ဓာတ်ပုံရိုက်ကွင်းကြောင့် ချစ်သူနှင့် ပြဿနာတက်ဖွယ် ရှိနေသည့် အီရီနာ

ပို့စ်တင်ချိန် - 5/10/2014 09:56:00 PM

Sports Illustrated မဂ္ဂဇင်းအတွက် ဓာတ်ပုံအရိုက်ခံခဲ့သည့် ကိစ္စအတွက် ခရစ္စတီယာနို ရော်နယ်လ်ဒိုနှင့် အီရီနာရှိတ်ခ်တို့ ပြဿနာ တက်ကြလိမ့်မည်ဟု အတင်းအဖျင်း မီဒီယာများက အရွှမ်းဖောက် ရေးသားခဲ့ကြသည်။ ရုရှားစူပါမော်ဒယ်လ် အီရီနာ အနေဖြင့် ဟာဝိုင်ယီရှိ ဓာတ်ပုံရိုက်ကွင်း တစ်ခုတွင် အပေါ်ပိုင်း ဗလာကျင်းလျှက် ရှိနေပြီး အမျိုးသား မော်ဒယ်လ်တစ်ဦးနှင့် ထွေးလုံးရစ်ပတ် ရှိနေသည်ကို တွေ့ရှိရသည်။

အလုပ်အပေါ် စိတ်နှစ်ထားဟန်ရှိသည့် အီရီနာသည် ကမ်းခြေတွင် သဲအလူးလူးဖြင့် ရှိနေပြီး ရိုက်ကွင်းမှ လူအများနှင့်လည်း ရယ်ရယ်မောမော စကားပြောဆိုနေခဲ့သည်။ ဘီကနီရေကူးဝတ်စုံ အောက်ပိုင်း ဘောင်းဘီတိုလေးမျှကိုသာ ဝတ်ဆင်ထားသည့် အီရီနာသည် သူမ၏ ခန္ဓာကိုယ်အလှအတွက် ယုံကြည်မှုအပြည့် ရှိနေပြီး ပတ်ဝန်းကျင်မှ စူးစမ်းမှုများကိုလည်း မျက်ကွယ်ပြုထားခဲ့သည်။

အသက်(၂၈)နှစ် အရွယ်ရှိ မော်ဒယ်လ်အနေဖြင့် အမျိုးသားတစ်ဦးနှင့် ယခုကဲ့သို့ လက်ပွန်းတတီး ရှိနေခဲ့သည့်အတွက် အလုပ်ကိစ္စပင် ဖြစ်လင့်ကစား သူမ၏ ချစ်သူ ကမ္ဘာကျော် ဘောလုံးသမား ခရစ္စတီယာနို အနေဖြင့် ဝန်တိုဒေါသထွက်နေဖွယ် ရှိကြောင်းလည်း သတင်းများက ရေးသားခဲ့သည်။ အီရီနာ အနေဖြင့် ယင်းကဲ့သို့ စုံတွဲဓာတ်ပုံ ရိုက်ကူးအပြီးတွင်မူ ပန်းပွင့်ပန်းခက်များဖြင့် ဒီဇိုင်းစီခြယ်ထားသည့် ရေကူးဝတ်စုံများကို ပြောင်းလဲဝတ်ဆင်ပြီး ကိုယ်ဟန်ပြနေခဲ့သည်ကိုလည်း တွေ့ရသည်။

အီရီနာသည် မော်ဒယ်လ် လျှောက်လမ်းများတွင် အထူးတလည် အောင်မြင် ကျော်ကြားခဲ့ပြီးနောက် ရုပ်ရှင်လောက ပွဲဦးထွက်အနေဖြင့် ဒါရိုက်တာ ဘရတ်ရတ္တနာ တာဝန်ယူထားသည့် Hercules ဇာတ်ကားတွင် မင်းသား ဒါဝိန်းဂျွန်ဆင်နှင့်အတူ တွဲဖက် သရုပ်ဆောင်ထားကြောင်းလည်း သိရှိရသည်။
Planet Myanmar Network