ပြည်တွင်းဖြစ်ပဲ သောက်ကြပါ

ပို့စ်တင်ချိန် - 6/03/2014 05:12:00 PM


စည်သူအောင်မြင့်

ဇွန်လ ၂ ရက်ထုတ် အစိုးရပိုင် မြန်မာ့အလင်းသတင်းစာ စာမျက်နှာ-၄ မှာ ထူးခြားတဲ့ ကြော်ငြာလိုလို၊ သတိပေးချက်လိုလို ကြေညာချက်တစ်ခု စာလုံးကြီးတွေနဲ့ ဖော်ပြထားတာ တွေ့ရပါတယ်။ ဖတ်ကြည့်ကြရအောင်။ ခေါင်းစဉ်က “တရားမ၀င် အရက်၊ ဘီယာ၊ ၀ိုင်နှင့် စီးကရက်များ ရောင်းဝယ် ဖောက်ကားမှုအပေါ် သတိပြုရန်”လို့ တပ်ထားပါတယ်။ အောက်မှာဆက်ပြီး ဖော်ပြထားတာက “ယခုအခါ တရားမ၀င် အရက်၊ ဘီယာ၊ ၀ိုင်နှင့်၊ စီးကရက် အမြောက်အမြား ပြည်ပမှ ပြည်တွင်းသို့ နည်းအမျိုးမျိုးဖြင့် ၀င်ရောက်လျက်ရှိပါသည်။

“ယင်းပစ္စည်းများသည် ကြီးကြပ်ကန့်သတ်မှုဖြင့် ပြည်တွင်း၌ တရားဝင်ထုတ်လုပ်၍ အခွန်ပေးဆောင်နေသော လုပ်ငန်းများကို နစ်နာစေကြောင်း တွေ့ရပါသည်။ ၎င်း တရားမ၀င် အရက်၊ ဘီယာ၊ ၀ိုင်နှင့် စီးကရက်များကို ရောင်းဝယ်ဖောက်ကားနေခြင်းသည် ဥပဒေကို ဖောက်ဖျက်နေခြင်းပင်ဖြစ်ရာ ထိုသို့ ဆောင်ရွက်မှုအားလုံးကို ရပ်တန့်ကြပါရန် သတိပေးနှိုးဆော်ပါသည်” ဆိုပြီး ဖော်ပြပါရှိပါတယ်။ ဒါဘာ ကြော်ငြာလဲ၊ ဘယ်သူက ထည့်တာလဲ၊ ဘာရည်ရွယ်ချက်နဲ့လဲ၊ ဘာအကျိုးဆက်တွေ ဖြစ်လာနိုင်သလဲ ဆိုတာ ဆွေးနွေးတင်ပြသွားပါ့မယ်။

ပထမ ဆွေးနွေးဖို့လိုတာက ဒီကြေငြာစာကို ဘယ်သူ၊ ဘယ်အဖွဲ့အစည်းက ထည့်သွင်းသလဲ ဆိုတာပါ။ ကြေညာစာမှာ ဘာမှ ဖော်ပြမထားပါဘူး။ တရားမ၀င်မှောင်ခို ကုန်ကူးသန်းတာနဲ့ ပတ်သက်ပြီး အရေးယူနေတဲ့ စီးပွား-ကူးသန်း ၀န်ကြီးဌာနက ထည့်တာလား၊ စစ်တပ်ပိုင် မြန်မာ့စီးပွားရေး ဦးပိုင်၊ မြန်မာ့စီးပွားရေး ကော်ပိုရေးရှင်းနဲ့ အရက်ထုတ်သူဌေးကြီး ဦးအောင်မိုးကျော်တို့ရဲ့ IBTC ကုမ္ပဏီကြီး တစ်ခုခု ဒါမှမဟုတ် ပူးပေါင်းပြီး ထည့်တဲ့ ကြော်ငြာလား၊ ဘဏ္ဍာရေးဝန်ကြီးဌာနက အခွန်မရလို့ ကြော်ငြာထည့် သတိပေးတာလား၊ ဒါမှမဟုတ် လက်ရှိ စည်းမျဉ်းစည်းကမ်းတွေအရ ဟိုတယ်ခရီးဝန်ကြီးဌာန ထောက်ခံချက်နဲ့ အရက်၊ ဘီယာ၊ ၀ိုင်၊ စီးကရက်တွေကို တင်သွင်းခွင့်ရနေတဲ့ လက်တစ်ဆုပ်စာ စီးပွားရေးသမားတွေက ထည့်တာလား ဘာမှ သဲသဲကွဲကွဲ မသိရပါဘူး။

