အရေပြား နာကျင်မှုကြောင့် သုံးစွဲသူများကို ငွေပြန်အမ်းခဲ့ရသည့် Fitbit Force
ပို့စ်တင်ချိန်
-
3/18/2014 02:13:00 PM
လှုပ်ရှားမှုကို ခြေရာခံနိုင်သည့် ထုတ်ကုန်များ ထုတ်လုပ်သော Fit-bit Force သည်၎င်း၏ ကျန်းမာရေးခြေရာခံထုတ်ကုန် (health trac-ker) ကိုသုံးစွဲသူများ၏ လက်ကောက်ဝတ် တစ်ဝိုက်တွင် အရေပြားနာကျင်မှု ဖြစ်ပွားသောကြောင့် သုံးစွဲသူများအား ငွေပြန်အမ်းခဲ့ရကြောင်း သိရသည်။
အဆိုပါ health tracker ကြောင့်အရေပြား နာကျင်မှုသည် သုံးစွဲသူ ၁၀,၀၀၀ ကျော်တွင် ဖြစ်ပွားခဲ့ခြင်းဖြစ်ပြီး ၎င်းတို့တွင်အရေပြား နီရဲခြင်း၊ အဖုအပိမ့်များထွက်ခြင်း၊ ယားယံခြင်း၊ အနာဖြစ်ခြင်း စသည်တို့ဖြစ်ပွားခဲ့ကြောင်း အမေရိကန်လူသုံးကုန် ဘေးအန္တရာယ်ကင်းရှင်းရေး ကော်မရှင် (CSPC) ကပြောကြားခဲ့သည်။ အထက်ပါဖြစ်ရပ်ကြောင့် CSPC က Fibit ၏တရားဝင် ထုတ်ကုန်ပြန်သိမ်းသည့် ကြေညာချက်ကို ၎င်း၏ဆိုက်ပေါ်တွင် တင်ခဲ့ပြီးယခုအခါ Force သုံးစွဲသူများအနေဖြင့် ၎င်းတို့၏ ထုတ်ကုန်များအတွက် ပြန်အမ်းငွေအပြည့် ရယူနိုင်ပြီဖြစ်သည်။
အမေရိကန်ဒေါ်လာ ၁၂၉ ကျသင့်သည့် Force သည်နာမည်ကျော် Fitbit Flex ကိုအဆင့်မြှင့်ထားသည့် ထုတ်ကုန်ဖြစ်ပြီး ပါးလွှာသည့်ရာဘာ လက်ပတ်နှင့်ပြုလုပ်ထားသည့် အဆိုပါထုတ်ကုန်က သုံးစွဲသူ၏ခြေလှမ်းများ ရေတွက်ခြင်းနှင့် အိပ်စက်မှုစောင့်ကြည့်ခြင်းတို့ကို ပြုလုပ်ပေးနိုင်သည်။ ထုတ်ကုန်၏ အောက်ဘက်တွင် stainless steel ကိုရာဘာစေးမပါသည့် မျှော့ကြိုးနှင့်အတူ အသုံးပြုထားသည်။ Fitbit ကမူအထက်ပါ အရေပြားနာကျင်မှုသည် အဆိုပါ ထုတ်ကုန်များနှင့် ဓာတ်မတည့်သူ အချို့ထံတွင် ဖြစ်ပွားခြင်းဖြစ်နိုင်ကြောင်း ပြောကြားခဲ့သည်။
CPSC ကမူ Force ထုတ်ကုန်ကြောင့် အရေပြားနာကျင်မှု အစီရင်ခံစာ ၉,၉၀၀ ရရှိခဲ့ပြီးသုံးစွဲသူ ၂၅၀ ခန့်တွင်အရည်ကြည်ဖု အနာများဖြစ်ပွားခဲ့ကြောင်း သိရသည်။
-နောင်နောင်
Ref: CNET
Internet Journal
