သမုဒ္ဒရာထဲတွင် ငါးမန်းများနှင့်အတူ ကခုန်ခဲ့သည့် အမျိုးသမီး

ပို့စ်တင်ချိန် - 6/12/2014 07:04:00 AM



ခန္ဓာကိုယ်ပေါ်တွင် အစင်းကျားများ ဆေးခြယ်ထားသည့် ဟန်နာဖရေဆာ အနေဖြင့် ရေကူးဝတ်စုံမှလွဲ၍ အခြား မည်သည့် အကာအကွယ် ကိရိယာ တန်ဆာပလာကိုမျှ ဝတ်ဆင်မထားချေ။ ရေအောက်တွင် သူမ ကခုန်နေချိန်၌ အရှည် (၁၆)ပေမျှ ရှိနေသည့် ငါးမန်းကြီးများ အနီးအနား၌ လှည့်ပတ်ကူးခတ်လျှက် ရှိသည်။

အသက်(၃၈)နှစ်ရှိ မော်ဒယ်လ်သည် အတ္တလန္တိတ် သမုဒ္ဒရာအတွင်း ရေအနက် ပေ(၅၀)မျှထိ ငုပ်လျှိုးကာ သဘာဝအတိုင်း ကျက်စားသွားလာနေသည့် ဧရာမ ကျားငါးမန်းကြီးများကြားတွင် မြူးကြွ ကခုန်နေဟန် ဓာတ်ပုံအရိုက်ခံခဲ့ခြင်း ဖြစ်သည်။



ကျားငါးမန်းများသည် ငါးမန်းဖြူများပြီးလျှင် ကမ္ဘာပေါ်တွင် လူသားများကို အန္တရာယ် အပေးနိုင်ဆုံး ငါးမန်းမျိုးစိတ် တစ်ခုအဖြစ်လည်း သတ်မှတ်ခံထားရသည်။

ယခုဓာတ်ပုံရိုက်ကွင်းသည် ငါးမန်းများ၏ မျိုးသုဉ်းလုနီးပါး ခြိမ်းခြောက်ခံနေရသည့် အခြေအနေများကို အဓိက ရည်ရွယ်တင်ပြမည့် Tears of a Mermaid အမည်ရှိ မှတ်တမ်းဗီဒီယို ရိုက်ကူးမှု အစီအစဉ်၏ အစိတ်အပိုင်း တစ်ရပ်လည်း ဖြစ်သည်။

ကမ္ဘာပေါ်တွင် လူသားများ၏ ငါးဖမ်းခြင်းနှင့် ဆူးတောင်ဖြတ်တောက်ယူခြင်းတို့ကြောင့် ကျားငါးမန်း အရေအတွက် လျင်မြန်စွာ ယုတ်လျော့ ကျဆင်းလာခြင်းကို မီးမောင်းထိုးပြရန်နှင့် ကျားငါးမန်းများ၏ စစ်မှန်သော ပင်ကိုဗီဇ ဓလေ့စရိုက်များကို ထင်ဟပ်ပြသရန်အတွက် Tears of a Mermaidကို ဖန်တီးခဲ့ခြင်း ဖြစ်သည်။

ဘဟားမားစ်တွင် (၅)ရက်ကြာ ရိုက်ကူးရသည့် အဆိုပါ အစီအစဉ် မစတင်မီ ဟန်နာအနေဖြင့် ဗြိတိန်ရှိ သူမ၏ မိသားစုကိုပင် ကြိုတင်နှုတ်ဆက်စကား ပြောကြားထားခဲ့သည်။ ကျားငါးမန်းကြီးများကြား အကာအကွယ် တစ်စုံတစ်ရာ မပါဘဲ ကိုယ်ဟန်ပြ ကခုန်ရမည့် အစီအစဉ်သည် အလွန်အန္တရာယ်များကြောင်း နားလည်ထားသည့်တိုင် ဟန်နာက စွန့်စားကြည့်ရန် ရွေးချယ်ခဲ့သည်။



ဓာတ်ပုံများကို Emmyဆုရှင် ဓာတ်ပုံဆရာ ရှောင်ဟင်းရစ်ခ်ျက ရိုက်ကူးခဲ့ပြီး ရိုက်ကွင်းအဖွဲ့သား အများစုကမူ လှေပေါ်တွင်သာ ကျန်နေရစ်ခဲ့သည်။ (၅)ရက်ကြာ စိတ်ကြိုက်ရိုက်ကူးပြီးမှ မှတ်တမ်းဗီဒီယိုအတွက် စိတ်ကြိုက်တည်းဖြတ်နိုင်မည့် အခြေအနေမျိုး ရရှိလာခြင်းဟု သိရသည်။

