အောင်မြင်မှုများ မကြာမီ ပြန်လည် ပိုင်ဆိုင်လာမည်ဟု ယူနိုက်တက် ပရိသတ်များအား ဂစ်ကတိပြု

ပို့စ်တင်ချိန် - 5/07/2014 09:08:00 PM


မန်ချက်စတာ ယူနိုက်တက်၏ ခမ်းနားသော အချိန် ကာလများကို ပြန်လည် ပိုင်ဆိုင်လာစေမည်ဟု အသင်း၏ ယာယီမန်နေဂျာ ရိုင်ယန်ဂစ်က ပရိသတ်များအား ကတိပြု ပြောကြားခဲ့သည်။

ဒေးဗစ်မိုယက်စ် ထုတ်ပယ်ခံရပြီးနောက် ကစားသမား/မန်နေဂျာအဖြစ် အသင်းကို ထိန်းကျောင်း ကိုင်တွယ်ပေးနေသည့် ဝါရင့် ကစားသမားကြီးသည် ၎င်း၏ ဘောလုံးသမားဘဝ နှုတ်ဆက်ပွဲစဉ်ကို ယမန်နေ့ညက အိုးလ်ထရက်ဖို့ဒ် ပရိသတ် ရှေ့မှောက်တွင် ပါဝင်ကစားသွားခဲ့သည်။ ၎င်းပွဲထုတ်ခဲ့သည့် လူငယ်ကစားသမားလေး အချို့၏ စွမ်းဆောင်ရည်ကောင်းများဖြင့် ဟူးလ်စီးတီးကို (၃-၁)ဖြင့် အနိုင်ရသည့် ပွဲစဉ်အပြီး၌ အသက်(၄၀)အရွယ် ဝေလသားကြီးက “ကျွန်တော် ပြောချင်တာက အသင်းကို ဆက်ပြီးတော့ အားပေးနေကြဖို့ ဆိုတာပါပဲ။ အနာဂတ်ကို ခင်ဗျားတို့ ရိပ်ဖမ်းသံဖမ်း မြင်ပြီးကြပြီ ဖြစ်မှာပါ။ ကျွန်တော်တို့ဟာ လူငယ်တွေကို အမြဲတမ်း အခွင့်အရေးပေးလေ့ရှိပြီး ဆွဲဆောင်မှု ပြည့်ဝတဲ့ ကစားဟန်ကို ဖော်ဆောင်နေတာ ဖြစ်ပါတယ်”ဟု ပရိသတ်များအား ပြောဆိုခဲ့သည်။

၎င်းက “မကြာခင်မှာပဲ ကောင်းမွန်ခမ်းနားတဲ့ အချိန်တွေ ပြန်ရလာပါလိမ့်မယ်။ လောလောဆယ် အခြေအနေတွေက ခက်ခဲကြမ်းတမ်းလွန်းတယ်ဆိုတာ ကျွန်တော်တို့ သိပါတယ်။ ဒါပေမဲ့ ခင်ဗျားတို့ရဲ့ ထောက်ခံ အားပေးမှုတွေကို ပြောင်းလဲ မပစ်လိုက်ပါနဲ့။ လာမယ့်နှစ်ပိုင်းတွေမှာ ကျွန်တော်တို့ဟာ ခင်ဗျားတို့ဆီကို ပိုပြီး အားကောင်းတဲ့ အောင်မြင်မှုတွေ ဆောင်ယူလာပေးမှာ ဖြစ်ပါတယ်” ဟုလည်း ကတိပြုသွားခဲ့သည်။ ၎င်းက အသင်းအတွက် ခြေစွမ်းပြခဲ့သည့် လူငယ်ကစားသမားလေးများ ဖြစ်ကြသော တွမ်လောရင့်စ်နှင့် ဂျိမ်းစ်ဝီလ်ဆင် တို့၏ ပွဲဦးထွက် လှပမှုကိုလည်း ချီးကျူးသွားခဲ့သေးသည်။

“ချာတိတ်တွေ ကွင်းထဲမှာ အကောင်းဆုံး လုပ်ပြခဲ့တဲ့အတွက် ကျွန်တော်အရမ်းကို ပီတိဖြစ်မိပါတယ်။ ဝီလ်ဆင်က ကစားသမားကောင်း တစ်ယောက်ပါ။ စိတ်လှုပ်ရှားစရာ ကစားသမားမျိုးပေါ့။ သူဟာ ကျွန်တော်တို့နဲ့ လေ့ကျင့်ခန်း အတူဆင်းဖြစ်ကတည်းက မျက်ကွယ်ပြုလို့ မရတဲ့ အခြေအနေမျိုး ဖြစ်လာတယ်။ ဒီချာတိတ်နှစ်ယောက်လုံး သူတို့အသက် (၈)နှစ်ကတည်းက အသင်းကို ရောက်နေခဲ့တာပါ။ သူတို့တွေ ခြေစွမ်းပြနေတာကို မြင်ရတာ ပျော်စရာပါပဲ”ဟုလည်း ဂစ်က မှတ်ချက်ပြုသွားခဲ့သည်။

soccermyanmar