ဖုန်းနှင့် အင်တာနက်လိုင်းမကောင်းခြင်း ကိစ္စ အဖွဲ့အစည်းနှစ်ခု တွေ့ဆုံဆွေးနွေး

ပို့စ်တင်ချိန် - 5/06/2014 09:49:00 PM

Written by အောင်ကိုဦး

မန္တလေး၊ မဇ္ဈိမ။ ။ မန္တလေးတိုင်းအတွင်း တယ်လီဖုန်းလိုင်းများ ဆက်သွယ်မှုမကောင်းခြင်းနှင့်အင်တာနက်လိုင်းများ အသုံး ပြုရာတွင် သုံးစွဲသူပြည်သူများ အခက်အခဲများဖြစ်ပေါ်နေမှုနှင့်ပတ်သက်၍ ဒီမိုကရေစီအရေး စဉ်ဆက်မ ပြတ်လှုပ်ရှားမှုအင်အားစု (Movement for Democracy Currentb Forces)က မန္တလေးတိုင်းမြန်မာ့ဆက် သွယ်ရေးလုပ်ငန်း တိုင်းအထွေထွေမန်နေဂျာနှင့် မေ ၅ ရက် နံနက် ၁၁ နာရီတွင် သွားရောက် တွေ့ဆုံ ဆွေးနွေးသည်။


“ကျွန်တော်တို့က ပြည်သူတွေငွေပေး ပြီးခံစားနေရတဲ့ ဝေဒနာကို မကြည့်ရက်လို့ တွေ့ဆုံဖို့စီစဉ်ရတာပါ။ ဆက်သွယ်ရေးရဲ့ အခက်အခဲတွေကိုလည်း သိချင်တယ်။ငွေယူပြီးဘာကြောင့် ကောင်းအောင် လုပ်မပေး နိုင်တာလည်း သိချင်တယ်။ ဆယ်စု နှစ်သုံးစုလောက် ပြည်သူတွေရဲ့ ငွေကိုယူ ခဲ့ကြတယ်။ ပြည်သူကို တန်ရာတန်ကြေး ပေးဖို့ကျတော့ မစဉ်းစားဘူး။ ဖုန်းတွေက တော့ လူမြင်ကောင်းအောင် ပေါနေတယ်။လိုင်းကဘယ်လိုမှသုံးစားလို့ မရဘူး။ ဒါ တွေကို တာဝန်ယူဖြေရှင်းပေးဖို့က ဆက်သွယ်ရေးမှာ တာဝန် ရှိတယ်။ ဒါကို အဓိက ထားမေးသွားမယ်”ဟု အဆိုပါ အဖွဲ့၏ အထက်မြန်မာပြည်တာဝန်ခံကိုသိန်း အောင်မြင့်က မဇ္ဈိမကို ပြောသည်။

“ကျွန်တော်တို့က အခုလိုလာတွေ့ပြီး ဆွေးနွေးတာ ကြိုဆိုတယ်။ လက်သင့်ခံတယ်။ ကျွန်တော်တို့ဘက်မှာ လည်း အ ခက်အခဲတွေ ရှိပါတယ်။ ပြည်သူတွေခံစားနေရတာကိုလည်း သိပါတယ်။ ပြည်သူတွေ ခံစားနေ ရသလို ကျွန်တော်တို့လည်း ခံစား နေရတာပါပဲ။ အကောင်းဆုံးဖြစ်အောင်တော့လုပ်ဆောင်နေပါတယ်။ ကျွန်တော်တို့ ဆက်သွယ်ရေး ဝန်ထမ်းတွေနဲ့ပြည်သူ တစ်သားတည်းကျအောင်လည်း ဆောင်ရွက်နေ ပါတယ်။ ခေါက်ရိုးကျိုးနေတဲ့ စနစ်ကိုလည်း ဖျက်နေပါတယ်”ဟု တိုင်းအထွေထွေမန်နေဂျာဦးစောထူးသာက ပြောသည်။

