မြန်မာနိုင်ငံတွင် စိတ်ကြွဆေးပြား ဖမ်းဆီးရရှိမှ ၁၀ ဆတက်
ပို့စ်တင်ချိန်
-
5/21/2014 07:39:00 PM
မြန်မာနိုင်ငံမှာ မူးယစ်ဆေးဝါးနှစ်မျိုး ဖမ်းဆီးရမှု အလွန်အမင်းမြင့်တက်နေတာကြောင့် မူးယစ်ဆေးဝါးပပျောက်ရေးကို အုပ်ချုပ်ရေးပိုင်းက ထိထိရောက်ရောက် ကိုင်တွယ်ဆောင်ရွက်ဖို့ လိုအပ်နေပါတယ်။
မြန်မာပြည်မှာ ယာဘလို့ခေါ်တဲ့ စိတ်ကြွမူးယစ်ဆေးနဲ့ အိုက်စ်လို့ ခေါ်တဲ့ မူးယစ်ဆေး ဖမ်းဆီးရရှိမှု အရေအတွက်ဟာ အဆပေါင်းများစွာ တက်လာတယ်လို့ UNODC ရဲ့ မြန်မာပြည်ဆိုင်ရာ အစီအစဉ်ညှိနှိုင်းရေးမှူး ဦးထွန်းနေစိုးက ပြောပါတယ်။
“ရေခဲဆိုရင် ၂၀၁၂ နဲ့ ၁၃ ကြားမှာ ၁၃ ဆလောက် တတ်လာတယ်။ ပြီးတော့ ၂၀၁၂ မှာ မြန်မာနိုင်ငံမှာ ဖမ်းဆီးမိတဲ့ အရေအတွက်က မြန်မာနိုင်ငံမှာ ရေခဲဖမ်းမိရတဲ့ သမိုင်းတလျှောက်မှာ အမြင့်ဆုံးဖြစ်တယ်။ နောက်တခုက ရာဘ။ ဆေးပြားဖမ်းမိရတဲ့အရေအတွက်က ၂၀၁၀ ကနေဆိုရင် ၉ ဆလောက် တတ်လာတယ်။ ၂ သန်းကျော်ကနေ ၁၈ သန်းလောက် တက်လာတယ်။”
မြန်မာပြည်မှာ ၂၀၁၁ လောက်ကစပြီး စိတ်ကြွမူးယစ်ဆေး သုံးစွဲသူ သိသိသာသာ များပြားလာပြီး အရှေတောင်အာရှမှာ ယာဘနဲ့ ရေခဲဆေး ၂ ခုစလုံးရဲ့ ဈေးကွက်တန်ဖိုး အမေရိကန်ဒေါ်လာ ၁၆ ဘီလီယံကျော် ရှိတယ်လို့လည်း သူက ပြောပါတယ်။
မြန်မာ့အိမ်နီးချင်း ထိုင်းနိုင်ငံမှာလည်း နယ်စပ်ကနေ မူးယစ်ဆေးတွေ မကြာခန ဖမ်းဆီးရရှိနေပြီး ထိုင်းသတင်းတွေအဆိုအရ မြန်မာပြည်လမ်းကြောင်းဘက်က လာတယ်လို့ ညွှန်းဆိုနေကြပါတယ်။
ဒီနှစ်ထုတ် UNODC အစီရင်ခံစာမှာလည်း မြန်မာနိုင်ငံမှာ စိတ်ကြွမူးယစ်ဆေး ထုတ်လုပ်ရာမှာ သုံးတဲ့ ထိန်းချုပ်ဓာတုဗေဒပစ္စည်း ဖမ်းဆီးရရှိမှုအရေအတွက် သိသိသာသာ တိုးမြင့်လာတယ်လို့ ရေးထားပါတယ်။ အာရှနှင့်မြောက်အမေရိကတို့မှာ စိတ်ကြွမူးယစ်ဆေး ဖမ်းဆီးရရှိမှု စံချိန်တင်မြင့်တက်နေတယ်လို့ ဖော်ပြထားပါတယ်။
မြန်မာပြည် အပါအ၀င် အာရှတိုက်မှာ စိတ်ကြွရူးသွပ်ဆေးများ အဲ့ဒီလို အဆက်မပြတ်ပျံ့နှံ့လာမှုက လူငယ် အများစုရှိတဲ့ လူမှုဝန်းကျင်ရှိ ကျန်းမာရေးစနစ်နဲ့ တရားစီရင်ရေးစနစ်တို့ကို တိုးပြီး စိန်ခေါ် လာနေတယ်လို့ သတိပေးထားပါတယ်။
မြန်မာနိုင်ငံဟာ ကမ္ဘာပေါ်မှာ ဒုတိယမြောက် ဘ်ိန်းအများဆုံးစိုက်တဲ့ နာမည်အဖြစ် နာမည်ဆိုးနဲ့ ကျော်ကြားပြီး နိုင်ငံသားတွေအကြား မူးယစ်ဆေးဝါး သုံးစွဲမှု မြင့်တက်နေပါတယ်။
DVB Burmese
