ကားသွင်းခွင့်ကနေ အခွန် ကျပ် ဘီလီယံ ၈၀၀ ကျော် ရရှိ
ပို့စ်တင်ချိန်
-
5/06/2014 05:06:00 PM
အစိုးရသစ်လက်ထက် ကားတင်သွင်းခွင့် ပေါ်လစီ ဖြေလျော့ပေးခဲ့ပြီးနောက် အကောက်ခွန် ဦးစီးဌာနဟာ စုစုပေါင်း အခွန် ကျပ်ငွေ ဘီလီယံ ၈၀၀ ကျော်ရခဲ့တယ်လို့ သတင်း ထုတ်ပြန်ပါတယ်။
၂ နှစ်ခွဲအတွင်း တင်သွင်းခွင့်ပြုခဲ့တဲ့ ကားအစီးရေ ၂ သိန်း ၈ သောင်းကျော် ရှိတဲ့အတွက် ကားတစီးကို ပျမ်းမျှ အခွန် သိန်း ၃၀ ၀န်းကျင် ကောက်ခံခဲ့တဲ့ သဘော ဖြစ်ပါတယ်။ ဒီအထဲမှာ မော်တော်ယာဉ် မှတ်ပုံတင်ခ မပါသေးတဲ့အတွက် မော်တော်ယာဉ် မှတ်ပုံတင်ခပါ ပေါင်းရင် ကား ၁ စီးကို ကျပ်ငွေ သိန်း ၅၀ ကနေ ၆၀ အထက် အခွန်ယူခဲ့တဲ့ သဘော ဖြစ်ပါတယ်။
ဒီအတွက် အိမ်နီးချင်းနိုင်ငံတွေနဲ့ နှိုင်းယှဉ်ရင် မြန်မာနိုင်ငံမှာ ကားဈေးတွေဟာ ၂ ဆ ကနေ ၅ ဆ အထက် မြင့်တက်နေပြီး လူ ၁ ထောင်မှာ ကားပိုင်ဆိုင်မှု ၈ စီးနှုန်းလောက်ပဲ ရှိ ပါသေးတယ်။
DVB Burmese