မိုဘိုင်းဖုန်းလိုင်းများ ကောင်းမွန်စွာ ပြည်သူများ အသုံးပြုနိုင်ရန် တာဝါတိုင် ၁၂ဝထောင်ရန် လုပ်ဆောင်နေ ကြောင်း၊ မန္တလေးမြို့တွင် ၅၅တိုင်ပါဝင်နေသောကြောင့် မကြာခင် လိုင်းအသုံးပြုမှုကောင်း မွန်လာမည်ဖြစ် ကြောင်း၊ လိုင်းများ တိုးချဲ့ တပ်ဆင်အသုံးပြုခွင့်များပေးနေသာကြောင့် လိုင်းကျပ်သည့် ပြဿနာမှာဆက်လက် ဖြစ်ပေါ်နေမည်ဖြစ်ကြောင်း ၎င်းက ရှင်းလင်းပြောကြားသည်။

“ကျွန်တော်တို့ တာဝါတွေ ထောင်တဲ့ နေရာမှာလည်း အခက်အခဲအမျိုးမျိုး ရှိတယ်။ အဓိက မြေပြဿနာပဲ။ ဒါကြောင့် မြို့ပေါ်ဆို အထပ်မြင့်အဆောက်အအုံ တွေပေါ်တက်ထောင်နေရတယ်။ ဖုန်းပေးတာတွေ ခဏရပ်ထားလျှင်တော့ လိုင်းအသုံးပြုရတာ ကောင်းလာမှာပါ။ အခု ဘယ်လိုဖြစ်နေလဲဆိုတော့ ဖုန်းတွေကို နင်းချပေးလိုက်တယ်။ ပြီးမှပြောလို့ရ အောင်လိုက်တိုင်ထောင်သလိုဖြစ်နေတော့ ဘယ်လိုမှ အဆင်မပြေဘူး။ ဒါကြောင့် နားလည်ပေးစေချင်တယ်။ အရင်ကိစ္စနဲ့တော့ ဘာမှမဆိုင်ဘူး။ အခုပြောရဆိုရတာ ကောင်းနေပြီး တချို့ကျေးရွာတွေဆို အခုချိန်ထိ ဖုန်းမသုံးနိုင်ကြသေးဘူး။ ဒါတွေ လည်းရအောင် လုပ်ပေး နေရတယ်။အခု ချိန်မှာချက်ချင်းကြီးလိုင်းတွေ ကောင်း အောင်လုပ်ဖို့ကြတော့ အခြေအနေအချိန် အခါအရ ခက်နေသေးတယ်။ ဆက်သွယ်ရေးနဲ့ ပတ်သက်လို့ရှိရင် အချိန်မရွေးလာ ရောက်ပြောဆိုဆွေးနွေးမှုတွေ လုပ်နိုင်ပါ တယ်။ဆန်္ဒပြတောင်းဆိုတာ ထက်စာရင် အခုလိုတွေ့ဆုံဆွေးနွေးမှုက ပိုကောင်း ပါတယ်””ဟု ဆွေးနွေးပွဲတွင် ၎င်းက ပြောသည်။

မန္တလေးတိုင်းအတွင်းတွင် အိတ်ချိန်း ရုံး ၅၄ ရုံရှိရာတွင်လည်းဝန်ထမ်းအင်အား မလုံလောက်ကြောင်း သိရသည်။

ယခုလိုတွေ့ဆုံခွင့်ရခြင်းမှာ ပထမအ ကြိမ်ဖြစ်ကြောင်း၊ တွေ့ဆုံဆွေးနွေးရာတွင် ပြည်သူလူထုအတွက် ကျေနပ်လောက် သည့်အဖြေမရသော်လည်း ပွင့်လင်းမြင် သာမှုရှိရန် မျှော်လင့်၍ရကြောင်း ကိုသိန်း အောင်မြင့်က ပြောသည်။

အခုလို တွေ့ဆုံဆွေးနွေးခွင့်များ မကြာခဏပြုလုပ်လာလျှင် ပြည်သူနှင့် ဝန်ထမ်းများ ပိုမိုရင်းနှီးလာမည်ဖြစ်သည်။

Mizzima Burmese