ဆေးတံတောင်းတာမရလို့ဆိုပြီး လူသတ်မှုဖြစ်ပွား

ပို့စ်တင်ချိန် - 6/12/2014 07:46:00 AM


ရေတာရှည်၊ ဇွန် ၁၁

ပဲခူးတိုင်းဒေသကြီး၊ အုတ်တွင်းမြို့နယ်၊ ပေါက်တောကျေးရွာအုပ်စု၊ ဘုတလက်ကျေးရွာတွင် မေလ(၃၁)ရက်နေ့၊ နံနက်(၈)နာရီ အချိန်ခန့်က ဆေးတံတောင်းတာ မပေးသည့်ကိစ္စဖြင့် စကားများကာ သားမက်ဖြစ်သူမှ ဓါးဖြင့်ခုတ်၍ ယောက်ခမတော်သူ သေဆုံးပြီး ဇနီးတွင်လည်း ပေါက်ပြဲဒဏ်ရာများရရှိခဲ့ကြောင်း သိရှိရသည်။ ဖြစ်စဉ်မှာ အုတ်တွင်းမြို့နယ်၊ ပေါက်တောကျေးရွာအုပ်စု၊ ဘုတလက်ကျေးရွာနေ ဦးကြာရွှေ၏ နေအိမ်တွင် စောငွေထူး(၂၇)နှစ်က ထမင်းစားရန်အတွက် ထမင်းခူးခိုင်းပြီး ယောက်ခမတော်စပ်သူ ဦးကြာရွှေထံမှ ဆေးတံသောက်ရန် တောင်းခဲ့ကြောင်း၊ ဦးကြာရွှေမှ မပေးနိုင်ကြောင်း ပြောရာမှ စကားများပြီးနောက် စောငွေထူးက ဦးကြာရွှေနှင့် ဇနီးဖြစ်သူ မငြိမ်းငြိမ်းဝါးကို ဓါးဖြင့်ခုတ်ခဲ့ရာ ဦးကြာရွှေ၏ လည်ပင်းနှင့် ဝဲဘက်မျက်နှာခြမ်းတွင် ပြတ်ရှဓါးဒဏ်ရာများ ရရှိကာ သေဆုံးသွားခဲ့ပြီး၊ ဇနီးဖြစ်သူ မငြိမ်းငြိမ်းဝါး၏ နဖူးတွင် ပြတ်ရှဓါးဒဏ်ရာ (၁)ချက် ရရှိခဲ့သည်။ အုတ်တွင်းမြို့မ ရဲစခန်းမှ (ပ)၁၄၈/၂၀၁၄ ပြစ်မှုဆိုင်ရာ ဥပဒေပုဒ်မ ၃၀၂/၃၂၆ဖြင့် အမှုဖွင့်အရေးယူ ဆောင်ရွက်ထားရှိကြောင်း သိရှိရသည်။

MOI Webportal Myanmar