကွက်ရှိ ကျူးကျော်တဲများကို ဖေဖော်ဝါရီ ၁၁ ရက်က တွေ့ရစဉ်(ဓာတ်ပုံ-သက်မင်း))
Eleven Media Group
