ဘရာဇီးလ် ၃ - ၁ ခရိုအေးရှား

ပို့စ်တင်ချိန် - 6/13/2014 09:53:00 AM


မိနစ် ၉၀ မှာ ဘရားဇီးက ၁ ဂိုး ထပ်မံသွင်းယူပြီး ၂၀၁၄ခုနှစ် ကမ္ဘာဖလားပွဲ ဖွင့်ပွဲမှာ ၃ဂိုး ၁ဂိုးနဲ့ အနိုင်ယူသွားပါတယ်။

မိနစ် ၇၀ မှာ ဘရားဇီးက ပယ်နယ်တီ ကန်ခွင့်ရပြီး တဂိုး ထပ်မံရသွားပါတယ်။ ဘရားဇီး အသင်းရဲ့ ဂိုး ၂ ဂိုးစလုံးကို နာမည်ကြီးနေတဲ့ နံပါတ် (၁၀) နေမာက သွင်းယူခဲ့တာဖြစ်ပါတယ်။

၂၈ မိနစ်အကြာမှာ ဘရာဇီးအသင်းက တဂိုးပြန်သွင်းလိုက်လို့ သရေဖြစ်ပါပြီ

၂၀၁၄ခုနှစ် ကမ္ဘာဖလားပွဲ စတင်ပြီး ၁၁ မိနစ် အကြာမှာ ခရိုးအေးရှား က ဘရားဇီးကို  တဂိုးသွင်းလိုက်ပြီး ဖြစ်ပါတယ်။ ဘရားဇီး 3 - ခရိုအေးရှား 1

----------------------------------------------------------------------------

ဘရာဇီးလ် ၃ - ၁ ခရိုအေးရှား

၂၀၁၄ ကမ္ဘာ့ဖလားပြိုင်ပွဲ အဖွင့်ပွဲအဖြစ် ယှဉ်ပြိုင် ကစားကြတဲ့ အိမ်ရှင် ဘရာဇီးလ်နဲ့ ဥရောပ ခရိုအေးရှား အသင်းတို့ရဲ့ ပွဲစဉ် ပြီးဆုံးသွားပြီး ဖြစ်ပါတယ်။

ဘရာဇီးလ်အသင်းက ဘရာဇီးလ်ပီပီ တစ်ဦးချင်း ခြေစွမ်းခြေစကို ပြသ တိုက်စစ်ဆင် ကစားသွားနိုင်သလို ခရိုအေးရှား အသင်းကလဲ သွက်လက်တဲ့ တန်ပြန်တိုက်စစ်တွေနဲ့ မြန်မြန်ဆန်ဆန် အပြန်အလှန် ထိုးဖောက် ကစားနိုင်ခဲ့ပါတယ်။ ပထမပိုင်း တစ်ပိုင်းလုံးက စိတ်လှုပ်ရှားစရာ အပြည့် ဖြစ်ပါတယ်။

ဒုတိယပိုင်းမှာတော့ မထင်မှတ်တဲ့ အခြေအနေမှာ ခရိုအေးရှားအသင်းက ပင်နယ်တီ ပေးလိုက်ရပြီး ပွဲရဲ့ အနေအထားက လုံးဝ ပြောင်းလဲသွားပါတယ်။ ဘရာဇီးလ်ဖက်က ဟန်ဆောင်လှဲချတယ်လို့ ယူဆလို့ ရတဲ့ အနေအထားမှာ ပင်နယ်တီ ပေးခံရတဲ့အတွက် ခရိုအေးရှားတွေ စိတ်ဓာတ်ပျက်ပြားသွားပုံ ရပါတယ်။ ၂ ဂိုး ၁ ဂိုး အနေအထားမှာ ပွဲက အေးစက်စက် ဖြစ်နေခဲ့ပါတယ်။

ဒါပေမယ့် ဒုတိယပိုင်း မိနစ် ၉၀ (နေမာလူစားလဲ ထွက်သွားပြီး) မှာ နံပါတ် ၁၁ အော်စကာက ၂၂ ကိုက် အကွာကနေ ကန်သွင်းယူပြီး တတိယဂိုး သွင်းယူကာ ဘရာဇီးလ်တွေဟာ အနိုင်နဲ့ ထိုက်တန်ကြောင်းကို ပြသခဲ့ပါတယ်။

BBC Burmese