ပြောရရင် စာထဲမှာ ကြီးကြီးကျယ်ကျယ်တွေ ရေးထားပေမယ့် ဘယ်သူက ထုတ်ပြန်တာ ဖော်ပြမထားတော့ ဒါဟာ “ပစ်စာ” သာသာပါပဲ။ အရေးကြီးတာက ကြော်ငြာစည်းကမ်းချက် အလွန်တင်းကျပ်ပါတယ်ဆိုတဲ့ အစိုးရပိုင် သတင်းစာဟာ ဒီလိုဘယ်သူက ကြော်ငြာတယ်၊ မဖော်ပြ၀ံ့တဲ့ ပစ်စာဆန်ဆန် ကြော်ငြာမျိုးကို ဘာကြောင့် ထည့်သွင်းပေးရသလဲ ဆိုတာပါ။ ဒီကြော်ငြာနဲ့ ပတ်သက်ပြီး အစိုးရသတင်းစာမှာ ဗိုင်းရပ်စ် ရှိနေတယ်၊ မရိုးမသားလုပ်ပြီး ကြော်ငြာထည့်သွင်းခွင့်ပေးလိုက်တယ်ဆိုတာကတော့ ပေါ်လွင်ပါတယ်။ ဒါက တစ်မှုပါ။

နောက်ပြဿနာတစ်ခုက ဒီကြော်ငြာပိုင်ရှင်တွေအနေနဲ့ လတ်တလော ကုန်တိုက်တွေ၊ စတိုးဆိုင်တွေ၊ လစ်ကွာဟောက်စ်တွေ၊ စားသောက်ဆိုင်တွေနဲ့ ကုန်စုံဆိုင်တွေမှာ ရောင်းချနေတဲ့ နိုင်ငံခြားဖြစ် အရက်၊ ဘီယာ၊ ၀ိုင်တွေကို ပြဿနာရှာချင်တဲ့ သဘောပါ။ ပြီးခဲ့တဲ့နှစ်က စီးပွားကူးသန်းဝန်ကြီး ဦးဝင်းမြင့်ကိုယ်တိုင် ဖမ်းဆီး ပြဿနာရှာခဲ့ပြီး ယာယီသဘော ငြိမ်သက်နေတဲ့ နိုင်ငံခြားဖြစ် အရက်၊ ဘီယာ၊ ၀ိုင် ရောင်းချနေမှုကို ရုတ်ရုတ်သဲသဲ ပြန်ဖြစ်အောင်လုပ်တဲ့ သဘောထားမျိုး အဲဒီကြော်ငြာမှာ တွေ့ရလို့ပါပဲ။မှန်ပါတယ်။ ကြော်ငြာမှာ ဖော်ပြထားသလို “တရားမ၀င် အရက်၊ ဘီယာ၊ ၀ိုင်နှင့် စီးကရက်များကို ရောင်းဝယ် ဖောက်ကားနေခြင်းသည် ဥပဒေကို ဖောက်ဖျက်နေခြင်းပင် ဖြစ်သည်” ဆိုတာ အလွန်မှန်ပါတယ်။ အဲဒါဆို နိုင်ငံခြားဖြစ် အရက်၊ ဘီယာ၊ ၀ိုင်တွေ တရားဝင် ဘယ်နေရာမှာ သွားဝယ်လို့ ရပါသလဲဆိုတာ အရင်မေးရမလို ဖြစ်နေပါတယ်။ ဇာတ်ကြောင်းကို ပြန်ကောက်ရရင် အရင်စစ်အစိုးရဟာ မြန်မာနိုင်ငံထဲ နိုင်ငံခြားဖြစ် အရက်၊ ဘီယာ၊ ၀ိုင် တင်သွင်းခွင့် လုံးဝ ပိတ်ပင်ထားပါတယ်။ အဲပြည်တွင်းကို လာလည်တဲ့ နိုင်ငံခြားသားတွေ သောက်ချင်သောက်လို့ရအောင်ဆိုပြီး လေဆိပ် အခွန်လွတ်ဆိုင်တွေနဲ့ ဟိုတယ်တချို့ကိုတော့ ရောင်းချခွင့်ပြုပါတယ်။ အဲဒီအတွက် ဟိုတယ်-ခရီးဝန်ကြီးဌာန ထောက်ခံချက်နဲ့ လိုင်စင်ယူပြီး နိုင်ငံခြားကနေ အရက်၊ ဘီယာ၊ ၀ိုင် တင်သွင်းရပါတယ်။ လက်တစ်ဆုပ်စာ စီးပွားရေးသမားတွေ အခွင့်အရေးရကြပါတယ်။ ကျန်တဲ့ တစ်တိုင်းပြည်လုံးက သန်း ၆၀ သော ပြည်သူတွေကိုတော့ နိုင်ငံခြားဖြစ် အရက်၊ ဘီယာ၊ ၀ိုင်တွေ မသောက်ကြနဲ့။ စစ်တပ်ပိုင် ဦးပိုင်၊ မြန်မာ့စီးပွားရေး ကော်ပိုရေးရှင်းနဲ့ သူဌေးကြီး ဦးအောင်မိုးကျော်တို့လို IBTC က ထုတ်တဲ့ အရက်တွေ၊ ဘီယာတွေပဲ သောက်ကြပါ၊ အေးသာယာဝိုင်တွေ မက်မန်းဝိုင်တွေပဲ သောက်ကြပါလို့ အမိန့်ထုတ်ပြန်ထားတာပါ။ ဒါကြောင့် နိုင်ငံခြားဖြစ် အရက်၊ ဘီယာ၊ ၀ိုင်တွေ လုံးဝ တင်သွင်းခွင့်ပေးမထားသလို၊ ဘယ်ကုန်တိုက်၊ စတိုးဆိုင်၊ လစ်ကွာဟောက်စ်တွေကိုမှလည်း ရောင်းချခွင့် ပေးမထားတဲ့သဘောပါပဲ။

