ဖွဲ့စည်းပုံပြင်ဆင်ရေး ဦးစားပေးစာရင်းတွင် ပုဒ်မ ၄၃၆၊ ၅၉(စ)နှင့် တပ်မတော်၏ အခန်းကဏ္ဍတို့ မပါဝင်

ပို့စ်တင်ချိန် - 3/13/2014 01:19:00 PM

ပြည်ထောင်စုလွှတ်တော်၌ ဖွဲ့စည်းထားသည့် ဖွဲ့စည်းပုံပြင်ဆင်ရေးကော်မတီ၏ ဦးစားပေးပြင်ဆင်ရန် စာရင်းတွင် ပြင်ဆင်ရခက်ရန် ပြဋ္ဌာန်းထားသည်ဟု နိုင်ငံတကာကပါ သုံးသပ်ထားသည့် ပုဒ်မ ၄၃၆၊ သမ္မတအရည်အချင်းသတ်မှတ်ချက်ဆိုင်ရာ ပုဒ်မ ၅၉(စ)၊ နိုင်ငံတော်၏အခြေခံမူတွင်ပါရှိသည့် နိုင်ငံရေး တွင် တပ်မတော်ပါဝင်ပတ်သက်မှု အခန်းကဏ္ဍနှင့် လွှတ်တော်များအတွင်း တပ်မတော်သားပါဝင်မှုဆိုင် ရာ ပြဋ္ဌာန်းချက်များ မပါဝင်ဟု ကော်မတီဝင်အချို့က ပြောကြားသည်။

ကော်မတီ၏ လေးကြိမ်မြောက် ပုံမှန်အစည်းအဝေးကို မတ် ၁၂ ရက်တွင် ကျင်းပခဲ့ပြီးနောက် ယင်းသို့ ဆုံးဖြတ်နိုင်ခဲ့ကြခြင်းဖြစ်သည်။ လွှတ်တော်၏ ၇၅ ရာခိုင်နှုန်းကျော် ထောက်ခံရုံဖြင့် ပြင်ဆင်၍ ရသည့် ပုဒ်မ ၄၃၆(ခ)နှင့် အကျုံးဝင်သော ပြဋ္ဌာန်းချက် ၃၃၀ ကျော်ကို ပြင်ဆင်နိုင်ရေး ဦးစားပေးသုံးသပ်ရန် ကော်မတီအတွင်း သဘောတူနိုင်ခဲ့ခြင်းလည်း ဖြစ်သည်။

ယင်းတို့ကို ဥပဒေကြမ်းတစ်ရပ်အဖြစ် ဦးစွာ တင်သွင်းဆောင်ရွက်နိုင်ပြီးမှသာ ပုဒ်မ ၄၃၆၊ ပုဒ်မ ၅၉(စ)၊ တပ်မတော်၏အခန်းကဏ္ဍ စသည့် ပြဋ္ဌာန်းချက်များနှင့် အကျုံးဝင်သော ပုဒ်မ ၄၃၆(က)ကို ပြင်ဆင်ရန် စဉ်းစားဆွေးနွေးကြမည်ဖြစ်သည်။ ယင်းနှင့်အကျုံးဝင်သည့် ပြဋ္ဌာန်းချက်တို့ကို ပြင်ဆင်လိုပါကမူ လွှတ် တော်၏ ၇၅ ရာခိုင်နှုန်းကျော်ထောက်ခံမှုအပြင် လူထုဆန္ဒခံယူပွဲ ကျင်းပအတည်ပြုရန် လိုမည်ဖြစ်သည်။

“လွှတ်တော်ထဲမှာပဲ ပြီးမယ့်ကိစ္စတွေ အရင်လုပ်ဖို့ သဘောတူလိုက်ကြတယ်။ ပုဒ်မ ၄၃၆ ကို ပြင်ဖို့ သီး ခြားစဉ်းစားဖို့ မဖြစ်နိုင်ခဲ့ဘူး။ ဘာပဲဖြစ်ဖြစ် အရွေ့တစ်ခုဖြစ်သွားရင် ကောင်းပါတယ်”ဟု ကော်မတီဝင် တစ်ဦးက မဇ္ဈိမကို ပြောသည်။ အဖွဲ့ဝင် ၃၁ ဦးဖြင့်ဖွဲ့စည်းထားသည့် အဆိုပါကော်မတီဝင်များကို တရား ၀င် ထုတ်ဖော်ပြောဆိုခွင့် ပေးမထားပေ။

ယခုကဲ့သို့ သဘောတူနိုင်ခဲ့ခြင်းကြောင့် နိုင်ငံတော်သမ္မတ ခန့်အပ်ပိုင်ခွင့်ရှိသည့် တိုင်း၊ ပြည်နယ်ဝန်ကြီး ချုပ်များ၊ ဥပဒေချုပ်၊ တရားသူကြီးချုပ်၊ စာရင်းစစ်ချုပ်၊ တရားလွှတ်တော်ချုပ်၊ ရှေ့နေချုပ်ကိုယ်ပိုင်အုပ် ချုပ်ခွင့်ရ တိုင်းဦးစီး သို့မဟုတ် ဒေသဦးစီးတို့ကို သက်ဆိုင်ရာလူထုစိတ်ကြိုက် ရွေးချယ်ခန့်အပ်နိုင်ရေး လမ်းပွင့်သွားပြီ ဖြစ်သည်။ ထို့ပြင် တိုင်းဒေသကြီး ပြည်နယ်တို့၏ အုပ်ချုပ်မှုအခွင့်အာဏာနှင့် ဥပဒေပြု ခွင့် အခွင့်အာဏာတို့ ပိုမိုရရှိနိုင်ရေး မျှော်လင့်နိုင်ပြီလည်း ဖြစ်သည်။

