ကျား (၂) ကောင် နဲ့ အမျိုးသမီး

ပို့စ်တင်ချိန် - 5/26/2014 01:45:00 PM



အေသင်အောင်

အမေရိကန်ပြည်ထောင်စု၊ ဖလော်ရီဒါပြည်နယ်ရှိ ဒါဗင်ပို့တ်မြို့မှာ နေထိုင်တဲ့ ဂျာနီစီဟာလီအမည်ရ အမျိုးသမီးတစ်ဦးဟာ သူ့ရဲ့နေအိမ်ခြံဝန်း အတွင်းမှာ ပေါင် (၆၀၀) ခန့်ရှိတဲ့ ကျားကြီးနှစ်ကောင်ကို မွေးမြူထားတယ်လို့ သိရပါတယ်။

                ဒီကျားနှစ်ကောင်ရဲ့အစွယ်တွေဟာ ခြောက်လက်မအထိ ရှိနေပေမယ့် ဂျာနီစီကတော့ မကြောက်မရွံ့ နေအိမ်ခြံဝန်း အတွင်းမှာ မွေးမြူထားလို့ အံ့အားသင့်စရာဖြစ်ခဲ့ရပါတယ်။ ဂျာနီစီဟာပြီးခဲ့တဲ့ နှစ်တွေတုန်းက ဒေသတွင်း သတင်းစာတွေမှာ ကျားတွေကို လေ့ကျင့်သင်ကြား ပေးမယ်ဆိုတဲ့ ကြော်ငြာတစ်ခု ထည့်သွင်းခဲ့ပါတယ်။ အဲဒီနောက် ကျားတစ်ကောင် ရောက်ရှိလာခဲ့ပါတယ်။ ၂၀၀၂ မှာတော့ ဂျာနီစီဟာ ဂျန်ဒါ အမည်ရ ကျားတစ်ကောင် ကို ၀ယ်ယူခဲ့ပါတယ်။ ဂျန်ဒါဟာ အခုဆိုရင် အသက် (၁၂)နှစ်ရှိ နေပြီဖြစ်ပါတယ်။ ဂျာနီစီ ပထမဆုံး မွေးမြူခဲ့တဲ့ ကျားကလေးဟာ၂၀၀၇ မှာ သေဆုံး သွားခဲ့ပါတယ်။ ဂျာနီစီက ကျွန်မဟာကျားတွေကို မွေးမြူရာမှာ အလွန်ကျွမ်းကျင်သူဖြစ်ပါတယ်။ ကျားတွေနဲ့ ရင်းနှီးစွာ နေထိုင်နိုင်စွမ်းလည်း ရှိပါတယ်။ ကျားတွေဟာ သူတို့ရဲ့ပါးစပ်တွေနဲ့ ကျွန်မကို နမ်းလေ့ရှိပါတယ်။ နောက်ပြီး ကြီးမားလှတဲ့  ခန္ဓာကိုယ်တွေနဲ့ ကျွန်မကိုဖမ်းယူလေ့ရှိပါတယ် လို့  ဖွင့်ဟ ပြောကြားသွားခဲ့ပါတယ်။

                ဂျာနီစီ နဲ့ ခင်ပွန်းဖြစ်သူ ဒေးဗစ်တို့ဟာ ကျားတွေကိုကောင်းစွာပြုစု စောင့်ရှောက်ထားပြီး  လုံလောက်တဲ့ အစာရေ စာကျွေးမှုတွေကိုလည်း   ပြုလုပ်ခဲ့ပါတယ်။ ဂျာနီစီကနေအိမ် ခြံဝန်းထဲမှာ ကျားတွေ မွေးထားခြင်းအပေါ် အချို့သူတွေက နှစ်သက်ကြခြင်းမရှိကြောင်း၊ သို့သော်လည်း ကျားတွေ ဟာ အန္တရာယ်ပေးတဲ့ သတ္တ၀ါတွေ မဟုတ်ကြောင်း၊ ကျားတွေနဲ့ ရင်းနှီးတဲ့ဆက်ဆံရေးရရှိစေဖို့ လှောင်အိမ်ထဲမှာ မမွေးဘဲ ခြံဝန်းထဲမှာ မွေးဖို့ ဆုံးဖြတ် ခဲ့ခြင်းဖြစ်ကြောင်း ပြောကြားသွားခဲ့ပါတယ်။

messenger