ကွန်ပျူတာရှေ့ အထိုင်များသော ယောက်ျားလေးများ အရိုးပျော့လာနိုင်
ပို့စ်တင်ချိန်
-
5/06/2014 09:22:00 AM
.jpg)
No. 115
ကွန်ပျူတာ သို့မဟုတ် တယ်လီဗေးရှင်းကို အကြည့်များတဲ့ အမျိုးသားငယ်တွေဟာ အရိုးပျော့ခြင်းကို ကြုံတွေ့လာရနိုင်ပြီး အရိုးပွခြင်း၊ အရိုးကျိုးခြင်းတွေကိုပါ ရင်ဆိုင်ရနိုင်တယ်လို့ နော်ဝေနိုင်ငံကပြုလုပ်တဲ့ သုတေသနတစ်ခုက ဖော်ထုတ်နိုင်ခဲ့ပါတယ်။
အရိုးတည်ဆောက်ပုံဟာ မွေးကင်းစကနေ ဆယ်ကျော်သက် နှောင်းပိုင်းအရွယ်အထိ ကြီးထွားဖွံဖြိုး နေတာဖြစ်ပြီး ဆယ်ကျော်သက် အချိန်ဟာ အရိုးကြီးထွားဖွံဖြိုးမှုနှုန်းအမြင့်မားဆုံးဖြစ်ပါတယ်။ ““ဒီအချိန် မှာ လှုပ်လှုပ်ရှားရှားမရှိဘဲ တီဗွီ၊ ကွန်ပျူတာနဲ့ဂိမ်းတွေမှာပဲ အချိန်ကုန်မယ်ဆိုရင် အ၀လွန်ခြင်းကိုသာမက အရိုးကျန်းမာရေးကိုပါ ထိခိုက်နိုင်ပါတယ်””လို့ နော်ဝေတက္ကသိုလ်မှ သုတေသီAnne Wintheru ပြောကြားထားပါတယ်။
လေ့လာမှုမှာ တွေ့ရှိရတာကတော့ ကွန်ပျူတာအသုံးများတဲ့ ဆယ်ကျော်သက်တွေဟာ အရိုးရဲ့ဓာတ်သတ္တုသိပ်သည်းဆ (Bone Mineral Density,BMD) ကျဆင်းလာတာပဲ ဖြစ်ပါတယ်။ ဒါဟာ အသက် ၁၅နှစ် ကနေ ၁၈နှစ်အတွင်းရှိတဲ့ ယောက်ျားလေးငယ် ၄၈၄ဦးကို သုတေသန ပြုပြီးမှ ရရှိလာခဲ့တာဖြစ်ပါတယ်။ လေ့လာမှုမှာ ဆယ်ကျော်သက် အမျိုးသားငယ်တွေရဲ့ လိင်ပိုင်းဆိုင်ရာအင်္ဂါဖွံဖြိုးမှု၊ ကိုယ်အလေးချိန် အညွှန်းကိန်း၊ အားလပ်ချိန်မှာ ကိုယ်လက်လှုပ်ရှားမှုအခြေအနေ၊ ဆေးလိပ်၊ ယမကာမှီဝဲမှု ရှိ မရှိစတဲ့ အချက်တွေကိုပါ ထည့်သွင်း စဉ်းစားခဲ့ပါတယ်။ ဒါ့အပြင် ကွန်ပျူတာ၊ တီဗွီတွေရှေ့မှာပဲ အချိန်ကုန်များတဲ့ ယောက်ျားလေးငယ်တွေဟာ အရိုးတွင်းဓာတ်သတ္တုသိပ်သည်းဆ နည်းပေမယ့် ကိုယ်အလေးချိန် အညွှန်းကိန်းကတော့ ၂ဆမြင့် တက်နေပါတယ်။
အပြည်ပြည်ဆိုင်ရာ အရိုးပွရောဂါဖောင်ဒေးရှင်းရဲ့ ထုတ်ပြန်ချက်အရ အသက်၅၀နဲ့အထက် အမျိုးသား ၅ယောက်မှာ ၁ယောက်ဟာ အရိုးပွခြင်းကြောင့် အရိုးကျိုးခြင်းကို ခံစားနေရတယ်လို့ သိရှိရပါတယ်။
ငြိမ်းအေး
ref;IANS
Health Updates Journal
