မြိတ်- ဘန်ကောက် တိုက်ရိုက်လေကြောင်း စ ပျံသန်း

ပို့စ်တင်ချိန် - 5/09/2014 02:20:00 PM


 မေလ ၈ ရက်နေ့ကစ Myanmar Union Express Charter Airline ဟာ ထိုင်းနိုင်ငံ ဘန်ကောက်နဲ့ တနင်္သာရီတိုင်း မြိတ်မြို့ကို တိုက်ရိုက်လေကြောင်း ခရီးစဉ် စပြီးပြေးဆွဲခဲ့ပါတယ်။

New Airwaysနယ်မြို့တမြို့ကနေ ထိုင်းနိုင်ငံ ဘန်ကောက်ကို ပြေးဆွဲတဲ့ ပထမဦးဆုံး လေကြောင်း ခရီးစဉ်ဖြစ်ပြီး ရန်ကုန်၊ မန္တလေးနဲ့ နေပြည်တော်ပြီးရင် ဘန်ကောက်ကို ပြေးဆွဲတဲ့ စတုတ္တမြောက် လေကြောင်းလိုင်းလည်း ဖြစ်ပါတယ်။

ဘန်ကောက် – မြိတ် – ဘန်ကောက် ခရီးစဉ်ကို နဂိုက ရေထွက်ကုန်တွေ အပါအ၀င် ကုန်စည်တွေပါ တင်ဆောင်ပြေးဆွဲမယ်လို့ ရည်ရွယ်ခဲ့ပေမယ့် ပထမဦးဆုံး ခရီးစဉ်မှာတော့ ကုန်စည်တွေ တင်ဆောင်နိုင်ခြင်း မရှိသေးပါဘူး။

အသွားအပြန် ဒေါ်လာ ၁၄၀ ပဲ သတ်မှတ်ထားတဲ့ ဒီလေကြောင်းလိုင်း ခရီးစဉ်တွေကို မေလအတွင်း ၁၂ရက်၊ ၁၆ -၂၀-၂၃-၂၇ နဲ့ ၃၀ ရက်နေ့တွေမှာ ပြေးဆွဲသွားမယ်လို့ ကြေညာထားပါတယ်။

မွန်ပြည်နယ်ဘက်မှာလည်း ထိုင်းနယ်စပ် မဲဆောက်နဲ့ မွန်ပြည်နယ် မော်လမြိုင် ခရီးစဉ်တွေ ပြေးဆွဲခဲ့ဖူးပေမယ့် နောက်ပိုင်း ရပ်ဆိုင်းသွားခဲ့ပါတယ်။

DVB Burmese