“ဒီအစီအစဉ်ရဲ့ ဓာတ်ပုံရိုက်ချက်တိုင်း၊ ဗီဒီယို ပြကွက်တိုင်းဟာ တကယ့်ကို ဆန်းကျယ်လွန်းတဲ့ ပုံရိပ်တွေပါပဲ။ ပင်လယ်သမုဒ္ဒရာ သဘာဝ ပတ်ဝန်းကျင် ထိန်းသိမ်းရေးဆိုင်ရာ လှုံ့ဆော်မှု တစ်ခုအတွက် ရှောင်နဲ့အတူ စွန့်စားကြည့်ဖို့ ကျွန်မ ဆုံးဖြတ်ခဲ့တယ်လေ”ဟု ဟန်နာက ရှင်းပြခဲ့သည်။ သူမသည် (၂)မိနစ်ဆက်တိုက် အသက်အောင့်ထားနိုင်ပြီး ထိုအတောအတွင်း ရေအောက်သို့ ငုပ်လျှိုးကာ ဓာတ်ပုံအရိုက်ခံခဲ့ခြင်း ဖြစ်သည်။

ရိုက်ကူးရေး အစီအစဉ်တွင် ကျားငါးမန်းကြီး တစ်ကောင်၏ ဦးခေါင်းကို လက်ဖြင့် ထိခိုက်ပြခဲ့သလို ငါးမန်းများ၏ အမြီးနှင့် ဆူးတောင်များကို ထိတွေ့ ဆော့ကစားပြခဲ့သည့်တိုင် စိတ်ထဲတွင် ကြောက်ရွံ့နေမိကြောင်းလည်း သူမက ဝန်ခံသည်။

“စိတ်ထဲမှာ အရမ်းပဲ တုန်လှုပ်နေမိတယ်။ အထူးသဖြင့် ပထမဆုံးအကြိမ် ရေငုပ်လိုက်ပြီး ကျားငါးမန်းတွေကို မြင်လိုက်ရတုန်းကပေါ့။ အရေးအကြီးဆုံးက သူတို့ရဲ့ စိတ်အခြေအနေ ဘယ်လိုဘယ်ပုံဆိုတာ နားလည်ထားဖို့ပါ။ ကျားငါးမန်းတွေဟာ တစ်ခါတစ်လေ သူတို့ရဲ့ သွားတွေနဲ့ ပါးစပ်ကို တစ်ခုခု စူးစမ်းကြည့်ဖို့ အသုံးချတတ်တယ်။ အဲဒီလို ကြုံလာရင် ဘယ်လို ရှောင်တိမ်းတတ်ရမယ် ဆိုတာကို နားလည်ရပါမယ်။ ကျွန်မတို့က ရေအောက်မှာ တောက်တောက်ပပ အရောင်မျိုး မဝတ်ဖို့ ဆုံးဖြတ်ခဲ့ပါတယ်။ အရောင်တောက်တောက် အဝတ်အစားတွေကို ငါးမန်းတွေ မျက်စိကျသွားနိုင်တယ်”ဟု ဟန်နာက ရှင်းပြခဲ့သည်။

သူမက “ငါးမန်းတွေကို အန္တရာယ်ကင်းတဲ့ အခြေအနေကနေ ဘယ်လိုဘယ်ပုံ ထိကိုင်လို့ ရမလဲ ဆိုတာကို ကျွန်မ ကြိုတင် သင်ယူထားတယ်။ မှန်ကန်တဲ့ နည်းလမ်းက ချဉ်းကပ်ကြည့်ရင် သူတို့ကို သက်တောင့်သက်သာ ထိတွေ့လို့ ရပါတယ်။ ဒီခံစားချက်ကတော့ တကယ့်ကို အံ့ဩစရာပါပဲ။ နှာခေါင်းနားကို လက်နဲ့ပွတ်သပ်ပေးရင် သူတို့အရမ်း ကြိုက်တယ်ဆိုတာ ကျွန်မ သိလာရတယ်”ဟုလည်း ပြောကြားခဲ့သည်။