ပြည်ထောင်စုအဆင့်တွင်မူ မူလက နိုင်ငံတော်သမ္မတ ခန့်အပ်ပိုင်ခွင့်ရှိသည့် ပြည်ထောင်စု တရားလွှတ် တော်ချုပ်နှင့် တရားသူကြီးချုပ်ဆိုင်ရာကိစ္စများ၊ ၎င်းတို့၏ စီရင်ပိုင်ခွင့် အာဏာဆိုင်ရာကိစ္စများ၊ ဖွဲ့စည်းပုံ အခြေခံဥပဒေဆိုင်ရာကိစ္စများ၊ ခရိုင်/မြို့နယ်တရားရုံးတို့၏ စီရင်ပိုင်ခွင့်အာဏာကိစ္စများ၊ ပြည်ထောင်စု ရွေးကောက်ပွဲကော်မရှင်ဆိုင်ရာကိစ္စများ၊ နေပြည်တော်ကောင်စီ၏ အုပ်ချုပ်ရေးဆိုင်ရာကိစ္စများကိုကော် မတီက ပြင်ဆင်ရန်လိုသည်ဟု သုံးသပ်ပါက ဆောင်ရွက်နိုင်တော့မည်ဖြစ်သည်။

သို့သော် အများပြည်သူ ဆန္ဒပြ၍ တောင်းဆိုနေသည့် ပုဒ်မ ၄၃၆၊ ၅၉(စ)တို့ ပြင်ဆင်ရေးမှာမူ ခန့်မှန်း၍ မရသေးဟု ကော်မတီဝင်တစ်ဦးက သုံးသပ်ပြသည်။ ထို့ပြင် လွှတ်တော်များအတွင်း ပါဝင်နေသည့် တပ် မတော်သား ၂၅ ရာခိုင်နှုန်း၊ သမ္မတက ခန့်အပ်ခွင့်မရှိသည့် ကာကွယ်ရေးဝန်ကြီးနှင့် တပ်မတော်သား များတာဝန်ယူရန် သတ်မှတ်ထားသည့် ပြည်ထောင်စုနှင့်တိုင်း၊ ပြည်နယ်အချို့၏ ၀န်ကြီးဌာနများ၊ အခြေ ခံမူတွင် ဖော်ပြထားသည့် နိုင်ငံရေးဦးဆောင်မှုအခန်းကဏ္ဍတွင် တပ်မတော် ပါဝင်ထမ်းဆောင်ရေးတို့ သည်လည်း ဦးစားပေးပြင်ဆင်မည့် စာရင်းတွင် မပါဝင်ပေ။

လက်ရှိဖွဲ့စည်းပုံပြဋ္ဌာန်းချက်များအရ ပြင်ဆင်လိုသည့် ပြဋ္ဌာန်းချက်တစ်ရပ်ရပ်ကို ပြင်ဆင်လိုပါက ဥပဒေ ကြမ်းတစ်ရပ်အဖြစ် ပြည်ထောင်စုလွှတ်တော်သို့ တင်သွင်းရမည်ဖြစ်သည်။ ယင်းကို ကိုယ်စားလှယ်စုစု ပေါင်း၏ ၂၀ ရာခိုင်နှုန်းက ထောက်ခံပါမှ လွှတ်တော်အတွင်း လက်ခံဆွေးနွေးခွင့်ရမည်ဖြစ်သည်။ ထို့ နောက်မှသာ ပုဒ်မ ၄၃၆ (က)နှင့်(ခ)ပါ ပြဋ္ဌာန်းချက်များအတိုင်း ဆက်လက် ဆောင်ရွက်ရမည်ဖြစ်သည်။

ကော်မတီ၏လုပ်ငန်းတာဝန်များကို ၂၀၁၅ အထွေထွေရွေးကောက်ပွဲမတိုင်မီ ခြောက်လအလိုတွင် အပြီး ဆောင်ရွက်ရန် ပြည်ထောင်စုလွှတ်တော်နာယကက ညွှန်ကြားထားသည်။ ဖေဖော်ဝါရီ ၁၈ တွင် သူရဦး ရွှေမန်းလက်မှတ်ဖြင့် ထုတ်ပြန်ခဲ့သည့်စာတွင် ပုဒ်မ ၄၃၆ ပါ ဖွဲ့စည်းပုံပြင်ဆင်ရေးဆိုင်ရာအခန်းကို စော လျင်စွာ သုံးသပ်ရန်၊ တပ်မတော်ကို ဒီမိုကရေစီဘောင်အတွင်း ရောက်ရှိရန် စသဖြင့် အခြေခံရမည့်မူများ ပါဝင်သည်။

ဉာဏ်လှိုင်လင်း
Mizzima - News in Burmese