အသုံးဝင်တဲ့လူ ဖြစ်အောင်နေပါ

ပို့စ်တင်ချိန် - 3/06/2014 10:25:00 AM



လူငယ်ဘ၀မှာကတည်းက လူကြီးမိဘတွေ အပေါ် တောင်ဝှေးတစ်ချောင်းလို အဖော်မပြုပေးဘဲ လက်ဆွဲအိတ်လို လူကြီးမိဘကဘယ်သွားသွား
ဆွဲထားရတဲ့ သူများဟာ လူကြီးဖြစ်လာတဲ့အခါ လူ့ လွယ်အိတ်တွေဖြစ်သွားကြတာ များပါတယ်။ လူ့ လွယ်အိတ်ဆိုတာ သက်မဲ့လွယ်အိတ်အစစ်လောက်တောင်
အသုံးမ၀င်ဘူးဆိုတာ နားလည်းမှာပါ။

ကိုယ့်ခွန်ကိုယ့်အားနဲ့ ရတဲ့ ဥစ္စာမဟုတ်ရင်တော့ ငါ့ဥစ္စာလို့  ပြောရတာ ရှက်စရာကောင်းပါတယ်။ ဒီ့ထက်ဆိုးတာက ဘယ်သူ့ ကိုမှ
အကျိုးမပြုဘဲ အခွင့်အရေးကျ မျှော်ကိုးကြတဲ့ သူတွေပါပဲ။ ဓနအင်အားဆင်းရဲနေသော်လည်း ကိုယ့်လူမျိုးအတွက် အသုံးဝင်ကြတဲ့
သူတွေ အများကြီးရှိတာကိုသိရတဲ့အခါ လူ့ လွယ်အိတ်တွေအတွက် ၀မ်းနည်းမိတာ အမှန်ပါ။

သက်မဲ့လွယ်အိတ်က ပစ္စည်းတွေ ထည့်လို့ ရတယ်၊ သုံးစားလို့ ရတယ်၊ အကျိုးပြုတယ်။ လူ့ လွယ်အိတ်တွေကျတော့ ဘယ်နေရာမှာမှ
အသုံးမ၀င်တာကို တွေ့ နေရတယ်။ ဘာလို့ လည်းဆိုတော့ တက်ညီလက်ညီနဲ့ ချီတက်နေသူတွေကို အနောက်ကနေ ဖိနပ်လိုက်တက်
နင်းနေလို့ ပါပဲ။ တန်ဖိုးကို သိအောင်ကြိုးစားဖို့ အခွင့်အရေးရှိပါလျက် တန်ဖိုးမသိခဲ့လို့ တန်ဖိုးမရှိလိုက်တာဟာ လူဖြစ်ရှုံးပါတယ်။

လူငယ်ဘ၀မှာ သိသင့်တာကို မသိဘဲ မသိသင့်တာတွေကို သိလိုက်ခြင်း၊ သင်ယူတတ်မြောက်လိုက်ခြင်းဟာ အရှုံးစိတ်ဓာတ်ကို မွေးမြူ
လိုက်ခြင်းပါပဲ။ အရှုံးစိတ်နဲ့ ရှင်သန်နေမှာတော့ စကားပြောလည်း
အရှုံးစကားက စပြောတယ်၊ အလုပ်လုပ်လည်း အရှုံးဖြစ်မယ့်အလုပ်
ကို စလုပ်တော့တာပါပဲ။

ဒါတွေဟာ လူငယ်ဘ၀ စိတ်ကျန်းမာရေး တိုးတက်အောင် ကြိုးစားရမယ့်
အရွယ်မှာ မကြိုးစားခဲ့လို့  အခြားဆန့် ကျင်ဘက် စိတ်ကျ
ရောဂါတွေ ကိုယ့်ဆီပြေးဝင်လာတာကြောင့်ပဲ ဖြစ်ပါတယ်။ တစ်ယောက် စိတ်ချို့ ယွင်းလိုက်တာဟာ အသိုင်းအ၀ိုင်းတစ်ခု၊ မိသားတစ်
စု ပျက်စီးဖို့  အကြောင်းဖန်လာတာပါပဲ။ လူငယ်ထု စိတ်ဖွံ့ ဖြိုးမှုအားနည်းလိုက်တာဟာ ခေတ်တစ်ခတ်ကျရှုံးဖို့ 
အကြောင်းဖန်လိုက်တာဘဲ ဖြစ်ပါတယ်။ အဓိကမှာချင်တာလေးပါ၊
လူဖြစ်နေပါလျက် "လူ့ လွယ်အိတ်လို အသုံးမ၀င်တာမျိုးတော့ မဖြစ်ပါစေနဲ့ " ဆိုတာလေးပါ။

True Man
ပုဂံအွန်လိုင်းမီဒီယာ