ကျွန်းသစ်လုံး တန်ချိန် ၆ သောင်း ရောင်းမည်

ပို့စ်တင်ချိန် - 5/16/2014 08:41:00 PM


 မြန်မာ့သစ်လုပ်ငန်းဟာ ကျွန်းသစ်လုံးတန်ချိန် ၆ သောင်း တင်ဒါခေါ်ယူ ရောင်းချမှာဖြစ်ပြီး ခွဲသားနဲ့ အချောထည် ပြုလုပ်ပြီး နိုင်ငံခြားတင်ပို့မယ့် ကုမ္ပဏီတွေအနေနဲ့ ယှဉ်ပြိုင်ဝယ်ယူနိုင်တယ်လို့ ဇေယျသီရိကုမ္ပဏီဒါရိုက်တာ ဦးထင်ကျော်က ဒီဗွီဘီကို ပြောပါတယ်။

အစိုးရဟာ နိုင်ငံခြားကို သစ်အလုံးလိုက် တင်ပို့မှုကို ပြီးခဲ့တဲ့ မတ်လကုန်က ပိတ်ပင်လိုက်ပေမယ့် ခွဲသားနဲ့ အချောထည် တင်ပို့မှုကိုတော့ ခွင့်ပြုပေးထားပါတယ်။

မြန်မာ့သစ်လုပ်ငန်းဟာ နှစ်စဉ် ကျွန်းသစ်လုံးတွေ တင်ဒါခေါ်ယူ ရောင်းချခဲ့ပြီး အခုနှစ် ရောင်းချမှာကတော့ တန်ချိန် ပမာဏ အများဆုံး ဖြစ်ပါတယ်။

မြန်မာ့သစ်လုပ်ငန်းက ရောင်းချတဲ့ ကျွန်းသစ်လုံးတွေကို တင်ဒါယှဉ်ပြိုင် ၀ယ်ယူခွင့်ရတဲ့အခါ ကုမ္ပဏီဘက်က အခွန် ၅၀ ရာခိုင်နှုန်း ပေးဆောင်ရမှာ ဖြစ်ပါတယ်။

လက်ရှိ ကျွန်းသစ်ခွဲသား၏ တတန်ကို ကျပ် ၁၀ သိန်းအထက် ဈေးပေါက်နေတယ်လို့ စုံစမ်းသိရပါတယ်။

DVB Burmese