မီးမဖြတ်ဘူးပြောပြီး နေ့စဉ် မီးပြတ်နေလို့ ရန်ကုန်ပြည်သူအချို့ ဒေါသထွက်

ပို့စ်တင်ချိန် - 5/07/2014 06:21:00 AM


ရန်ကုန်မြို့ကို လုံးဝမီးမဖြတ်ပါလို့ လျှပ်စစ်ဖြန့်ဖြူးရေးအဖွဲ့က ပြောပြီးတဲ့နောက်နေ့ကစပြီး မေလ ၆ရက်နေ့အထိ မြို့နယ်တိုင်း လျှပ်စစ်မီးတွေပြတ်တောက်နေဆဲပါ။ ပြည်သူကို အရူးလုပ်တာလားဆိုပြီး လုပ်ငန်းရှင်တွေလည်း ဒေါသတွေ ထွက်နေကြပါတယ်။

ဓာတ်ခအားနှုန်းထားသစ်တွေကြောင့် အင်တာနက်ကဖေးဆိုင်မှာ သုံးစွဲလို့ ကျသင့်တာက တစ်လ တစ်သိန်းခွဲကုန်နေတဲ့ ကိုထွန်းအောင်ကျော်က မီတာခတွေ တိုးကောက်တော့လည်း ၂သိန်းကျော် ပေးနေရတုန်းပါပဲလို့ ဆိုပါတယ်။ ဒါပေမယ့် မီးဖြတ်ဘူးဆိုပြီး မီးဖြတ်နေတာလို့ ထောက်ပြပါတယ်။

မီးပုံမှန်မလာတဲ့အပြင် လာတဲ့အခါမှာလည်း ဓာတ်အားမငြိမ်တာတွေရှိနေဆဲမို့ အစိုးရအနေနဲ့ အပြောနဲ့အဟော မညီတာကြောင့် သင်္ကြန်အမြှောက်တွေပါလို့ ဆိုလာသူက တာမွေ မေတ္တာညွန့်ရပ်ကွက်က သမာဓိလမ်းမှာ နေထိုင်သူပါ။

မီးဖြတ်ရတာဟာ လိုအပ်ချက်ကြောင်း စီမိံကန်းချပြီး မီးဖြတ်ရတာ၊ အရေးပေါ်အခြေအနေနဲ့ သဘာဝဘေးအန္တရာယ် ဆိုတဲ့ ၃ခုကလွဲရင် ကျန်တဲ့အချိန်မှာ မီးမဖြတ်ပါဘူးလို့ ရန်ကုန်တိုင်း လျှပ်စစ်ဓာတ်အား ဖြန့်ဖြူးရေးအဖွဲ့က ဆိုပါတယ်။ မနှစ်တုန်းက နွေရာသီမှာ ဓာတ်အားမလုံလောက်လို့ မီးမပေးနိုင်ခဲ့ပေမယ့် ဒီနှစ်တော့ မိုးကောင်းခဲ့လို့ ရေအားလုံလောက်တာကြောင့် မီးပြည့်ပြည့် ပေးနိုင်မယ်လို့ ဆိုပါတယ်။

မီးအားလုံလောက်ဖို့ အာမ မခံနိုင်တာက လာမယ့်နှစ်မှာ တိုးလာမယ့် မီးသုံးစွဲမှု ၁၅%ရယ် လျှပ်စစ်မီးကို ရေအားနဲ့ ကျောက်မီးသွေးတွေကနေ ကန့်သတ်ချက်နဲ့ လုပ်နေရတာဖြစ်တယ်။ အခုမှ နေရောင်ခြည်ကနေ စွမ်းအင်ထုတ်ဖို့ ဆွေးနွေးဆဲပဲလို့ ဆိုပါတယ်။

Kamayut Media