ရွှေပေါက်ကံတွင် အိမ်ခြေ ၈၀ ကျော်ကို ပြောင်းရွှေ့ရန် စည်ပင် အကြောင်းကြား

ပို့စ်တင်ချိန် - 6/07/2014 07:19:00 PM




ရန်ကုန်၊ ဇွန် ၆

ရန်ကုန်တိုင်းဒေသကြီး မြောက်ဥက္ကလာပမြို့နယ် ရွှေပေါက်ကံမြို့သစ် အမှတ် (၂၂) ရပ်ကွက် ကွန်ကရစ်လမ်းပေါ်တွင် နေထိုင်လျက်ရှိသော အိမ်ခြေ ၈၀၊ လူဦးရေ ၃၈၀ ကျော်ကို စည်ပင်နယ်နိမိတ်တွင် ကျူးကျော်နေထိုင်သူဟု ဆိုကာ ဇွန်လ ၂၅ ရက်နေ့ နောက်ဆုံးထားကာ ပြောင်းရွှေ့ပေးရန် မြို့နယ်စည်ပင်သာယာရေး အုပ်ချုပ်ရေးရုံးက အကြောင်းကြားစာ ပေးပို့ထားကြောင်း ယင်းနေထိုင်သူများထံမှ စုံစမ်းသိရှိရသည်။

အဆိုပါ နေထိုင်သူများမှာ ကျပန်းလုပ်ကိုင်သူများ ဖြစ်ပြီး ရန်ကုန်မြို့တွင် အိမ်ငှားရမ်းရန် မတတ်နိုင်သောကြောင့် ယခုနှစ် ဧပြီလတွင်းက ဝင်ရောက် နေထိုင်သူများ ဖြစ်ကြောင်း၊ မြို့နယ်စည်ပင်က ပြောင်းရွှေ့ရန် စာထုတ် အကြောင်းကြားထားသော်လည်း နေစရာ မရှိခြင်း၊ အခြေခံပညာ သင်နေသော ကျောင်းသားများ ရှိခြင်းတို့ကြောင့် ဖယ်ရှားပေးမည် မဟုတ်ကြောင်း ယင်းနေရာတွင် နေထိုင်သူ ဦးစိုးဝင်းက ပြောကြားသည်။

“ဦးတို့မှာ နေစရာလည်း အထိုင်ကျနေပြီ။ ကလေးတွေလည်း ကျောင်းတက်နေပြီ ဆိုတော့ မဖယ်ပေးနိုင်ဘူး” ဟု ၎င်းက ရှင်းပြသည်။

ကျူးကျော်နေထိုင်သူများမှာ ကြည့်မြင်တိုင် တစ်ဖက်ကမ်း၊ တိုက်ကြီး၊ လှိုင်သာယာ၊ ဘိုကလေးနှင့် အခြားသော မြို့နယ်များမှ ပြောင်းရွှေ့လာသူများ ဖြစ်ကြောင်း၊ ကျူးကျော်နေထိုင်များကို စည်ပင်က ဖယ်ရှား ရှင်းလင်းရာတွင် အင်အားသုံးကာ အတင်းအကျပ် ဆောင်ရွက်ခြင်းများ လုပ်ဆောင်ခဲ့သောကြောင့် ၎င်းတို့ နေထိုင်ရာနေရာ ယာဉ်အဝင်အထွက်ကို သတိထားနေရပြီး ညပိုင်းတွင် ကင်းစောင့်ကာ စောင့်ကြည့်နေရကြောင်း ကျူးကျော်နေထိုင်သူများထံမှ သိရှိရသည်။

အဆိုပါ ကျူးကျော်များကို ဖယ်ရှားမှုနှင့် ပတ်သက်၍ မြောက်ဥက္ကလာပမြို့နယ် စည်ပင်သာယာရေး အုပ်ချုပ်ရေးရုံးမှ တာဝန်ရှိသူတစ်ဦးကို ဆက်သွယ်မေးမြန်းရာတွင် ကျန်းမာရေး မကောင်း၍ ဆေးရုံသို့ ရောက်ရှိနေသဖြင့် ယင်းအကြောင်းအရာကို မသိရသေးကြောင်း ပြန်လည်ပြောကြားသည်။
The Voice Weekly