ဓာတ်ပုံဆရာ ရှောင်ကမူ “ဒီဓာတ်ပုံ ရိုက်ချက်တွေက အရမ်းထူးခြားပါတယ်။ ဟန်နာက ရေငုပ်ကိရိယာ တစ်ခုတစ်လေမှ သုံးမထားဘူး။ ရေကူးဝတ်စုံနဲ့ ခန္ဓာကိုယ်မှာ ဆေးခြယ်မှုပဲ လုပ်ထားတယ်။ အနုပညာ အမြင်အရ အပြည့်စုံဆုံး ဖန်တီးမှု ဖြစ်လာဖို့ပါ။ သူ့အတွက် ရေငုပ်မျက်နှာဖုံး၊ အကာအကွယ် ပစ္စည်းတွေ တစ်ခုမှ မပါဘူး။ ဒါပေမဲ့ ဟန်နာဟာ သူကြိုတင် လေ့ကျင့်ထားတဲ့ စွမ်းဆောင်ရည်တွေ၊ အတွေ့အကြုံတွေကို ကောင်းကောင်း အသုံးချနိုင်ခဲ့ပါတယ်။ ရိုက်ချက်တိုင်း အပြစ်အနာအဆာ မရှိအောင် စွမ်းဆောင်ပေးခဲ့ပါတယ်”ဟု ချီးကျူးစကား ပြောဆိုခဲ့သည်။

ဟန်နာက “လူတွေက ကျွန်မကို ဒီကိစ္စမျိုး ဘာကြောင့် ရွေးချယ်ရတာလဲ၊ အသက်အန္တရာယ် ရှိလောက်အောင် စွန့်စားရတာလဲလို့ မေးခဲ့တယ်။ အထူးသဖြင့် သားစား ငါးမန်းတွေကြားမှာ ကိုယ်ဟန်ပြဖို့ ဆုံးဖြတ်ခဲ့တာကို သူတို့ နားမလည်ကြဘူး။ ကျွန်မအနေနဲ့ကတော့ ဘယ်လို တိရစ္ဆာန်မဆို ကျွန်မတို့ရဲ့ ဂေဟစနစ်ကြီး မျှတတည်မြဲနေဖို့အတွက် အရေးပါကြတာချည်းပဲလို့ ခံယူပါတယ်။ ငါးမန်းတွေဟာလည်း သမုဒ္ဒရာရဲ့ ဂေဟစနစ်အတွက် အရေးပါတဲ့ သက်ရှိတွေပါ။ လူတွေအနေနဲ့ ပင်လယ်သတ္တဝါတွေရဲ့ သဘောသဘာဝကို ပိုပြီး ထဲထဲဝင်ဝင် သိလာစေချင်တယ်။ အထူးသဖြင့် ငါးမန်းတွေကို လူတွေ တွေးတောပုံဖော်တဲ့ အမြင်နဲ့ ပတ်သက်ပြီး ကျွန်မက ပိုပြီးတော့ မှန်မှန်ကန်ကန် ရှိစေချင်တယ်လေ။ ငါးမန်းတွေဟာ ဉာဏ်ရည်မြင့်မားတဲ့ သက်ရှိတွေပါ။ အကာအကွယ်ပေးဖို့ ထိုက်တန်ပါတယ်။ ဒါပေမဲ့ ကမ္ဘာပေါ်မှာတော့ တစ်နှစ်ကို ငါးမန်းကောင်ရေ သန်း(၁၀၀)လောက် သတ်ဖြတ်ခံနေရတယ်။ ငါးမန်းကိုက်လို့ သေတဲ့လူက တစ်နှစ်ကို (၁၅)ယောက်လောက်ပဲ ရှိတယ်။ ဒီတော့ တကယ်တမ်း ရက်စက်တဲ့ ဖျက်ဆီးရေးသမားတွေက ဘယ်သူတွေလဲ။ ငါးမန်းလား၊ လူတွေလား”ဟု မေးခွန်းထုတ်ခဲ့သည်။

ကျားငါးမန်းများသည် အရှည်(၁၆)ပေမျှထိ ကြီးထွားတတ်ပြီး သမပိုင်းနှင့် အပူပိုင်းဇုန် သမုဒ္ဒရာများတွင် နေထိုင်ကျက်စားလေ့ ရှိသည်။ ယင်းတို့သည် သမုဒ္ဒရာများ၏ အထင်ကရ ညမုဆိုးများအဖြစ် သတ်မှတ်ခံရပြီး ညပိုင်းအချိန်များတွင် အဓိက အမဲလိုက်လေ့ရှိကာ ငါးများ၊ ဖျံများ၊ ပင်လယ်ငှက်များနှင့် လိပ်များကို ဖမ်းယူစားသောက်လေ့ရှိသည်။

Ref; Dailymail

7day