သွားတိုက်ဆေးနှင့်နေရောင်ကာခရင်မ်အချို့က သုက်ပိုးကို ပျက်စီးစေနိုင်

ပို့စ်တင်ချိန် - 5/26/2014 10:16:00 PM



No. 118
ဒိန်းမတ်နှင့် ဂျာမာန်နိုင်ငံမှ သိပံ္ပပညာရှင်များက သုက်ပိုးများအား ပျက်စီးစေပြီး မျိုးပွားမှုအား အနှောင့်အယှက်ဖြစ်စေသည့် ဓာတု ပစ္စည်းများအားတွေ့ရှိခဲ့ကြပြီး ယင်းတို့ထဲမှ အချို့ပစ္စည်းများမှာ တစ်ကိုယ်ရေသုံးပစ္စည်းများ အစားအသောက်များတွင် ပါဝင်နေကြောင်း တွေ့ရသည်။ အထူးသဖြင့်  နေရောင်ခြည်ကာခရင်မ်များတွင် ပါလေ့ရှိသော 4-methyl benzylidene camphor (4-MBL)ာနှင့် သွားတိုက်ဆေးများတွင် ပါလေ့ရှိသော ဘက်တီးရီးယားများကိုသေစေသည့်ပစ္စည်း Triclosan  တို့က သုက်ပိုးများအား ပျက်စီးစေကြောင်း တွေ့ရသည်။ ထို့ပြင် စားသောက်ကုန်များ၊ ဆေးဆိုး ပန်းရိုက်ခြင်းများ၊  ကျန်းမာရေး သန့်စင်ပစ္စည်းများ၊ အရုပ်၊ အလှကုန် နှင့်ကော်ဘူးတို့တွင်ပါဝင်သော ဓာတုပစ္စည်းပေါင်း ၉၆မျိုးခန့် ရှိသေး ကြောင်းပြောကြားခဲ့သည်။ ယင်းဓာတုပစ္စည်းများက သုက်ပိုးတွင် ကယ်လ်ဆီယမ်ပမာဏကို တိုးပွားစေပြီး မမျိုးဥ၏ကာကွယ်ထားသော အလွှာအား ထိုးဖောက်ရာတွင် အခက်အခဲဖြစ်စေကြောင်း  တွေ့ရသည်။ ယခုတွေ့ရှိမှုကို အသုံးပြု၍ လူသုံးကုန်ပစ္စည်းများ ထုတ်လုပ်ရာ၌ ပါဝင်ရမည့်ပစ္စည်းများအား နိုင်ငံတကာစည်းကမ်းနှင့် အညီချမှတ်ရန် ရည်ရွယ်ထားကြောင်း သိရသည်။
ဖိုးသောကြာ
ref:Medindia

Health Updates Journal