တကယ်တော့ အဲဒီဥပဒေ တရားမျှတမှု မရှိ၊ မှန်ကန်မှု မရှိ၊ ပြည်သူတွေ လိုက်နာဖို့ မဖြစ်နိုင်ဆိုတာ အလွန် ထင်ရှားပါတယ်။ အဲဒီလို အဓိပ္ပာယ်မဲ့တဲ့ ဥပဒေ၊ စည်းကမ်းတွေကို ဈေးကွက်စီးပွားရေးစနစ်ကို တကယ် ကျင့်သုံးပါတော့မယ်လို့ ကြွေးကြော်တဲ့ သမ္မတဦးသိန်းစိန် အစိုးရသစ်လက်ထက်မှာလည်း ဆက်ပြီး ကျင့်သုံးပါတယ်။ အကျိုးဆက်ကတော့ ဒီကနေ့ ကုန်တိုက်တွေ၊ စတိုးဆိုင်တွေ၊ လစ်ကွာဟောက်စ်တွေ စားသောက်ဆိုင်တွေမှာ ရောင်းချနေတဲ့ ရက်ဘ်လေဘယ်လ်၊ ဘလက်လေဘယ်လ်၊ ဟင်နီကင်၊ ဘီယာချန်း အားလုံး တရားမ၀င်တွေချည်းပါပဲ။ အားလုံး မှောင်ခို ခိုးသွင်းလာတာတွေ ချည်းပါပဲ။ ပြီးခဲ့တဲ့ နှစ်ကုန်ပိုင်းကတော့ ၀န်ကြီးဦးဝင်းမြင့် ဦးဆောင်တဲ့ စီးပွား-ကူးသန်းက မှောင်ခိုဖမ်းတဲ့ Mobile Team ဟာ အရက်၊ ဘီယာ၊ ၀ိုင် သိုလှောင်ရုံတချို့ကို ၀င်ဖမ်းလိုက်ပါသေးတယ်။ အဓိပ္ပာယ်ကတော့ ငါတို့ ဖမ်းချင်ရင် အချိန်မရွေး ဖမ်းလို့ရတယ်ဆိုပြီး ကိုယ်နဲ့ သိပ်အဆင်မပြေသူတွေကို ပညာပေးလိုက်တဲ့ သဘောပါပဲ။ ဒါနဲ့ပဲ ရန်ကုန်မှာ နိုင်ငံခြားဖြစ် အရက်၊ ဘီယာ၊ ၀ိုင် ရောင်းချတာတွေ ချောက်ချောက်ချားချား ဖြစ်သွားပါသေးတယ်။ နောက်တော့ ၀န်ကြီးဦးဝင်းမြင့်က နိုင်ငံခြားကနေ အရက်၊ ဘီယာ၊ ၀ိုင် တင်သွင်းခွင့်ပေးဖို့ ပြည်သူတွေ ပါဝင်တဲ့ အလုပ်ရုံဆွေးနွေးပွဲ လုပ်နေတယ်ဆိုပြီး သတင်းထုတ်ပြန်ပါတယ်။ နောင်ဆို အရက်ဘီယာ တင်သွင်း ခွင့်ပေးဖို့ ပြည်သူ့ဆန္ဒခံယူပွဲ လိုတယ်ဆိုပြီး ပြောလေဦးမလား မသိနိုင်ပါဘူး။

တကယ်ဆို ဈေးကွက်စီးပွားရေးစနစ်နဲ့လျော်ညီအောင် နိုင်ငံခြားဖြစ် အရက်၊ ဘီယာ၊ ၀ိုင်တွေကို နိုင်ငံတကာနည်းတူ တရားဝင် တင်သွင်းခွင့်ပေးဖို့ပဲရှိပါတယ်။ ဒါပေမဲ့လည်း ၀န်ကြီးဦးဝင်းမြင့်နဲ့ စီးပွား-ကူးသန်း ၀န်ကြီးဌာနဟာ စစ်တပ်ပိုင်နဲ့ ခရိုနီတွေပိုင် အရက်၊ ဘီယာထုတ်လုပ်ငန်းတွေ ထိခိုက်မှာစိုးလို့ အချိန်ဆွဲနေတာလား၊ မ၀ံ့မရဲ ဖြစ်နေတာလား မေးခွန်းထုတ်စရာ ဖြစ်နေပါကြောင်း သုံးသပ်တင်ပြလိုက် ရပါတယ်။

Mizzima Burmese