ဘရာဇီးမှ ကမ္ဘာ့ဖလား ဆန္ဒပြမှုများ
ပို့စ်တင်ချိန်
-
5/17/2014 07:44:00 PM
မေလ ၁၇။
ကမ္ဘာ့ဖလားကို ကျင်းပရာတွင် ကုန်ကျမှုများကို ဆန့်ကျင်သည့် အနေဖြင့် ဘရာဇီးရှိ ဆော်ပေါ်လိုနှင့် ရီယိုဒီဂျနေရီရိုမြို့များတွင် ချီတက်ဆန္ဒပြနေကြသည့်
ထောင်ပေါင်းများစွာသော ဆန္ဒပြသူများကို ဖြိုခွဲရန်အတွက် အကြမ်းဖက်မှု နှိမ်နှင်းရေး ရဲတပ်ဖွဲ့မှ မျက်ရည်ယိုဗုံးများကို သုံးစွဲခဲ့ကြသည်။
ဆန္ဒပြသူများမှ တာယာများကို မီးရှို့ခဲ့ကြပြီး လမ်းများကို ပိတ်ဆို့ခဲ့ကြသည်။ အချို့သူများမှ ခဲများဖြင့် ပစ်ခတ်ခဲ့ကြသည်။
ဘီလျံဒေါ်လာပေါင်းများစွာကို လူမှုရေး စီမံကိန်းများ၊ အိမ်ယာစီမံကိန်းများအတွင် အသုံးမပြုဘဲ လာမည့်လအတွင်း ကျင်းပမည့် ဘောလုံးပြိုင်ပွဲအတွက်
အသုံးပြုမှုအတွက် ဒေါသထွက်ရကြောင်း ဆန္ဒပြသူများမှ ပြောဆိုခဲ့သည်။
ဆန္ဒပြမှုများသည် မြို့တော် ဘရာဇီးလီးယား အပါအဝင် အခြားသော မြို့များတွင်လည်း ဖြစ်ပေါ်ခဲ့သည်။ ကျောင်းဆရာ၊ ဆရာမများ၊ ပြည်သူ့ဝန်ထမ်းများ
သည်လည်း ဆန္ဒပြမှုတွင် ပါဝင်လျက် ရှိသည်။
ရီယိုမြို့တွင်လည်း အဓိက လမ်းမကြီးပေါ်တွင် ကားများ ပြည့်ကျပ်နေသည့်ကြားမှ ရာပေါင်းများစွာသော ဆန္ဒပြသူများ ချီတက်လျက် ရှိကြသည်။ ဇူလိုင် ၁၃
ကမ္ဘာ့ဖလား နောက်ဆုံး ဗိုလ်လုပွဲကို ရီယိုမြို့တွင် ကျင်းပမည် ဖြစ်သည်။
ဘရာဇီး၏ အကြီးဆုံး မြို့ဖြစ်သော ဆော်ပေါ်လိုတွင် ဆန္ဒပြသူများမှ ရဲတပ်ဖွဲ့နှင့် တိုက်ခိုက်မှုများ ဖြစ်ပွားခဲ့ပြီး အကြမ်းဖက်မှု နှိမ်နှင်းရေး ရဲတပ်ဖွဲ့မှ
မျက်ရည်ယိုဗုံးများသုံးကာ ဖြိုခွဲခဲ့ရသည်။
ပြီးခဲ့သော နှစ်အတွင်းကလည်း ကမ္ဘာ့ဖလား ဘောလုံးပွဲကို လူအများအပြား ဆန့်ကျင်ဆန္ဒပြခဲ့ကြသည်။ ယခုနှစ် ဆန္ဒပြသော လူဦးရေမှာ ပြီးခဲ့သော
နှစ်ကထက် များစွာ လျော့နည်းလျက် ရှိသည်။
သို့ရာတွင် ကမ္ဘာ့ဖလား နီးကပ်လာသည်နှင့်အမျှ ပိုမိုကြီးမားသော ဆန္ဒပြမှုများကို ပြုလုပ်သွားမည် ဖြစ်ကြောင်း ဆန္ဒပြသူများမှ ကတိပေး ပြောဆိုခဲ့ကြသည်။
ပြီးခဲ့သောနှစ် ဇွန်လအတွင်းက ကမ္ဘာ့ဖလားပြိုင်ပွဲကို အိမ်ရှင်အဖြစ် လက်ခံကျင်းပသည့် စရိတ်စက မြင့်မားမှု၊ အကျင့်ပျက် ခြစားမှုများနှင့် ပြည်သူ့ ဝန်ဆောင်မှု
နိမ့်ကျခြင်းများအတွက် လူပေါင်း တစ်သန်းခန့် ဆန္ဒပြခဲ့ကြသည်။
ယခုနှစ်အတွင်း ကမ္ဘာ့ဖလားပြိုင်ပွဲ လက်ခံကျင်းပရမှုနှင့် သမ္မတနေရာ ရွေးကောက်ပွဲတို့ ရှိခြင်းကြောင့် အဖွဲ့အစည်းများမှ အစိုးရအား ဖိအားပေးဆောင်ရွက်ရန်
အခွင့်အလမ်း ဖြစ်ပေါ်လျက် ရှိကြောင်း ဆော်ပေါ်လိုရှိ BBC သတင်းထောင် ဂယ်ရီဒတ်ဖီမှ ပြောဆိုခဲ့သည်။
ပြီးခဲ့သော ၂၄ နာရီအတွင်းတွင် လူပေါင်း ၂၃၄ ယောက် ဖမ်းဆီးထိန်းသိမ်းခံခဲ့ရကြောင်း ဒေသတွင်း သတင်းမီဒီယာများမှ ဖော်ပြထားသည်။
Ref: BBC
The Myanma Age
